Israel-Hamas ceasefire: युद्धबंदीच्या नवीन प्रस्तावाला हमासकडून मान्यता; इस्त्रायलचा निर्णय अद्याप अस्पष्ट

हमासने युद्धबंदीचा नवीन प्रस्ताव स्वीकारला आहे. इस्त्रायलनेही या प्रस्तावाला मंजुरी द्यावी अशी अपक्षा आहे. यामुळे इस्त्रायल आणि हमासमधील तणाव कमी करण्याच्या दिशेने हे महत्त्वाचे पाउल मानले जात आहे.

Israel-Hamas ceasefire: युद्धबंदीच्या नवीन प्रस्तावाला हमासकडून मान्यता; इस्त्रायलचा निर्णय अद्याप अस्पष्ट (फोटो सौजन्य: सोशल मीडिया )

Follow Us:

Follow Us:

जेरुसेलम: गेल्या अनेक काळापासून सुरु असलेल्या गाझातील हमास-इस्त्रायलच्या संघर्ष दिवसेंदविस तीव्र होत चालला होता. जानेवारीत युद्धबंदीचा करारही करण्यात आला होता. या करारांगर्तग इस्त्रायल आणि हमासने कैद केलेल्या नागरिकांची सुटका केली. दरम्यान या युद्धबंदीचा पहिला टप्पा पूर्ण झाल्यानंतर हमासने दुसऱ्या टप्पायातील अटी मान्य करण्यास नकार दिला होता. यामुळे संघर्ष पुन्हा उफाळून आला होता. आता पुन्हा एकदा हमासने युद्धबंदीचा नवीन प्रस्ताव स्वीकारला आहे.

दर आठवड्याला पाच इस्त्रायली बंधकांची सुटका होणार

हमासने दिलेल्या माहितीनुसार, त्यांनी इजिप्त आणि कतारकडून मिळालेल्या नवीन युद्धबंदी प्रस्तावाला मान्यता दिली आहे. या नवीन प्रस्तावानुसार, हमास दर आठड्याला पाच इस्त्रायली बंधकांची सुटका करणार आहे. हमासचे वरिष्ठ नेते खलील अल-हया यांनी म्हटले की, “आम्हाला दोन दिवसांपूर्वी इजिप्त आणि कतारकडून एक प्रस्ताव मिळाला आहे. आम्हाला तो मान्य असून इस्त्रायलनेही या प्रस्तावाला मंजुरी द्यावी अशी अपक्षा आहे.

जागतिक घडामोडी संबंधित बातम्या- सीरियात नवीन सरकारची नवी आश्वासने; स्थापना झाल्यानंतर देशवासियांना प्रगती अन् समृद्धीची वचने

महत्वाचे पाऊल

मीडिया रिपोर्टनुसार, हमासने दर आठवड्याला पाच इस्त्रायली ओलिसांची सुटका करण्याचे आश्वासन दिले आहे. यामुळे इस्त्रायल आणि हमासमधील तणाव कमी करण्याच्या दिशेने हे महत्त्वाचे पाउल मानले जात आहे.

युद्धबंदीतील पूर्वीचे टप्पे

• हमास आणि इस्त्रायलमधील संघर्ष कमी करण्यासाठी जागतिक स्तरावर अनेक प्रयत्न करण्यात आले आहे. यामध्ये अमेरिकेचे राष्ट्राध्यक्ष डोनाल्ड ट्रम्प यांनी महत्वाचू भूमिका बजावली आहे.
• इस्त्रायल आणि हमासमध्ये 19 जानेवारी 2005 रोजी युद्धबंदीचा करार लागू करण्यात आला होता.
• 15 महिन्यांपासून सुरु असलेल्या युद्धाच्या पार्श्वभूमीवर हा युद्धविराम महत्वाचा मानला जात होता.
• या पहिल्या 42 दिवसांच्या युद्धविरामात इस्त्रायली बंधकांची, आणि हमासच्या कैद्यांची सुटका करण्यात आली. तसेच इस्त्रायलच्या बंधकांचे मृतदेहही परत करण्यात आले होते.
• दुसऱ्या टप्प्यात सर्व उर्वरित इस्त्रायली बंधकांची सुटका आणि गाझातून इस्त्रायली सैन्यांची माघार या अटींवर चर्चा सुरु झाली.
• मात्र हमासने या अटी मान्य करण्यास नकार दिला.
• त्यानंतर इस्त्रायलने अमेरिकेची परवानगी न घेता गाझावर हल्ले करण्यास सुरुवात करत युद्धबंदीचे उल्लंघन केले.
• सध्या नवीन प्रस्ताव सादर करण्यात आला असून हमासने मान्य केला आहे आणि इस्त्रायलच्या मंजूरीची अपेक्षा आहे.

इस्त्रायलचे हल्ले सुरुच

सध्या गाझात इस्त्रायलचे हल्ले सुरुच आहेत. शनिवारी (29 मार्च) इस्त्रायलने मोठ्या प्रमाणावर गाझात हल्ले केले. या हल्ल्यात 20 पॅलेस्टिनी नागरिकांचा मृत्यू झाल्याचे गाझाच्या आरोग्य अधिकाऱ्यांनी म्हटले आहे. 18 मार्च पासून इस्त्रायलचे हमासवर हल्ले सुरुच आहेत.

जागतिक घडामोडी संबंधित बातम्या- India-Russia Relations: पुतिन लवकरच भारत दौऱ्यावर येणार; ‘या’ महत्वाच्या मुद्दयांवर होणार चर्चा

Web Title: Hamas approves to egyptian ceasefire proposal

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com