मनीष सिसोदिया यांना जामीन नाहीच; 22 फेब्रुवारीपर्यंत तुरुंगातच राहावे लागणार

मद्य धोरण घोटाळा प्रकरणात अडकलेले आम आदमी पक्षाचे नेते आणि दिल्लीचे माजी उपमुख्यमंत्री मनीष सिसोदिया यांच्या अडचणी कमी होत नाहीत. त्यांची न्यायालयीन कोठडी 22 फेब्रुवारीपर्यंत वाढवण्यात आली आहे.

Follow Us:

Follow Us:

नवी दिल्ली : मद्य धोरण घोटाळा प्रकरणात अडकलेले आम आदमी पक्षाचे नेते आणि दिल्लीचे माजी उपमुख्यमंत्री मनीष सिसोदिया (Manish Sisodia) यांच्या अडचणी कमी होत नाहीत. त्यांची न्यायालयीन कोठडी 22 फेब्रुवारीपर्यंत वाढवण्यात आली आहे. राऊस ऍव्हेन्यू कोर्टातून मनीष सिसोदिया यांनी नियमित जामीन आणि पॅरोलबाबत अर्ज दाखल केला होता. मात्र, न्यायालयाने कोणताही दिलासा दिला नाही. अशा स्थितीत त्याला 22 फेब्रुवारीपर्यंत तुरुंगात राहावे लागणार आहे.

सिसोदिया आता आपल्या आजारी पत्नीला आठवड्यातून एकदा भेटू शकणार आहेत. कोर्टाने सिसोदिया यांना आठवड्यातून एकदा कोठडीत पॅरोल देण्याचा निर्णय घेतला आहे. आता न्यायालयाचा पुढील आदेश येईपर्यंत तुरुंग प्रशासनाला मनीष सिसोदिया यांच्यासाठी ही व्यवस्था करावी लागणार आहे.

न्यायालयाने सीबीआयला तपासाचा सविस्तर स्टेट्स रिपोर्ट सीलबंद कव्हरमध्ये दाखल करण्याचे निर्देश दिले आहेत. सध्या सीबीआय या प्रकरणाच्या तपासात व्यस्त आहे. या प्रकरणी मनीष सिसोदिया यांच्याशिवाय इतर अनेक लोकांची चौकशी सुरू आहे. सीबीआयने अनेकांवर आरोपपत्र दाखल केले आहे.

Web Title: No bail for manish sisodia will have to stay in jail till february 22 nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com