फोटो सौजन्य: @HyundaiUAE (X.com)
देशात अनेक उत्तम कार्स ऑफर होत असतात. ज्यामुळे त्यांच्या विक्रीत देखील झपाट्याने वाढ होते. सध्या मार्केटमध्ये एसयूव्हीची क्रेझ ही मोठ्या प्रमाणात पाहायला मिळते. म्हणूनच तर अनेक कंपन्या एसयूव्ही आणि त्यातही इलेक्ट्रिक एसयूव्हीच्या उत्पादनावर विशेष लक्षकेंद्रित करत असते.
भारतीय मार्केटमध्ये दक्षिण कोरियाची ऑटोमोबाईल उत्पादक कंपनी ह्युंदाईने अनेक बेस्ट कार्स विक्रीसाठी उपलब्ध करून दिल्या आहेत. यातही Hyundai Creta चा EX व्हेरियंट घरी आणण्याचा विचार करत असाल, तर 2 लाख रुपयांचे डाउन पेमेंट केल्यानंतर, तुम्ही दरमहा किती EMI भरून ती घरी आणू शकता, त्याबद्दल आपण जाणून घेणार आहोत. पण त्याआधी या कारची किंमत जाणून घेऊया.
ह्युंदाई क्रेटा एसयूव्हीचा दुसरा बेस व्हेरियंट म्हणून EX ऑफर करते. कंपनी या मिड साइझच्या एसयूव्हीचा बेस व्हेरियंट 12.32 लाख रुपयांच्या एक्स-शोरूम किमतीत विक्रीसाठी उपलब्ध करून देत आहे. जर ही कार राजधानी दिल्लीतून खरेदी केले तर 12.32 लाख रुपयांच्या एक्स-शोरूम किमतीसह त्यावर रजिस्ट्रेशन टॅक्स आणि आरटीओ शुल्क देखील भरावे लागेल.
500 KM ची रेंज देणारी Tata ची EV म्हणजे कमालच ! मिळत आहे आतापर्यंतचे सर्वात मोठे डिस्कॉऊंट
ही कार खरेदी करण्यासाठी तुम्हाला आरटीओला 12.32 लाख रुपये, विम्यासाठी 1.31 लाख रुपये आणि विम्यासाठी सुमारे 52 हजार रुपये द्यावे लागतील. याशिवाय, 12322 रुपये टीसीएस शुल्क म्हणून देखील द्यावे लागतील. यानंतर, या कारची ऑन-रोड किंमत 14.27 लाख रुपये होते.
जर तुम्ही Hyundai Creta SUV चा दुसरा बेस व्हेरियंट EX खरेदी केले तर बँक फक्त एक्स-शोरूम किमतीवरच फायनान्स करेल. अशा परिस्थितीत, 2 लाख रुपयांचे डाउन पेमेंट केल्यानंतर, तुम्हाला बँकेकडून सुमारे 12.27 लाख रुपयांचे फायनान्स करावे लागेल. जर बँक तुम्हाला सात वर्षांसाठी 9% व्याजदराने 12.27 लाख रुपये देत असेल, तर तुम्हाला पुढील सात वर्षांसाठी दरमहा फक्त 19744 रुपये ईएमआय भरावा लागेल.
जर तुम्ही बँकेकडून 9% व्याजदराने सात वर्षांसाठी 12.27 लाख रुपयांचे कार कर्ज घेतले तर तुम्हाला सात वर्षांसाठी दरमहा 19744 रुपये ईएमआय भरावा लागेल. अशा परिस्थितीत, सात वर्षांत तुम्हाला Hyundai Creta च्या EX व्हेरिएंटसाठी सुमारे 4.31 लाख रुपये व्याज द्यावे लागेल. त्यानंतर तुमच्या कारची एक्स-शोरूम, ऑन-रोड आणि व्याजासह एकूण किंमत सुमारे 18.58 लाख रुपये होईल.
Tata Curvv चा CNG व्हेरियंट मार्केटमध्ये लवकरच दाखल होणार, टेस्टिंग दरम्यान झाली स्पॉट
क्रेटा ही ह्युंदाईने मिड साइझ आकाराच्या एसयूव्ही सेगमेंटमध्ये आणली आहे. या विभागात, ते होंडा एलिव्हेट, किआ सेल्टोस, टाटा हॅरियर, मारुती ग्रँड विटारा, टोयोटा उबन क्रूझर हायराइडर सारख्या एसयूव्हीशी थेट स्पर्धा करते.
