Crime News: 25 लाखांची खंडणी दे नाही तर,…; संस्थेच्या माजी कर्मचाऱ्याला पोलिसांकडून अटक

शिक्षण संस्थाचालकाना २५ लाखांची खंडणी मागणार्‍या संस्थेतील माजी कर्मचाऱ्याला सिंहगड रोड पोलिसानी अटक केली आहे. दरम्यान, या कर्मचाऱ्याने देखील संस्था चालकाच्या मुलावर गंभीर आरोप केल्याचे समजते.

संग्रहित फोटो

Follow Us:

Follow Us:

पुणे : शिक्षण संस्थाचालकाना २५ लाखांची खंडणी मागणार्‍या संस्थेतील माजी कर्मचाऱ्याला सिंहगड रोड पोलिसानी अटक केली आहे. दरम्यान, या कर्मचाऱ्याने देखील संस्था चालकाच्या मुलावर गंभीर आरोप केल्याचे समजते. सुदर्शन कांबळे (रा. धायरी फाटा) असे या माजी कर्मचार्‍याचे नाव आहे. याबाबत ६६ वर्षीय शिक्षण संस्थाचालकाने सिंहगड रोड पोलीस ठाण्यात तक्रार दिली आहे.

पोलिसांच्या माहितीनुसार, सुदर्शन कांबळे हा या शिक्षण संस्थेत सीसीटीव्ही कॅमेर्‍याची तांत्रिक जबाबदारी सांभळत होता. कोरोना काळात त्याने येथील काम सोडले होते. सुदर्शन कांबळे हा ६ मार्च रोजी शिक्षण संस्थेच्या आवारात आला. त्याने शिक्षण संस्थाचालकांच्या मोबाईलवर संदेश पाठविला. तुमचा मुलगा व एक महिला कर्मचारी यांचे अनैतिक संबंध आहेत. आक्षेपार्ह अवस्थेतील चित्रफीत माझ्याकडे आहेत. चित्रफीत प्रसारित करून संस्थेची बदनामी करेल, तसेच संबंधित वृत्त प्रसारित न करण्यासाठी २५ लाख रुपयांची खंडणी द्यावी लागेल, अशी धमकी दिली. नंतर त्याने वारंवार संदेश पाठवून खंडणी मागितली. संस्थाचालकांनी शेवटी पोलिसांकडे धाव घेतली.

याबाबत वरिष्ठ निरीक्षक दिलीप दाईगडे यांनी सांगितले सुदर्शन कांबळे हा संस्थेमध्ये टेक्नीशियन म्हणून कामाला होता. कारोना काळात त्याने नोकरी सोडवली होती. आपल्याकडे व्हिडिओ असल्याचे सांगितले तर ते पैसे देतील, असे वाटल्याने त्याने खंडणी मागितली होती. पोलिसांनी तांत्रिक विश्लेषण करुन त्याला अटक केली. सहायक निरीक्षक समीर चव्हाण तपास करीत आहेत.

Web Title: Pune police have arrested one person for demanding ransom nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com