कार असो की बाईक, चुकीचा Challan जारी झाल्यास तक्रार कशी कराल?

बऱ्याचदा असे दिसून येते की कार किंवा दुचाकीस्वाराकडे वाहन संबंधित सर्व कागदपत्रे असतात, तरीही त्यांच्याविरोधात ट्रॅफिक चालान जारी केले जाते. अशावेळी तुम्ही तक्रार कसे कराल त्याबद्दल जाणून घेऊया.

फोटो सौजन्य: iStock

Follow Us:

Follow Us:

अनेकदा वाहन चालवताना आपल्याला एक मेसेज येतो, ज्यात आपण वाहतुकीचे नियम मोडले आहे त्याबद्दल चालान भरावा लागेल असे लिहिले असते. अशावेळी अनेक जण गोंधळून जातात. जे नियम आपण मोडलेच नाही त्याबद्दल चालान का द्यावा? असा प्रश्न त्यांच्या मनात येतो.

काही वेळेस तर सर्व डॉक्युमेंट असून देखील आपल्याविरोधात चालान जारी होते. अशावेळी गोंधळून न जाता आपण या बद्दल तक्रार कसे करू शकतो त्याबद्दल जाणून घेऊया.

बाईक किंवा स्कूटर कधी जास्त धूर सोडू लागते, याचा परफॉर्मन्सवर परिणाम होतो का?

रस्त्यावर कार किंवा बाईक चालवताना तुम्ही वाहतुकीचे नियम पाळले पाहिजेत. जर तुम्ही वाहतुकीचे नियम मोडले तर या परिस्थितीत तुमचे चालान कापले जाऊ शकते. रस्त्यावर कार किंवा बाईक चालवण्यासाठी बनवलेले नियम रस्ते वाहतूक सुरक्षित आणि सोयीस्कर बनवण्याच्या उद्देशाने आहेत. त्याच वेळी, अनेकदा असे दिसून येते की एखाद्या व्यक्तीकडे वाहन चालवताना आवश्यक असलेली सर्व कागदपत्रे असतात. यानंतरही अनेक वेळा वाहतूक पोलिसांकडून चुकीचे चालान जारी केले जाते. या परिस्थितीत, तुम्हाला काळजी करण्याची गरज नाही किंवा तुम्हाला चलन भरण्याचीही गरज नाही. चुकीच्या ट्रॅफिक चालानविरुद्ध तुम्ही कुठे आणि कशी तक्रार दाखल करू शकता त्याबद्दल जाणून घेऊया.

ऑनलाईन तक्रार कशी कराल?

• सर्वप्रथम तुम्हाला eChallan.parivahan.gov.in या अधिकृत वेबसाइटला भेट द्यावी लागेल.
• येथे तुम्हाला दिसणाऱ्या ‘Complaint’ टॅबवर क्लिक करावे लागेल.
• त्यानंतर तुम्हाला तुमचे नाव, फोन नंबर, ट्रॅफिक चालान क्रमांक आणि इतर रिक्वेस्ट डिटेल द्यावे लागतील.
• त्यानंतर तुम्हाला ड्रॉप-डाउन सूचीमधून ई-चालानमध्ये येणाऱ्या समस्येची निवड करावी लागेल.
• एकदा तुम्ही तुमची सर्व माहिती भरली की, तुमची तक्रार पाठवण्यासाठी ‘सबमिट करा’ टॅबवर क्लिक करा.

On-Road Price आणि Ex-Showroom Price मध्ये काय फरक असतो?

फोन आणि मेलद्वारे तक्रार दाखल करण्याची प्रक्रिया

जर तुमचे ट्रॅफिक चालान चुकीचे असेल तर तुम्हाला तुमचा पुरावा जोडून helpdesk-echallan@gov.in वर मेल पाठवावा लागेल.
तुम्ही सकाळी 6:00 ते दुपारी 12:00 वाजेपर्यंत +91-120-4925505 वर कॉल करून तुमची तक्रार नोंदवू शकता.

तुम्ही अशी तक्रार देखील करू शकता

• जर तुमचे ट्रॅफिक चालान चुकीच्या पद्धतीने जारी केले गेले असेल तर तुम्ही त्याबद्दल न्यायालयात तक्रार देखील करू शकता. न्यायालयात तुमची बाजू मांडून, तुम्ही वाहतूक पोलिसांनी जारी केलेले चुकीचे चालान रद्द करू शकता.
• तुम्ही राज्य वाहतूक पोलिसांच्या मेल आयडीवर मेल करून चुकीचे वाहतूक चालान देखील नोंदवू शकता.
• तुम्ही वाहतूक पोलिस नियंत्रण कक्षाच्या क्रमांकावर कॉल करूनही तुमची तक्रार नोंदवू शकता.
• चुकीच्या ट्रॅफिक चालानबद्दल तुम्ही वाहतूक आयुक्त, एसपी ट्रॅफिक किंवा संबंधित अधिकाऱ्याकडे तक्रार करू शकता.

Web Title: How to complain if a wrong challan is issued

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com