नात्याला कलंक! चुलत भावाकडून अल्पवयीन मुलीवर लैंगिक अत्याचार, पोटात दुखतंय म्हणून मुलगी डॉक्टरकडे अन्…

कोलकाता, बदलापूर, रत्नागिरी, छत्रपती संभाजीनगर, धाराशिव... यादी संपतच नाही. दररोज नवे नाव, महिला-मुलींना छळण्याचा नवा प्रकार समोर येत आहे. अशातच आता नात्याला काळिमा फासणारी घटना समोर आली.

चुलत भावाकडून अल्पवयीन मुलीवर लैंगिक अत्याचार (फोटो सौजन्य-X)

Follow Us:

Follow Us:

गेल्या महिन्याभरात अल्पवयीन मुलीवर आणि महिलांवरील लैंगिक अत्याचाऱ्याच्या घटनांमध्ये वाढ होताना दिसत आहे. दररोज नवे नाव, महिला-मुलींना छळण्याचा नवा प्रकार. जनक्षोभ, मोर्चे, निदर्शने, मुलींच्या पालकांना, कुटुंबांना पडलेला एकच प्रश्न, हे थांबणार कधी? अशातच आता उत्तर प्रदेशमधील गाझियाबाद परिसरात नात्याला काळिमा फारसणारी घटना समोर आली. येथे चुलत भावाकडूनच अल्पवयीन मुलीवर लैंगिक अत्याचार केल्याची घटना घडली. या अत्याचारनंतर या अल्पवयीन मुलींने रुग्णालयात बाळाला जन्म देखील दिल्याचे समजत आहे. नेमकं काय आहे प्रकरण जाणून घेऊया…

दिल्लीतील कॉलनीतील एका विद्यार्थ्याने लोणी येथील ताहेरे भागातील अल्पवयीन मुलीवर चुलत भावाने (वडिलांच्या मोठ्या भावाचा मुलगा) लैंगिक अत्याचाराचा केल्याचा आरोप करत तक्रार दाखल केली आहे. अत्याचारानंतर विद्यार्थिनीने दिल्लीतील रुग्णालयात मुलाला जन्म दिला. या घटनेची माहिती मिळताच दिल्ली पोलिसांनी रुग्णालयात पोहोचून अहवाल दाखल केला. घटनास्थळ लोणी येथे असल्याने पीडितेला स्थलांतरित करण्यात आले आहे. मुलीची वैद्यकीय तपासणी करून तिचे वय निश्चित करून पोलीस पुढील कारवाई करतील.

शेअर बाजारात गुंतवणुकीच्या आमिषाने फसवणूक; तब्बल 38 लाखांना घातला गंडा

दिल्लीतील एका वसाहतीत राहणाऱ्या विद्यार्थिनीने दाखल केलेल्या एफआयआरमध्ये ती नववीत शिकणारी विद्यार्थिनी असल्याचे म्हटले आहे. ती तिच्या मावशीकडे राहते. सुट्टीच्या दिवसात ती लोणीला राहणाऱ्या ताईच्या (वडिलांच्या मोठ्या भावाची पत्नी) घरी जायची. मार्च 2024 मध्ये शाळेला सुटी असताना ती लोणी येथील तिच्या आजीच्या घरी आली होती. त्यावेळी तिच्या चूलत भावाने तिच्याशी शारीरिक संबंध ठेवले आणि कोणाला सांगू नकोस असे सांगितले. मात्र डिसेंबरमध्ये जेव्हा तिला पोटात दुखू लागले तेव्हा तिला हॉस्पिटलमध्ये नेण्यात आले. तिथे तिने मुलाला जन्म दिला. रुग्णालयाकडून पोलीस नियंत्रण कक्षाला माहिती देण्यात आली.

माहिती मिळाल्यानंतर पोलिसांनी समुपदेशन करून गुन्हा दाखल केला. तपासात हे लोणीचे प्रकरण असल्याचे समोर आल्याने त्याची येथे बदली करण्यात आली. पोलिसांनी येथे अहवाल नोंदवला आहे.

पोलिसांनी काय म्हटले?

सहाय्यक पोलीस आयुक्त अंकुर विहार भास्कर वर्मा यांनी सांगितले की, अत्याचार आणि पॉक्सो कायद्यांतर्गत तक्रार नोंदवण्यात आली आहे. विद्यार्थ्याचे वय निश्चित करण्यासाठी सोमवारी सीएमओला पत्र लिहून पॅनेलकडून तिची वैद्यकीय तपासणी केली जाईल. सीडब्ल्यूसीलाही कळवण्यात आले. पुढील कार्यवाही करण्यात येत आहे.

महाराष्ट्रातील अत्याचाराच्या घटना

2023 मध्ये महाराष्ट्रात अत्याचाराच्या तब्बल 7,521 घटना नोंदविल्या गेल्या. 2020-21 मध्ये त्या 5,954 होत्या, असा आर्थिक सर्वेक्षणात दिला आहे. महिलांविरुद्धच्या गुन्ह्यांमध्येही दर लाख महिलांमागे 66 वरून (2021-2022) 76 एवढी (2022-23) वाढ झाली आहे. विनयभंग आणि अवमानाच्या 5,209 घटना घडल्या; तर लैंगिक अत्याचारांच्या 2,946 घटना 2022 मध्ये घडल्या. यापैकी 46 घटना कामाच्या ठिकाणी झालेल्या लैंगिक छळाच्या होत्या.

पुण्यात चोरट्यांचा सुळसुळाट; बाणेरमध्ये पादचारी महिलेचे मंगळसूत्र चोरले

Web Title: Uttar pradesh ncr delhi minor girl give birth after brother make physical relation in ghaziabad

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com