भिकाऱ्यांमुळे पाकची पुन्हा नाचक्की; सौदी अरेबियाने कारवाई करत ४,७०० जणांना पाठवले परत

Pakistan News: पाकिस्तानला पुन्हा एकदा अपमानाचा सामना करावा लागत आहे. या अपमानाला जबाबदार पाकिस्तानचेच नागरिक आहेत. सौदी अरेबियाने पाकिस्तानच्या नागरिकांवर कारवाई केली आहे.

भिकाऱ्यांमुळे पाकची पुन्हा नाचक्की; सौदी अरेबियाने कारवाई करत ४,७०० जणांना पाठवले परत (फोटो सौजन्य: सोशल मीडिया)

Follow Us:

Follow Us:

इस्लामाबाद: पाकिस्तानला पुन्हा एकदा अपमानाचा सामना करावा लागत आहे. या अपमानाला जबाबदार पाकिस्तानचेच नागरिक आहेत. पाकिस्तानने अनेक वेळा IMF आणि अरब देशांकडे मदत मागितली आहे. पण केवळ पाकिस्तान सरकारत नव्हे तर पाकिस्तानच्या नागरिकांनी देखील हातात वाठी परदेशात भीक मागण्याचा व्यवसाय केला आहे. पाकिस्तानचे संरक्षण मंत्री ख्वाजा मोहम्मद आसिफ यांनी दिलेल्या माहितीनुसार, सौदी अरेबियाने पाकिस्तानच्या नागरिकांवर कारवाई केली असून त्यांना घरी पाठवण्यात आले आहे.

पाकिस्तानची नाचक्की

पाकिस्तानमध्ये सुमारे २.२ कोटी भिकारी आहेत. ते दरवर्षी भिक मागून दरवर्षी सुमारे ४२ अब्ज रुपये गोळा करतात. तथापि, हे भिकारी पाकिस्तानपुरते मर्यादित नाहीत तर वेगवेगळ्या माध्यमातून विदेशात जाऊन सुद्धा भीक मागत आहेत. त्यामुळे पाकिस्तानची चांगलीच नाचक्की होत असून अलिकडेच सौदी अरेबियाने ४,७०० हून अधिक पाकिस्तान भिकाऱ्यांना पकडले आणि त्यांना परत पाठवले आहे, ही माहिती पाकिस्तानचे संरक्षण मंत्री ख्वाजा मोहम्मद आसिफ यांनी दिली. ते सियालकोट येथे रेडिमेड गार्मेंट्स मॅन्युफॅक्चरर्स अँड एक्सपोर्टर्स असोसिएशनच्या एका कार्यक्रमात बोलत होते.

बेकायदेशीरपणे भीक मागण्याचे काम

पाकिस्तानातील भिकारीही हे वेगवेगळ्या व्हिसावर सौदीला गेले होते आणि तिथे बेकायदेशीरपणे भीक मागत होते. सौदी पोलिसांनी त्यांना ताब्यात घेतले आणि हद्दपार केले. तथापि, हा आकडा कोणत्या कालावधीशी संबंधित आहे हे त्यांनी सांगितले नाही. ख्वाजा आसिफ म्हणाले की, परदेशात पाकिस्तानी भिकाऱ्यांची वाढती संख्या देशाची प्रतिमा खराब करत आहे.

जागतिक घडामोडी संबंधित बातम्या- अमेरिका संकटात? चीनने तयार केले सहाव्या पिढीतील अत्याधुनिक लढाऊ विमान

आता विदेशात जाण्यावर निर्बंध

• फेडरल इन्व्हेस्टिगेशन एजन्सीने गेल्या वर्षी संसदीय समितीला सांगितले की, सौदी अरेबियाने २०२४ पर्यंत गेल्या तीन वर्षांत ४,००० भिकाऱ्यांना पाकिस्तानात पाठवले आहे.
• सौदी अरेबियामध्ये भिक्षा मागण्याविरुद्ध कडक कायदे आहेत. या कायद्यांनुसार, भिकाऱ्यांना दंड आणि तुरुंगवासाची शिक्षा होऊ शकते.
• परदेशी भिकाऱ्यांना त्यांची शिक्षा पूर्ण झाल्यानंतर त्यांच्या देशात परत पाठवले जाते. परदेशात असलेले बहुतेक पाकिस्तानी भिकारी दक्षिण पंजाब, कराची आणि सिंधच्या अंतर्गत भागातील आहेत.
• या भिकाऱ्यांना अरब देशांमधून हद्दपार करण्यात आले आहे.
• पाकिस्तानात परतल्यावर त्यांची नावे एफआयए इमिग्रेशनच्या पासपोर्ट नियंत्रण यादीत टाकण्यात आली आहेत. ते पुन्हा पाकबाहेर जाऊ शकत नाहीत.
• पाक सरकारने अलिकडच्या काही महिन्यांत हजारो लोकांचे पासपोर्ट निलंबित केले आहेत जे परदेशात गेल्यानंतर भिकारी बनले आहेत.
• विशेषतः, अरब देशांमध्ये पकडले जाणारे बहुतेक भिकारी पाकिस्तानी वंशाचे आहेत. सौदी अरेबियाने पाकिस्तान सरकारला भिकाऱ्यांचा ओघ थांबवण्याची विनंती केली आहे.

जागतिक घडामोडी संबंधित बातम्या- ‘या’ कारणामुळे इराण अमेरिकेशी थेट चर्चा करत नाही; जाणून घ्या काय आहे नेमकं प्रकरण?

Web Title: Saudi arabia deported 4700 pakistani beggars says defence minister asif

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com