H-1B व्हिसा धारकांना मोठा धक्का; अमेरिकेने केला 'हा' मोठा बदल, जाणून घ्या काय होणार परिणाम? (फोटो सौजन्य: सोशल मीडिया)
वॉशिंग्टन : H-1B व्हिसा धारकांसाठी एक मोठी आणि महत्त्वपूर्ण बातमी आहे. अमेरिकेने पुन्हा एकदा आपल्या इमिग्रेशन धोरणात काही बदल केले आहेत. अमेरिकेचे राष्ट्राध्यक्ष डोनाल्ड ट्रम्प यांनी “वन बिग ब्युटीफुल बिल” विधेयकावर स्वाक्षरी केली. यामुळे इमिग्रेशन धोरणांत काही बदल झाले आहेत. यामुळे याचा व्हिसा धारकांवर मोठा परिणाम होण्याची शक्यता आहे.
या नवीन विधेयकानुसार, आता H-1B व्हिसा अर्जदारांना आता २५० अमेरिकन डॉलर्स इंटिग्रिटी फी भरावी लागमार आहे. ही फी एक प्रकराची सुरक्षा ठेव रक्कम आहे. व्हिसाच्या अटी पूर्ण केल्यानंतर ही फी परत केली जाणार आहे. तसेच महागाईनुसार, दरवर्षी H-1B व्हिसा अर्जाच्या शुल्कात वाढ केली जाणार असल्याचे अमेरिकेने म्हटले आहे.
