Indian stock market: गुंतवणूकदार एकाच दिवसात ३ लाख कोटींनी श्रीमंत, इस्रायल-इराण तणाव शिगेला असतानाही शेअर बाजारात उसळी

इस्रायल-इराण तणाव असूनही २० जून रोजी भारतीय शेअर बाजाराने जोरदार उसळी दाखवली, सेन्सेक्स ८१,३५४ वरून ८२,२९७ वर पोहोचला. निफ्टी २४,७८७ वरून २५,०७८ वर पोहोचला.

गुंतवणूकदार एकाच दिवसात ३ लाख कोटींनी श्रीमंत (फोटो सौजन्य-X)

Follow Us:

Follow Us:

Indian stock market News In Marathi: २० जून रोजी सकाळी जेव्हा इस्रायल-इराण तणाव शिगेला होता तेव्हा भारतीय शेअर बाजाराने जबरदस्त कामगिरी दिसली. भारतीय बाजारात सेन्सेक्स ८१,३५४ च्या सुरुवातीच्या पातळीवरून ८२,२९७ च्या शिखरावर पोहोचला. म्हणजेच ८०० पेक्षा जास्त अंकांची उसळी घेतली आहे. तर निफ्टीने २४,७८७ वरून २५,०७८ ची उचांकी पातळी गाठली आहे.

कसा होता आजचा दिवस

शेअर बाजार सुरु होताच गुंतवणूकदारांमध्ये आनंदाचे वातावरण पाहायला मिळाले. मिडकॅप आणि स्मॉलकॅप कंपन्याही अर्ध्या टक्क्यांहून अधिक वाढल्या. सर्वात मनोरंजक गोष्ट? गुंतवणूकदार फक्त एकाच दिवसात ₹३ लाख कोटींनी श्रीमंत झाले आहेत. शेअर बाजारात एकूण मूल्य ₹४४३ लाख कोटींवरून ₹४४६ लाख कोटींवर पोहोचले.

उघडण्यापूर्वीच ग्रे मार्केटमध्ये ‘या’ IPO चा वाढला भाव, GMP कुठे पोहचला; जाणून घ्या 5 महत्त्वाच्या बाबी

शेअर बाजारात वाढ का?

१. “स्वस्त खरेदी करण्याची संधी”

गेल्या तीन दिवसांपासून बाजार घसरला होता. त्यामुळे शेअर्स स्वस्त झाले. गुंतवणूकदारांना वाटले, “अर्थव्यवस्था मजबूत आहे. आत्ताच खरेदी करा.” यासंदर्भात बाजार तज्ज्ञांचे म्हणणे आहे की, “कदाचित लोक इस्रायल-इराण शांततेची अपेक्षा करत होते. पण जर तणाव वाढला तर विक्री पुन्हा सुरू होऊ शकते.”

२. तेल स्वस्त

कच्च्या तेलाची किंमत २% ने प्रति बॅरल $७७ पर्यंत घसरताच, बाजार पुन्हा वैभवात आला. कारण? अमेरिकेने इस्रायल-इराण प्रकरणात निर्णय पुढे ढकलला, ज्यामुळे तेल व्यापाऱ्यांनी नफा कमावला. तज्ञ म्हणाले, “जोपर्यंत तेल $८० च्या खाली राहते तोपर्यंत ते भारतासाठी चांगले आहे.”

३. परदेशी गुंतवणूकदारांचे स्फोटक पुनरागमन

परदेशी गुंतवणूकदार (FPI) सलग तिसऱ्या दिवशी भारतीय शेअर्स खरेदी करत होते. १९ जून रोजीच त्यांनी ९३५ कोटी रुपयांचे शेअर्स खरेदी केले. सर्वांच्या नजरा भारताच्या मजबूत अर्थव्यवस्थेवर होत्या.

४. तांत्रिक जादू

कोटक सिक्युरिटीजचे श्रीकांत चौहान यांनी रणनीती स्पष्ट केली, “जर निफ्टी २४,९०० ओलांडला तर तो २५,०००-२५,०५० पर्यंत पोहोचू शकतो. जर तो २५,००० च्या वर गेला तर खरेदी करा, परंतु खबरदारी म्हणून २४,८०० वर ‘स्टॉप लॉस’ ठेवा. जर तो २४,७०० च्या खाली आला तर सावध रहा.”

या शेअर्समध्ये वाढ

BEML कंपनीचा शेअर आज सुमारे १० टक्क्यांनी वाढला आहे आणि तो ४६०० रुपयांच्या वर व्यवहार करत आहे. Kfin टेकचा शेअर ५% वाढून १२६० रुपयांवर पोहोचला आहे. IFCI चा शेअर देखील ४.२८ टक्क्यांनी वाढला आहे. मॅक्स हेल्थकेअरचा शेअर ३.२८ टक्क्यांनी वाढला आहे. Ireda चा शेअर ४% ने वाढला आहे. प्रीमियर एनर्जीजचा शेअर ६ टक्क्यांनी आणि वारी एनर्जीचा शेअर ८ टक्क्यांहून अधिक वाढला आहे. पॉवर फायनान्स कॉर्प ५ टक्क्यांनी, ह्युंदाई मोटर्सचा ३.४२ टक्क्यांनी आणि CG पॉवरचा शेअर ३.३४% ने वाढला आहे.

Stock Market Today: कसा होणार आठवड्याचा शेवट? काय म्हणाले तज्ज्ञ? गुंतवणूक करण्यापूर्वी जाणून घ्या सर्वकाही

Web Title: Despite israel iran tensions being at their peak the stock market is booming what is the reason

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com