काँग्रेसचे ‘मिशन पंजाब’, 2027 साठी आताच फुंकले रणशिंग, केली मोठी घोषणा

पंजाब विधानसभा निवडणुकीबाबत काँग्रेस प्रदेशाध्यक्षांनी आधीच मोठी घोषणा केली आहे. पुढील विधानसभा निवडणुकीत ते ६०-७० नवीन चेहऱ्यांवर आपले नशीब आजमावतील असे त्यांनी म्हटले आहे.

काँग्रेसचे आता पुढील निवडणुकांवर लक्ष (फोटो सौजन्य - Social Media)

Follow Us:

Follow Us:

गेल्या अनेक निवडणुकांमध्ये सतत पराभवाचा सामना करत असलेला काँग्रेस पक्ष अनेक बदल करत आहे. अलिकडेच दिल्लीत झालेल्या बैठकीत काँग्रेस अध्यक्ष मल्लिकार्जुन खरगे म्हणाले होते की, निवडणुकीतील पराभवाची जबाबदारी पक्षाच्या प्रभारींची असेल आणि त्यांना त्याची जबाबदारी घ्यावी लागेल. याशिवाय, २०२७ मध्ये होणाऱ्या पंजाब निवडणुकीबाबत, आता समोर येत आहे की काँग्रेस पक्ष राज्यातील ११७ पैकी ६०-७० जागांवर नवीन चेहरे आजमावेल.

सध्या काही वर्षांपासून काँग्रेस पूर्णतः बॅकफूटवर गेल्याचे दिसून येत आहे. भाजपाने देशभरात आपला जम बसवला आहे आणि यातून बाहेर पडण्यासाठी आता काँग्रेसला चांगलीच कंबर कसावी लागणार आहे. यासाठी वेगवेगळ्या योजना आखत आपला पक्ष मजबूत करण्यासाठी आता काँग्रेसने सुरूवात केल्याचे दिसून येत आहे. पक्ष पुन्हा उभा करण्यासाठी आता पुढे येणाऱ्या निवडणुकांसाठी काँग्रेस लक्ष देणार असून त्यांचा काय प्लॅन असणार जाणून घेऊया

पक्ष पुन्हा उभा करण्यासाठी 

पंजाब काँग्रेसचे अध्यक्ष अमरिंदर सिंग राजा वाडिंग यांनी गुरुवारी सांगितले की, २०२७ च्या विधानसभा निवडणुकीत पक्ष किमान ६०-७० नवीन चेहऱ्यांवर पैज लावेल. पंजाब युवक काँग्रेसच्या राज्य कार्यकारिणीच्या बैठकीला संबोधित करताना वाडिंग म्हणाले, ‘२०२७ च्या विधानसभा निवडणुकीत किमान ६०-७० नवीन चेहऱ्यांना आमदार म्हणून राज्याचे प्रतिनिधित्व करण्यासाठी संधी देण्याचा पंजाब काँग्रेसचा दृढनिश्चय आहे. आपल्या राजकीय नेतृत्वाचे पुनरुज्जीवन करण्यासाठी आणि हे सुनिश्चित करण्यासाठी हे एक ऐतिहासिक पाऊल असेल.

महापालिका निवडणुकीपूर्वीच ‘हा’ नेता करणार भाजपमध्ये प्रवेश; ठाकरे गटाला बसणार धक्का

युवा चेहऱ्यांवर दाखवणार विश्वास 

वाडिंग पुढे म्हणाले की, पंजाबच्या लोकांच्या आकांक्षांचे प्रतिनिधित्व गतिमान, वचनबद्ध आणि राज्याच्या गरजांशी सुसंगत असलेल्या नेत्यांनी केले पाहिजे. ते म्हणाले, ‘हे नवीन चेहरे केवळ बदलाचे प्रतीक नसून पंजाबमधील तरुणांचा आणि सामान्य लोकांच्या विश्वास आणि अपेक्षांवरही खरा उतरतील.’ वाडिंग यांनी युवक काँग्रेस सदस्यांना अढळ वचनबद्धतेने या संधीचा फायदा घेण्याचे आवाहन केले आणि भविष्यात अधिक मजबूत, अधिक समावेशक आणि एकजूट पंजाबचा पाया रचण्यात त्यांचे प्रयत्न महत्त्वाची भूमिका बजावतील यावर भर दिला.

भाजपाची दहशत 

सध्या सर्व राज्याच्या निवडणुकीमध्ये भारतीय जनता पार्टीचे उमेदवार हे मोठ्या फरकाने निवडून येत आहेत आणि त्यामुळे सध्या अनेक राज्यात भाजपची एक प्रकारे दहशतच निर्माण झाली आहे. भाजपने काँग्रेसचा एकंदरीतच सुपडा साफ केला असून महाराष्ट्रासह, हरयाणा, दिल्लीवरही आपली पकड मजबूत केली आहे आणि आता विविध राज्यातील येणाऱ्या निवडणुकीत भाजपला टक्कर देण्यासाठी काँग्रेसने आतापासूनच कंबर कसली असल्याचे दिसून येत आहे. 

“मी धक्कापुरुष झालोय…”; मातोश्रीवरील बैठकीमध्ये उद्धव ठाकरेंनी व्यक्त केली मनातील खदखद

Web Title: Punjab assembly election 2027 congress will bet on 60 70 new faces in the future elections

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com