Automatic SUV खरेदी करण्याच्या विचारात आहात? ‘या’ 5 कारबद्दल जाणून घ्याच, किंमत 10 लाखांपेक्षा कमी

भारतीय बाजारात अनेक उत्तम एसयूव्ही उपलब्ध आहेत. यातही आता ऑटोमॅटिक एसयूव्हीला चांगली मागणी मिळताना दिसत आहे. जर तुम्ही सुद्धा ऑटोमॅटिक एसयूव्ही खरेदी करणार असाल तर ही बातमी तुमच्यासाठी आहे.

फोटो सौजन्य: iStock

Follow Us:

Follow Us:

भारतात दिवसेंदिवस कारच्या विक्रीत झपाट्याने वाढ होताना दिसत आहे. यामुळे आता रस्त्यांवर मोठ्या प्रमाणात वाहतूक कोंडी निर्माण होत आहे. या वाहतूक कोंडीत कार चालवणे देखील कठीण होऊ बसते. त्यात कार जर मॅन्युअल असली तर मग अजूनच डोक्याला ताप. ट्रॅफिकमध्ये मॅन्युअल कार चालवताना आपल्याला सतत गिअर बदलावा लागतो म्हणूनच तर अनेक जण ऑटोमॅटिक कार खरेदी करण्यास जास्त प्राधान्य देत असतात.

जर तुम्ही सुद्धा ऑटोमॅटिक एसयूव्ही खरेदी करण्याच्या तयारीत असाल तर ही बातमी तुमच्यासाठीच आहे. आज आपण अशा ऑटोमॅटिक एसयूव्हींबद्दल जाणून घेणार आहोत ज्यांची किंमत ही 10 लाखांपेक्षा कमी असणार आहे.

खिडक्या उघड्या ठेवून कार चालवल्यास मायलेजमध्ये होतेय घट? जाणून घ्या सत्य

मारुती फ्रॉन्क्स (Maruti Fronx)

भारतातील आघाडीच्या कार उत्पादकांपैकी एक असलेल्या मारुती सुझुकीने फ्रॉन्क्स ही चार मीटरपेक्षा कमी लांबीची एसयूव्ही म्हणून विक्रीसाठी उपलब्ध करून दिली आहे. कंपनी ही एसयूव्ही मॅन्युअल आणि ऑटोमॅटिक ट्रान्समिशनसह विक्रीसाठी उपलब्ध करून देते. त्याचा AGS व्हेरियंट डेल्टा आणि डेल्टा प्लसमध्ये उपलब्ध आहे. या कारची किंमत 8.88 लाख रुपये आणि एक्स-शोरूम 9.43 लाख रुपये आहे.

ह्युंदाई एक्स्टर (Hyundai Exter)

ह्युंदाई त्यांची चार मीटरपेक्षा कमी लांबीची एसयूव्ही एक्सटीरियर ऑटोमॅटिक ट्रान्समिशनच्या ऑप्शनसह देखील उपलब्ध करून देते. कंपनीच्या या एसयूव्हीच्या सहा व्हेरियंटमध्ये एएमटीचा पर्याय देण्यात आला आहे. S+ ही एसयूव्हीचा बेस एएमटी व्हेरियंट म्हणून देण्यात आली आहे. या कारचे एक्स-शोरूम किंमत 8.64 लाख रुपये आहे. त्याचा टॉप एएमटी व्हेरियंट 10.51 लाख रुपयांच्या एक्स-शोरूम किमतीत खरेदी करता येईल.

रेनॉल्ट किगर (Renault Kiger)

रेनॉल्ट कंपनी किगर ही एसयूव्ही ऑटोमॅटिक ट्रान्समिशन पर्यायासह उपलब्ध करून देते. हा पर्याय सहा व्हेरियंटमध्ये देखील दिला गेला आहे. ही एसयूव्ही RXL Easy R-AMT मध्ये बेस व्हेरियंट म्हणून AMT सह देण्यात आली आहे. रेनॉल्ट किगर ऑटोमॅटिकची किंमत 7.34 लाख ते 11.23 लाख रुपये (एक्स-शोरूम) दरम्यान आहे.

उन्हाळयात ‘या’ 5 गोष्टींकडे कटाक्षाने लक्ष द्या, अन्यथा बाईक अचानकच देईल धोका !

टाटा पंच (Tata Punch)

टाटा पंच एसयूव्हीच्या अ‍ॅडव्हेंचर व्हेरियंटमध्ये देखील एएमटी ट्रान्समिशन दिले गेले आहे. ही एसयूव्ही ग्राहकांकडून सर्वाधिक पसंत केली जाते. याचा एएमटी व्हेरियंट 7.77 लाख रुपयांच्या सुरुवातीच्या एक्स-शोरूम किमतीत खरेदी करता येईल. एएमटी ट्रान्समिशन असलेल्या त्याच्या टॉप व्हेरियंटची एक्स-शोरूम किंमत 9.72 लाख रुपये आहे.

निसान मॅग्नाइट (Nissan Magnite)

निसान कंपनी भारतात आपली मॅग्नाइट एसयूव्ही 10 लाख रुपयांपेक्षा कमी किमतीत ऑफर करते. या एसयूव्हीमध्ये एएमटी व्हेरियंट देखील देण्यात आला आहे. निसान मॅग्नाइटचा एएमटी व्हेरियंट 6.60 लाख ते 8.74 लाख रुपयांच्या दरम्यान खरेदी करता येऊ शकते. या एसयूव्हीमध्ये, कंपनी एकूण पाच व्हेरियंटमध्ये एएमटी ट्रान्समिशन उपलब्ध करून देते.

Web Title: Best 5 automatic suv which prices are less than 10 lakhs

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com