डोनाल्ड ट्रम्पचे स्वप्न भंगणार! गाझावर ताबा मिळवण्यासाठी ‘हे’ 5 मुस्लिम देश येणार एकत्र

डोनाल्ड ट्रम्प यांच्या गाझावरील प्रस्तावानंतर आता ५ मुस्लिम देश गाझाबद्दल चर्चा करत आहेत. शांततेसाठी अमेरिकेने गाझा ताब्यात घ्यावा असा ट्रम्प यांनी प्रस्ताव दिला आहे.

डोनाल्ड ट्रम्पचे स्वप्न भंगणार! गाझावर ताबा मिळवण्यासाठी 'हे' ५ मुस्लिम देश येणार एकत्र ( फोटो सौजन्य : सोशल मीडिया)

Follow Us:

Follow Us:

गाझा : डोनाल्ड ट्रम्प यांच्या गाझावरील प्रस्तावानंतर आता 5 मुस्लिम देश गाझाबद्दल चर्चा करत आहेत. शांततेसाठी अमेरिकेने गाझा ताब्यात घ्यावा असा ट्रम्प यांनी प्रस्ताव दिला आहे. यामुळे, ट्रम्प यांच्या विधानानंतर, 20 फेब्रुवारी रोजी होणाऱ्या शिखर परिषदेत सौदी अरेबिया, जॉर्डन, कतार, इजिप्त आणि यूएई चर्चा करतील.

डोनाल्ड ट्रम्प यांच्या गाझावरील विधानानंतर आता गाझाच्या मुद्द्यावर 5 मुस्लिम देश एकत्र आले आहेत. खरंतर, डोनाल्ड ट्रम्प यांनी गाझाबद्दल म्हटले आहे की ते गाझा अमेरिकेच्या नियंत्रणाखाली घेतील. यानंतर, सौदी अरेबिया आता 20 फेब्रुवारी रोजी एक शिखर परिषद आयोजित करणार आहे. या शिखर परिषदेत, डोनाल्ड ट्रम्प यांच्या गाझावर अमेरिकेच्या ताब्याच्या प्रस्तावावर चर्चा केली जाईल.

जॉर्डनच्या राष्ट्राध्यक्षांना भेटल्यानंतर डोनाल्ड ट्रम्प म्हणाले होते की मला गाझामध्ये शांतता हवी आहे. गाझामध्ये राहणाऱ्या लोकांना जॉर्डन किंवा इतर मुस्लिम देशांमध्ये स्थलांतरित करायचे आहे आणि मला वाटते की गाझा अमेरिकेने ताब्यात घ्यावा. जर हा प्रस्ताव सर्वांना मान्य असेल तर मी त्यात इजिप्तचाही समावेश करेन, असे ट्रम्प म्हणाले.

जागतिक घडामोडी संबंधित बातम्या वाचण्यासाठी येथे क्लिक करा : डोनाल्ड ट्रम्प यांच्या ‘या’ कृतीने भारतीयांचे हृदयच जिंकले; सोशल मीडियावर व्हिडिओ होतोय तुफान व्हायरल

मुस्लिम देश चर्चा करतील

सौदी अरेबियासह, इजिप्त, जॉर्डन, कतार आणि युएई यांचा त्यात समावेश असेल. 27 फेब्रुवारी रोजी इजिप्तची राजधानी कैरो येथे होणाऱ्या अरब लीगच्या बैठकीतही या मुद्द्यावर चर्चा होईल. एका सूत्राने सांगितले की, पॅलेस्टिनी अध्यक्ष महमूद अब्बास देखील या बैठकीला उपस्थित राहतील.

“नैतिकदृष्ट्या योग्य नाही”

बांगलादेशातील पॅलेस्टिनी राजदूत युसूफ रमजान यांनी डोनाल्ड ट्रम्प यांच्या गाझामधून पॅलेस्टिनींना हटवण्याच्या प्रस्तावाची खिल्ली उडवली आहे. रमजान म्हणाले, ट्रम्प संतप्त बैलासारखे निर्णय घेत आहेत, जे धोरणात्मक दृष्टिकोनातून योग्य नाही. ते पुढे म्हणाले, ट्रम्प ज्या वृत्तीचा अवलंब करत आहेत त्यामुळे शांतता निर्माण होण्याऐवजी अधिकाधिक लोकांचा राग येईल. ट्रम्पला गाझाच्या लोकांना काय हवे आहे हे माहित नाहीये का?

पॅलेस्टिनी राजदूत रमजान म्हणाले, तुम्ही काही लोकांना काही काळासाठी हलवू शकता, परंतु गाझा रिकामा करण्याचा हेतू असणे योग्य नाही. जॉर्डनमध्ये 20 लाखांहून अधिक पॅलेस्टिनी राहतात. तसेच, देशाच्या 1.1 कोटी लोकसंख्येपैकी निम्म्याहून अधिक लोक पॅलेस्टिनी वंशाचे आहेत.

जागतिक घडामोडी संबंधित बातम्या वाचण्यासाठी येथे क्लिक करा : अंतराळातून आनंदाची बातमी! सुनीता विल्यम्स लवकरच पृथ्वीवर परतणार, नासाने सांगितली तारीख

ट्रम्प यांचा हमासला दिलेला अल्टिमेटम संपला

अमेरिकेचे राष्ट्राध्यक्ष डोनाल्ड ट्रम्प यांनी शनिवारी दुपारी 12 वाजेपर्यंत सर्व इस्रायली ओलिसांना सोडण्यासाठी हमासला अल्टिमेटम दिला होता. ज्याची अंतिम मुदत आज संपली. ट्रम्प म्हणाले होते की हमासने ओलिसांना सोडावे अन्यथा त्याचे परिणाम वाईट होतील. जर हमासने शनिवारी दुपारपर्यंत सर्व बंधकांना सोडले नाही तर इस्रायल आणि हमासमधील युद्धबंदी करार रद्द केला जाईल, असेही ट्रम्प यांनी म्हटले आहे. तथापि, हमासने 73 ओलिसांची सुटका रोखली आहे. त्यांनी इस्रायलवर कराराचे उल्लंघन केल्याचा आरोप केला आणि त्यानंतर सुटकेवर बंदी घातली. इस्रायलच्या मते, 251 बंधकांपैकी 73 जण अजूनही गाझामध्ये आहेत.

Web Title: Trump proposes us control of gaza saudi arabia jordan qatar egypt uae to discuss nrhp

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com