Indian Rupee Strong Value: भारतीय रुपया तुम्हाला २० हून अधिक देशांमध्ये श्रीमंत बनवेल! मनापासून खर्च करा आणि तुमच्याकडे पैशाची कमतरता भासणार नाही; यादी वाचा. ( फोटो सौजन्य : सोशल मीडिया)
भारतीय रुपयाचा मूल्य जगभरातील २०+ देशांमध्ये इतर चलनांच्या तुलनेत अधिक मजबूत आहे.
आर्थिक संकटांचा सामना करीत असलेल्या देशांमध्ये रुपयाची खरेदी शक्ती विशेषतः जास्त आहे.
भारतीय पर्यटक, विद्यार्थी आणि व्यवसायासाठी हे रुपयाचे स्थान फायदेशीर ठरते.
Indian Rupee stability 2025 : भारतीय रुपया (INR) आता केवळ भारतातीलच नव्हे तर जगभरात अनेक देशांमध्ये महत्त्वाचे चलन बनले आहे. आशिया, युरोप, आफ्रिका, आणि दक्षिण अमेरिकेत भारतीय रुपयाचे मूल्य स्थानिक चलनांच्या तुलनेत जास्त आहे. याचा अर्थ असा की भारतीय पर्यटक, विद्यार्थी आणि व्यवसायिकांना या देशांमध्ये पैशाचा जास्त फायदा मिळतो.
भारतीय रुपयाचे हे बळ भारताच्या आर्थिक स्थैर्यामुळे आणि जागतिक बाजारपेठेतील त्याच्या महत्त्वामुळे निर्माण झाले आहे. भारताची वेगाने वाढणारी अर्थव्यवस्था ( Indian Economy) , परकीय गुंतवणूक, आणि मजबूत व्यापार संबंध या कारणांमुळे रुपयाचे मूल्य स्थिर राहते. तर, अनेक देश महागाई, राजकीय अस्थिरता आणि कमकुवत अर्थव्यवस्थेमुळे त्यांच्या चलनाचे मूल्य राखण्यात संघर्ष करत आहेत. या पार्श्वभूमीवर भारतीय रुपयाचे स्थान अधिक दृढ दिसते.
जगातील अनेक आर्थिक संकटात सापडलेल्या देशांमध्ये भारतीय रुपयाचे मूल्य खूप जास्त आहे. उदाहरणार्थ:
लेबनॉन: १ रुपया = १००६.०७ लेबनीज पौंड
इराण: १ रुपया = ४७४.१२ इराणी रियाल
व्हिएतनाम: १ रुपया = २९७.६१ व्हिएतनामी डोंग
लाओस: १ रुपया = २४२.८७ लाओ किप
इंडोनेशिया: १ रुपया = १८७.९८ इंडोनेशियन रुपया
या देशांमध्ये भारतीय रुपयाची ताकद केवळ चलन म्हणूनच नाही तर खरेदी शक्तीच्या दृष्टीनेही दिसून येते. स्थानिक महागाई आणि आर्थिक अस्थिरतेमुळे रुपयाची किंमत तुलनेने जास्त आहे.
जागतिक घडामोडी संबंधित बातम्या वाचण्यासाठी येथे क्लिक करा :Ukraineने ‘असे’ उद्ध्वस्त केले Russiaचे 100 अब्ज डॉलर्सचे साम्राज्य; झेलेन्स्कींनी अवलंबली पुतिनच्या जखमेवर मीठ चोळण्याची रणनीती
भारतीय रुपया फक्त आशियापुरता मर्यादित नाही. दक्षिण अमेरिका आणि आफ्रिकेतील अनेक देशांमध्येही रुपयाची किंमत मजबूत आहे:
पॅराग्वे: १ रुपया = ७९.४५ ग्वाराणी
कोलंबिया: १ रुपया = ४३.९६ पेसो
नायजेरिया: १ रुपया = १६.७२ नायरा
इराक: १ रुपया = १४.६९ दिनार
अर्जेंटिना: १ रुपया = १४.९८ पेसो
या देशांमध्ये चलन महागाई आणि राजकीय अस्थिरतेमुळे कमजोर झालेले आहे. परिणामी, भारतीय रुपयाचे मूल्य विशेषतः वाढले आहे.
जागतिक घडामोडी संबंधित बातम्या वाचण्यासाठी येथे क्लिक करा : PoK Shutdown : फोन बंद, रस्ते ओसाड आणि 3,000 सैनिक तैनात; पाकिस्तानच्या पीओकेमध्ये काही अघटित घडण्याचे संकेत
भारताजवळील देशांमध्येही रुपया मजबूत आहे. काही उदाहरणे:
जपान: १ रुपया = १.६८ येन
पाकिस्तान: १ रुपया = ३.१७ पाकिस्तानी रुपया
नेपाळ: १ रुपया = १.५९ नेपाळी रुपया
बांगलादेश: १ रुपया = १.३७ टका
शेजारील देशांची चलने भारताच्या तुलनेत तुलनेने कमकुवत असल्यामुळे रुपयाची ताकद अधिक स्पष्ट होते.
युरोपातील काही लहान देशांमध्ये भारतीय रुपयाचे मूल्य तुलनेने जास्त आहे. जरी युरो (EUR) सारख्या महागड्या चलनांसोबत तुलना केल्यास रुपया कमकुवत असला, तरी लहान देशांमध्ये आणि संकटग्रस्त अर्थव्यवस्थांमध्ये तो अजूनही मजबूत आहे.
भारतीय रुपयाचे जागतिक स्तरावर स्थान मिळाल्यामुळे पर्यटकांना जास्त खरेदी शक्ती मिळते. तसेच, परदेशात शिक्षण घेणारे विद्यार्थी आणि व्यवसाय करणाऱ्यांना या चलनाचा फायदा होतो. यामुळे भारतीय रुपयाचे जागतिक महत्त्व वाढते आणि भारताच्या आर्थिक प्रतिष्ठेस हातभार लागतो. जागतिक अर्थव्यवस्थेत भारतीय रुपयाची ही ताकद भारतासाठी फायद्याची ठरते. हे फक्त चलनाचे मूल्य नाही, तर जागतिक आर्थिक प्रभावाचे प्रतीक आहे.
