‘ग्रोसी’च ठरला इराणवर झालेल्या हल्ल्याचे कारण? डेली इराण मिलिटरीने केला अत्यंत ‘गंभीर’ आरोप

IAEA chief Grossi accused : ग्रोसी यांनी दावा केला होता की, इराण गुपचूप अणुशस्त्र निर्मितीच्या दिशेने वाटचाल करत आहे. त्यांच्या या वक्तव्यानंतर लगेचच इस्रायल आणि अमेरिकेने इराणमधील अणुऊर्जा प्रकल्पांवर हवाई हल्ले केले.

IAEA प्रमुखांवर इराणचा संताप! 'ग्रोसीने इस्रायली मोसादसाठी हेरगिरी केली, फाशी द्या' - डेली इराण मिलिटरीचा गंभीर आरोप ( फोटो सौजन्य : सोशल मीडिया)

Follow Us:

Follow Us:

IAEA chief Grossi accused : पश्चिम आशियात पुन्हा एकदा तणावाचा भडका उडाला आहे. इराणने आंतरराष्ट्रीय अणुऊर्जा संस्था (IAEA) आणि तिचे महासंचालक राफेल ग्रोसी यांच्यावर थेट इस्रायली गुप्तचर संस्था मोसादसाठी हेरगिरी केल्याचा गंभीर आरोप केला आहे. ‘ग्रोसीला फाशी द्या’ अशी मागणी इराणमधील एका सैनिकी वृत्तसंस्थेने केली असून, त्यामुळे आंतरराष्ट्रीय पातळीवर खळबळ उडाली आहे.

ही प्रतिक्रिया IAEA प्रमुख ग्रोसी यांनी इराणविरोधात अलीकडेच केलेल्या वक्तव्याच्या पार्श्वभूमीवर आली आहे. ग्रोसी यांनी दावा केला होता की, इराण गुपचूप अणुशस्त्र निर्मितीच्या दिशेने वाटचाल करत आहे. त्यांच्या या वक्तव्यानंतर लगेचच इस्रायल आणि अमेरिकेने इराणमधील अणुऊर्जा प्रकल्पांवर हवाई हल्ले केले, असा आरोप इराणकडून करण्यात येत आहे.

‘ग्रोसीने विश्वासघात केला’  इराणचा संताप

डेली इराण मिलिटरी नावाच्या इराणी सैनिकी एक्स हँडलने म्हटले आहे की, “राफेल ग्रोसी यांनी IAEA चा मुखवटा लावून इस्रायलसाठी मोसादच्या सूचना पूर्ण केल्या. त्यांनी अणुऊर्जा तपासणीत निष्पक्षता ठेवण्याऐवजी राजकीय हेतूंनी प्रेरित माहिती लीक केली.” इराणच्या या आरोपामुळे आंतरराष्ट्रीय संस्थांच्या विश्वासार्हतेवर प्रश्न उपस्थित झाला आहे. इराणच्या मते, ग्रोसी यांचे वक्तव्य म्हणजे एक पूर्वनियोजित कारस्थान होते, ज्यामार्फत इराणविरोधात आंतरराष्ट्रीय पातळीवर आक्रमणासाठी कारण निर्माण केले गेले.

जागतिक घडामोडी संबंधित बातम्या वाचण्यासाठी येथे क्लिक करा : संयुक्त राष्ट्रात भारताची आक्रमक तयारी; पाकिस्तानचा डाव उधळण्याची रणनीती तयार

इस्रायल-अमेरिकेचा हल्ला, इराणकडून चोख प्रत्युत्तर

ग्रोसी यांच्या वक्तव्यानंतर इस्रायल आणि अमेरिकेने इराणच्या अणुऊर्जा स्थळांवर कारवाई केली. यामध्ये काही संशयित गुप्त प्रयोगशाळांवर हवाई हल्ले झाल्याची माहिती समोर आली आहे. इराणनेही याचे प्रत्युत्तर देताना इस्रायली सीमावर्ती भागांवर ड्रोन आणि क्षेपणास्त्रांचा मारा केला. या घटनेने मध्यपूर्वेत आणखी तणाव निर्माण झाला असून, यामुळे IAEA वर राजकीय हस्तक्षेपाचे आरोप जोरात होत आहेत.

Documents released by Iran show that IAEA chief Grossi has been completely coordinated with Israel and has been carrying out Israel’s orders.

Iran recently managed to obtain a wealth of secret documents from the Israeli regime. pic.twitter.com/iVz2V0oNh5

— Press TV 🔻 (@PressTV) June 12, 2025

credit : social media

IAEA वादाच्या भोवऱ्यात

IAEA ही जगातील सर्वात महत्त्वाची अणुऊर्जा संस्था असून, तिचे काम अणुशक्तीचा शांततेसाठी वापर सुनिश्चित करणे हे आहे. मात्र, इराणने थेट संस्थेवरच पक्षपाती वागणुकीचा आरोप करत तिच्या विश्वसनीयतेवर प्रश्नचिन्ह लावले आहे. ग्रोसी यांच्यावर लावण्यात आलेले ‘हेरगिरीचे’ आरोप हे अत्यंत गंभीर आहेत. फाशी देण्याची मागणी ही केवळ संतापाचे दर्शनच नाही, तर इराणच्या आतल्या राजकीय दबावाचेही प्रतिबिंब आहे, असे तज्ज्ञांचे मत आहे.

भविष्यात आणखी संघर्षाची शक्यता?

या संपूर्ण घटनेने इराण, इस्रायल आणि अमेरिका यांच्यातील तणाव नव्याने पेटला आहे. IAEA च्या भूमिकेवरही आंतरराष्ट्रीय समुदायात मतभेद आहेत. काही राष्ट्रांनी इराणच्या आरोपांवर तीव्र नाराजी व्यक्त केली असून, काहींनी IAEA च्या कार्यपद्धतीची चौकशी करण्याची मागणी केली आहे.

जागतिक घडामोडी संबंधित बातम्या वाचण्यासाठी येथे क्लिक करा : फक्त एक महिना बाकी… मग इराण करणार ‘ते’ काम, ज्याची अमेरिका आणि इस्रायलसह संपूर्ण जगाला भीती!

IAEA प्रमुख राफेल ग्रोसी

IAEA प्रमुख राफेल ग्रोसी यांच्यावर इस्रायली मोसादसाठी हेरगिरी केल्याचा इराणचा थेट आरोप म्हणजे एक नवा आंतरराष्ट्रीय राजकीय संघर्ष आहे. या प्रकरणामुळे केवळ पश्चिम आशियातील वातावरण तापले नसून, जागतिक पातळीवरही अणुशक्तीवरील नियंत्रण आणि संस्थांची निष्पक्षता यावर मोठा वाद निर्माण झाला आहे. पुढील काळात हे प्रकरण किती गहिरे जाते, यावर पश्चिम आशियातील स्थैर्य आणि जागतिक राजकारणाची दिशा ठरणार आहे.

Web Title: Iran accuses iaea chief grossi of spying for israel

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com