Tata Safari, Innova ला डच्चू देत ‘या’ 7 सीटर कारने जुलै 2025 गाजवला, ताबडतोड झाली विक्री

भारतात दर महिन्याला लाखो वाहनांची विक्री होत असते. मार्केटमध्ये 7 सीटर कारला सुद्धा चांगली मिळत आहे. अशातच आज आपण जुलै 2025 बेस्ट सात सीटर कारबद्दल जाणून घेऊयात.

फोटो सौजन्य: iStock

Follow Us:

Follow Us:

• सात सीटर कारची भारतात मोठी मागणी
• मारुती एर्टिगाला जुलैमध्ये सर्वाधिक मागणी
• महिंद्रा, किया आणि टोयोटाच्या कारला सुद्धा ग्राहकांचा चांगला प्रतिसाद

भारतात मोठ्या प्रमाणात विविध सेगमेंटमधील कार्सची विक्री होत असते. यात अनेक जण आपल्या मोठ्या कुटुंबासाठी 7 सीटर कारचा पर्याय निवडतात. त्यामुळेच 7 सीटर कारला सुद्धा ग्राहकांचा चांगला प्रतिसाद मिळतो.

भारतात अनेक ऑटो कंपन्या आहेत, ज्या बेस्ट सात सीटर कार ऑफर करतात. नुकतेच July 2025 मधील विक्री रिपोर्ट जारी झाला आहे. यानुसार, गेल्या महिन्यात देशात कोणत्या सात सीटर कारची सर्वाधिक मागणी होती? टॉप-5 यादीत कोणत्या कारचा समावेश होता? या सर्व प्रश्नांची उत्तरे जाणून घेऊयात.

Vinfast Limo Green इलेक्ट्रिक MPV भारतात येणार? सिंगल चार्जवर मिळेल 450 किमीची रेंज

मारुती सुझुकी एर्टिगा (Maruti Suzuki Ertiga)

मारुती सुझुकीची एर्टिगा ही सात सीटर कार म्हणून ऑफर केली जाते. या कारला बाजारात बऱ्याच काळापासून मोठी मागणी मिळत आहे. अहवालानुसार, गेल्या महिन्यातही याला सर्वाधिक पसंती मिळाली आहे. माहितीनुसार, गेल्या महिन्यात या एमपीव्हीच्या 16604 युनिट्स विकल्या गेल्या आहेत. तर 2024 मध्ये ही संख्या 15701 युनिट्स होती.

Mahindra Scorpio (महिंद्रा स्कॉर्पिओ)

महिंद्रा बाजारात सात-सीटर पर्यायात स्कॉर्पिओ सादर करते. मीडिया रिपोर्ट्सनुसार, गेल्या महिन्यात या वाहनाच्या 13747 युनिट्स विकल्या गेल्या. तर 2024 मध्ये याच कालावधीत 12237 युनिट्स विकल्या गेल्या. महिंद्रा देशभरात स्कॉर्पिओ ब्रँड अंतर्गत क्लासिक आणि स्कॉर्पिओ एन विकते.

टोयोटा इनोव्हा (Toyota Innova)

सात सीट असलेली टोयोटा इनोव्हा देखील मार्केटमध्ये लोकप्रिय आहे. गेल्या महिन्यात देशभरात या कारच्या 9119 युनिट्स विकल्या गेल्या. तर 2024 मध्ये ही संख्या 9912 युनिट्स होती. आकडेवारीनुसार, वर्षानुवर्षे आधारावर त्याची विक्री आठ टक्क्यांनी कमी झाली आहे.

कार खरेदीदारांना बाप्पा पावला! खास गणेश चतुर्थीच्या मुहूर्तावर ‘या’ ऑटो कंपनीकडून कारच्या किमतीत 2 लाख रुपयांची कपात

किया कॅरेन्स (Kia Carens)

सात-सीटर पर्यायात किया कॅरेन्स देखील एक चांगला पर्याय आहे. कंपनीने गेल्या महिन्यात या एमपीव्हीच्या 7602 युनिट्स विकल्या आहेत. 2024 मध्ये याच कालावधीत, त्यातील 5679 युनिट्स विकल्या गेल्या आहेत.

महिंद्रा बोलेरो (Mahindra Bolero)

महिंद्रा सात-सीटर पर्यायासह बोलेरो बाजारात ऑफर करते. मीडिया रिपोर्ट्सनुसार, गेल्या महिन्यात देशभरात या वाहनाच्या 7513 युनिट्स विकल्या गेल्या आहेत. तर 2024 मध्ये ही संख्या 6930 युनिट्स होती.

Web Title: 7 seater car sales july 2025 16604 units of maruti suzuki ertiga sold

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com