आता Fastag च्या साहाय्याने होणार इंश्युरन्स आणि EV चार्जिंगचे पेमेंट, MoRTH बनवतंय भन्नाट प्लॅन

केंद्रीय रस्ते वाहतूक आणि महामार्ग मंत्रालय (MoRTH) फास्टॅगच्या पुढील टप्प्यावर काम करत आहे. माहितीनुसार, मंत्रालयाकडून फास्टॅगच्या पुढील टप्प्याची अंमलबजावणी झाल्यानंतर सामान्य लोकांचा फायदा होऊ शकतो.

फोटो सौजन्य: iStock

Follow Us:

Follow Us:

पूर्वी टोल नाक्यांवर वाहनांच्या लांबच लांब रांगा लागायच्या, ज्यामुळे प्रवाशांचा खूप वेळ वाया जायचा. ही समस्या सोडवण्यासाठी केंद्र सरकारने फास्टॅग प्रणाली सुरू केली. यामध्ये वाहनचालकांचे पैसे थेट ऑनलाईन कापले जात असल्याने टोल वसुली जलद झाली आणि वेळेची बचत होऊ लागली. आता केंद्रीय मंत्री नितीन गडकरी यांनी आणखी एक महत्त्वाची घोषणा केली आहे. त्यांनी वार्षिक फास्टॅग पास सुरू करण्याचा निर्णय घेतला असून, यामुळे वाहनचालकांना वर्षभरासाठी निश्चित रक्कम भरून टोलमधून मोकळीक मिळणार आहे.

भारतात, सध्या राष्ट्रीय महामार्ग आणि एक्सप्रेसवेवर टोल कर भरण्यासाठी फास्टॅगचा वापर केला जातो. मीडिया रिपोर्ट्सनुसार, केंद्रीय रस्ते वाहतूक आणि महामार्ग मंत्रालय लवकरच FASTag पेमेंट एक्सपेंशन सुरू करण्याची तयारी करत आहे. त्याच्या लाँचनंतर सामान्य लोकांना कसा फायदा होऊ शकतो? त्याबद्दल जाणून घेऊयात.

Tata Harrier EV चा Stealth Edition लाँच, दमदार फीचर्ससह मिळणार जबरदस्त रेंज

Fastag मध्ये होणार क्रांती?

मीडिया रिपोर्ट्सनुसार, देशात फास्टॅगमध्ये एक नवीन टप्पा सुरू करण्याची तयारी सुरू आहे. त्यानंतर लोकांना एकाच फास्टॅगमध्ये अनेक सुविधांचा लाभ घेता येणार आहे. मात्र, केंद्रीय रस्ते वाहतूक आणि महामार्ग मंत्रालयाने (MoRTH) अद्याप याबद्दल कोणतीही औपचारिक माहिती दिलेली नाही.

कोणता होणार फायदा?

माहितीनुसार, फास्टॅगच्या नवीन टप्प्यात अनेक नवीन सुविधा जोडल्या जाऊ शकतात. यामुळे सर्वसामान्यांना खूप फायदा होणार आहे. मीडिया रिपोर्ट्सनुसार, फास्टॅगद्वारे कार इंश्युरन्स आणि इलेक्ट्रिक वाहने चार्ज केल्यानंतर पेमेंट करता येणार आहे.

Kia Carens Clavis EV होऊ शकते देशातील सर्वात स्वस्त 7 सीटर Electric MPV, केव्हा होणार लाँच?

लवकरच सुरु होणार नवी सुविधा

सरकार लवकरच फास्टॅगशी संबंधित आणखी एक सुविधा सुरू करण्याची तयारी करत आहे. काही काळापूर्वी केंद्रीय रस्ते वाहतूक आणि महामार्ग मंत्री नितीन गडकरी यांनी घोषणा केली होती की वार्षिक फास्टॅग पासची सर्व्हिस 15 ऑगस्ट 2025 पासून सुरू होईल. त्यानंतर राष्ट्रीय महामार्ग आणि द्रुतगती महामार्गावर टोल टॅक्स ॲडव्हान्समध्ये भरता येईल. या सुविधेत, फास्टॅगचा रिचार्ज केल्यानंतर, एक वर्षासाठी किंवा 200 ट्रिप करता येतील. यासाठी तीन हजार रुपये भरावे लागतील.

आतापर्यंत फास्टॅगचा वापर फक्त महामार्ग आणि एक्सप्रेसवेवर टोल कर भरण्यासाठी केला जात होता. याशिवाय, काही ठिकाणी पार्किंग शुल्क भरण्यासाठी देखील याचा वापर केला जातो.

Web Title: New plan of morth insurance and ev charging payments will be made with the help of fastag

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com