Anjali Damania: संतोष देशमुख हत्या प्रकरण आणि संशयास्पद हालचाली;अंजली दमानियांनी थेट पुरावेच दिले

संतोष देशमुख हत्या प्रकरणात माजी मंत्री धनंजय मुंडे यांना पूर्ण कल्पना होती आणि त्यांनीच आरोपींना शोधण्यासाठी आपले कार्यकर्ते पाठवले होते, असा गंभीर आरोप सामाजिक कार्यकर्त्या अंजली दमानिया यांनी केला आहे.

Photo Credit- Social Media Maharashtra Politics : छगन भुजबळांनी मंत्रिपदाची शपथ घेताच अंजली दमानिया आक्रमक

Follow Us:

Follow Us:

मुंबई:  माजी मंत्री धनंजय मुंडे यांच्या विरोधात कोणतेही ठोस पुरावे उपलब्ध नाहीत, असा दावा मुख्यमंत्री देवेंद्र फडणवीस यांनी केला. मात्र, सामाजिक कार्यकर्त्या अंजली दमानिया यांनी याला जोरदार प्रतिवाद करत, मुंडेंनी वाल्मिक कराडला पद्धतशीरपणे आत्मसमर्पण करायला लावल्याचे पुरावे आपल्याकडे असल्याचा सनसनाटी दावा केला आहे.धनंजय मुंडे यांचा निकटवर्तीय वाल्मिक कराड याला अचानक आत्मसमर्पण करावे लागले, यामागे मोठे राजकीय गणित असल्याचे दमानियांचे म्हणणे आहे. हे प्रकरण स्वतःच्या अंगावर येईल, हे लक्षात येताच मुंडे यांनी कराडला नियोजित पद्धतीने हजर करण्यासाठी मोठे प्रयत्न केले, असे त्या म्हणाल्या.

बालाजी तांदळेची संशयास्पद भूमिका

संतोष देशमुखांच्या कुटुंबीयांच्या म्हणण्यानुसार, धनंजय मुंडे यांचे कार्यकर्ते बालाजी तांदळे यांनी आरोपींना शोधण्यासाठी मोठ्या प्रमाणावर गाड्या फिरत असल्याचा दावा केला. आधी 60-70 गाड्या फिरत असल्याचे सांगितले गेले, तर नंतर 200 गाड्या शोधासाठी फिरत होत्या, असा तांदळेचा विरोधाभासी दावा समोर आला. मात्र, या प्रकरणाच्या सीआयडी चौकशीत तांदळे आणि संशयाच्या भोवऱ्यात असलेल्या पोलिस अधिकाऱ्यांचा आरोपपत्रात समावेश नाही, हे विशेष आहे.

‘आम्हाला कमी समजण्याची चूक करु नका’; हिजबुल्लाहचा इस्त्रायलला इशारा, अमेरिकेवरही आरोप

गुन्हेगारांवर कारवाई न झाल्यास कायद्याचा धाक उरणार नाही

या संदर्भात अंजली दमानिया यांनी जोरदार मागणी केली आहे की, बालाजी तांदळे आणि इतर संशयित पोलिस अधिकाऱ्यांना सहआरोपी करण्यात यावे. पत्रकार परिषदेत त्या म्हणाल्या की, न्याय सर्वांसाठी समान असेल तर दोषींवर कोणतीही गय न ठेवता कारवाई झाली पाहिजे. हे प्रकरण केवळ गुन्हेगारी आणि राजकारणाचा संगनमताचा आणखी एक नमुना आहे की काय, हे पुढील तपासातून स्पष्ट होईल. मात्र, गुन्हेगारांना राजकीय पाठबळ असेल, तर कायद्याचा धाक कमी होतो, आणि त्याचा थेट फटका सर्वसामान्य जनतेला बसतो. त्यामुळे सरकार आणि यंत्रणांनी यावर कठोर भूमिका घेणे गरजेचे आहे.

Web Title: Santosh deshmukh murder case and suspicious movements anjali damania gave direct evidence nras

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com