प्रवासी तरुणीवरील अत्याचारप्रकरणी मोठी अपडेट; आरोपींना पकडण्यासाठी पोलिसांनी…

दर्शनासाठी निघालेल्या कुटुंबातील महिलांना कोयत्याचा धाक दाखवून लूटमार करून तरुणीवर अत्याचार करणाऱ्या एका संशयित आरोपीचे रेखाचित्र ग्रामीण पोलिसांनी तयार केले आहे.

सौजन्य - नवराष्ट्र टीम

Follow Us:

Follow Us:

पुणे : दर्शनासाठी निघालेल्या कुटुंबातील महिलांना कोयत्याचा धाक दाखवून लूटमार करून तरुणीवर अत्याचार करणाऱ्या एका संशयित आरोपीचे रेखाचित्र ग्रामीण पोलिसांनी तयार केले आहे. त्यासंदंर्भाने कोणाला काही माहिती असल्यास त्याची माहिती पुणे ग्रामीण पोलिसांना कळवावी, असे आवाहन करण्यात आले आहे. पुणे-सोलापूर महामार्गावरील दौंड भागात सोमवारी पहाटे ही घटना घडली होती. याप्रकरणी दौंड पोलिस ठाण्यात अज्ञातांविरोधात गुन्हा दाखल करण्यात आलेला आहे.

गेल्या आठवड्यात (दि. ३० जून) पुण्याहून देवदर्शनास कारने निघालेले कुटुंब पहाटे दौंड परिसरातील स्वामी चिंचोली येथे एका हॉटेलजवळ थांबले होते. कुटुंब चहा पिण्यासाठी थांबले असता दुचाकीवरुन आलेल्या चोरट्यांनी महिलेला कोयत्याचा धाक दाखविला. डोळ्यात मिरची पूड टाकून महिलेच्या गळ्यातील दीड लाखांचे सोन्याचे दागिने काढून घेतले. त्यानंतर महिलेबरोबर असलेल्या तरुणीला कोयत्याचा धाक दाखवून हॉटेलच्या मागील झाडीत नेले. तेथे तिच्यावर अत्याचाराचा प्रयत्न केला. तिने आरडाओरडा केल्यानंतर चोरटे पसार झाले. या घटनेनंतर घाबरलेल्या कुटुंबांनी दौंड पोलिसांकडे धाव घेतली होती.

पोलिसांकडून पथके तैनात

या घटनेनंतर जिल्ह्यात प्रचंड खळबळ उडाली होती. पोलिस अधीक्षक संदीपसिंग गिल यांनी घटनास्थळी धाव घेत आरोपींचा माग काढण्यासाठी पथके तयार केली. स्थानिक गुन्हे अन्वेषण शाखा, दौंड, तसेच भिगवण पोलीस ठाण्यातील दहा पथके चोरट्यांचा मागावर आहेत. तरुणी व इतरांनी पाहिल्यावरून पोलिसांनी रेखाचित्र तयार केले आहे. संशयिताची माहिती असल्यास त्वरीत उपविभागीय पोलीस अधिकारी बापूराव दडस (मोबाइल क्रमांक- ९०४९६६४६७३), सहायक निरीक्षक राहुल गावडे (मोबाइल क्रमांक -९८२३१६५०८०), सहायक निरीक्षक दत्ताजी मोहिते (मोबाइल क्रमांक- ८३०८८४४००४) यांच्याशी संपर्क साधण्याचे आवाहन करण्यात आले आहे.

हे सुद्धा वाचा : महिलेवर चाकूने वार करुन अत्याचार; न्यायालयाने नराधमाला सुनावली ‘ही’ मोठी शिक्षा

Web Title: Police have formed teams to arrest the accused who molested the young woman

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com