उत्तर प्रदेशमध्ये दिवाळीच्या निमित्ताने दीपोत्सव करण्यात येणार असून यामध्ये पुष्पक विमान आकर्षण असणार आहे (फोटो - सोशल मीडिया)
Ayodhya Deepotsav 2025: उत्तर प्रदेश : दिवाळीचा सण जवळ आला असून संपूर्ण देशामध्ये चैतन्यमयी वातावरण निर्माण झाले आहे. बाजारपेठा सजल्या असून भेटवस्तू, आकाशदिवा आणि मिठाईची जोरदार खरेदी सुरु आहे. हिंदूंचा सर्वात मोठा सण मानला जाणारी दिवाळी ही दिव्यांचा सण म्हणून ओळखली जाते. प्रत्येक घरी दिव्यांचा उजाळा करत सण साजरा केला जातो. दरम्यान, उत्तर प्रदेशमधील अयोध्येतील दिपोत्सव हा सर्वात मोठा आणि तेजस्वी होत असतो. यंदाच्या वर्षी अयोध्येमध्ये पुष्कर विमान उडवले जाणार आहे.
अयोध्यानगरी ही प्रभू श्री रामांची जन्मभूमी आहे. त्यामुळे अयोध्येमध्ये मोठ्या उत्साहात आणि जल्लोषात दीपोत्सव साजरा केला जातो. लाखो दिव्यांच्या प्रकाशामध्ये अयोध्यानगरी अक्षरशः उजळून निघते. आता लेझर अन् लाईट शो देखील केला जातो. तसेच फटाक्यांची आकर्षक आतिषबाजी केली जाते. यामुळे अयोध्येमधील सर्व घाट हे प्रकाशाने उजळून जातात. या नयनरम्य दीपोत्सव पाहण्यासाठी हजारो भाविक अयोध्येमध्ये येत असतात. यंदाच्या अयोध्येतील दीपोत्सावामध्ये पुष्पक विमान हे आकर्षणाने केंद्रबिंदू ठरले आहे. कलियुगात देखील त्रिता युगातील पुष्पक विमान उडवले जाणार आहे. याची सर्वत्र मोठी उत्सुकता आणि चर्चा दिसून येत आहे.
राजकीय बातम्या वाचण्यासाठी क्लिक करा
दीपोत्सवची अयोध्येमध्ये जोरदार तयारी सुरु आहे. याचे ट्रायल देखील पार पडले असून देशभर सर्वत्र याची चर्चा आहे. यावेळी पुष्पक विमान हे सर्वात मोठे आकर्षण बनले आहे. रात्री उशिरा राम की पैडी येथे भव्य प्रकाशयोजना तालीम आयोजित करण्यात आली होती, ज्यामध्ये सर्वव्यापी प्रकाशयोजनांसह त्रेतायुगाची झलक दाखवण्यात आली. हे अद्भुत दृश्य पाहून भाविक भारावून गेले आणि अनेकांनी ते कॅमेऱ्यात कैद केले. प्रकाशोत्सवादरम्यान पुष्पक विमान रामभक्तांसाठी एक प्रमुख आकर्षण ठरणार आहे. वाराणसीतील डझनभर कलाकार अयोध्येत त्याला अंतिम टच दिला जात आहे.
राम की पैडीच्या प्रवेशद्वारावर, वाराणसीतील कलाकारांनी थर्माकोलपासून एक आकर्षित असे पुष्पक विमान तयार केले आहे, जे आता सेल्फी पॉइंट बनले आहे. दूरदूरचे भाविक या पुष्पक विमानासोबत फोटो काढत आहेत. दरम्यान, राम कथा पार्कमध्ये १२ फूट उंच आणि १७ फूट रुंद असे आणखी एक भव्य पुष्पक विमान बांधले जात आहे आणि ते रथ ट्रॉलीवर सजवले जात आहे. भगवान राम, लक्ष्मण आणि सीता हेलिकॉप्टरने राम कथा पार्कमध्ये उतरतील तेव्हा मुख्यमंत्री त्यांचे वैयक्तिकरित्या स्वागत करतील. या खास प्रसंगी, मुख्यमंत्री योगी आदित्यनाथ स्वतः एका खास ट्रॉलीवर पुष्पक विमान ओढून शहरात फिरतील, ज्यामुळे उत्सवाची भव्यता आणखी वाढेल.
पुष्पक विमान १५ दिवसांत पूर्ण
पंतप्रधानांच्या संसदीय मतदारसंघातील वाराणसी येथील कलाकारांनी तयार केलेले हे पुष्पक विमान अवघ्या १५ दिवसांत पूर्ण झाले. पुष्पक विमानामागील कलाकार संदीप यादव यांनी सांगितले की, दीपोत्सवादरम्यान तयार केलेली ही पहिलीच कलाकृती आहे, जी रामभक्तांना खूप मोहित करेल. थर्माकोलपासून बनवलेले हे विमान पूर्ण होण्यासाठी १५ ते २० दिवस लागले. याव्यतिरिक्त, भगवान राम, माता सीता, लक्ष्मण, भरत आणि शत्रुघ्न यांचे चित्रण करणारा रथ शिल्प देखील तयार केला जात आहे, जो मुख्यमंत्री योगी आदित्यनाथ स्वतः शहर दौऱ्यादरम्यान ओढून घेतील. संदीप यादव यांनी असा पराक्रम करण्यासाठी अयोध्येत आल्याबद्दल प्रचंड आनंद व्यक्त केला.
महाराष्ट्रसंबंधित बातम्या वाचण्यासाठी क्लिक करा
अयोध्येत होणारा या वर्षीचा दीपोत्सव अनेक अर्थांनी ऐतिहासिक ठरणार आहे. हा कार्यक्रम आणखी भव्य करण्यासाठी राज्य सरकारकडून जोरदार तयारी सुरू आहे. यावर्षी दीपोत्सव २०२५ दरम्यान दोन गिनीज बुक ऑफ वर्ल्ड रेकॉर्ड केले जातील.पहिला विक्रम २६ लाख ११ हजार १०१ दिवे प्रज्वलित करून केला जाईल. दुसरा विक्रम शरयू आरती दरम्यान २१०० दिवे दान करून केला जाईल. स्वयंसहाय्यता गटातील महिला, संस्कृत शाळांमधील विद्यार्थी आणि मोठ्या संख्येने स्वयंसेवक शरयू आरतीमध्ये सहभागी होतील.
