मंगळवार, 20 ऑक्टोबर 2026
फोटो सौजन्य: Gemini
बजाज ऑटोने पटना, मुरादाबाद, गुवाहाटी आणि रायपूरसह अनेक शहरांमध्ये रिकीची टेस्टिंग घेतली आहे. कंपनीने आता पहिल्या टप्प्यात उत्तर प्रदेश, बिहार, मध्य प्रदेश, छत्तीसगड आणि आसाममधील 100 हून अधिक शहरांमध्ये ती लाँच केली आहे. रिकी भारतीय रस्त्यांच्या कठोर परिस्थितीला तोंड देण्यासाठी डिझाइन केली आहे. ते जास्त वेळ, कमी देखभाल, सुधारित सुरक्षितता आणि सहज प्रवासाचे आश्वासन देते.
Tata Sierra ची बुकिंग कधीपासून सुरु होणार? आणि डिलिव्हरीचं काय? जाणून घ्या एका क्लिकवर
रिकीमध्ये अनेक फीचर्स आहेत जी या ई-रिक्षा बाजारात एक वेगळी ओळख देतात. उत्तम चार्जिंग, स्थिरता आणि दीर्घायुष्यासाठी यात मोनोकोक चेसिस आहे. चांगली स्टॅबिलिटी आणि कमी टॉपलिंगसाठी त्यात स्वतंत्र सस्पेंशन आणि हायड्रॉलिक ब्रेक देखील आहेत. त्याची बॅटरी फक्त 4.5 तासांत पूर्णपणे चार्ज होते. यात 5.4 किलोवॅट प्रति तास बॅटरी आहे, जी एका चार्जवर 149 किमीची रेंज देईल. ही 1,90,890 रुपये एक्स-शोरूम किमतीत लाँच करण्यात आली आहे.
कंपनीने हे मॉडेल अनेक दादमर सुविधांसह बाजारात आणले आहे. आपल्या सेगमेंटमध्ये 164 किमीची सर्वाधिक ड्रायव्हिंग रेंज देणारी ही इलेक्ट्रिक कार्गो वाहन आहे. यात मोठा कार्गो ट्रे उपलब्ध असल्याने व्यवसायिक वापरात कमाईच्या संधी अधिक वाढतात. चढ-उतार, फ्लायओव्हर किंवा घाटरस्त्यावरही सहज चालवता यावे यासाठी 28% ग्रेडेबिलिटी देण्यात आली आहे. याची एक्स-शोरूम किंमत 2,00,876 रुपये ठेवण्यात आली आहे.
Tata Motors कडून नवीन सिएरा लाँच, सुरूवातीची किंमत केवळ 11.49 लाख; ग्राहकांसाठी सुवर्णसंधी
बजाज ऑटोने Bajaj Riki च्या पॅसेंजर आणि कार्गो मॉडेलच्या लाँचदरम्यान जाहीर केलं की, हे वाहन खरेदी करणाऱ्या ग्राहकांना तीन वर्षांची वॉरंटी किंवा 60,000 किमीपर्यंत वाहन व बॅटरी कव्हरेज मिळणार आहे.
