बुधवार, 21 ऑक्टोबर 2026
दहशतवाद्यांच्या भरतीसाठी मौलवींकडून तीन पद्धतीचा अवलंब; नमाजी मुस्लिमांना नेहमी करत होता 'टार्गेट'
दुसरे, तो नियमितपणे त्यांच्या सोशल मीडिया अकाउंट्सवर लक्ष ठेवत असे आणि संभाव्य लक्ष्य ओळखत असे. तिसरे आणि कदाचित सर्वांत धोकादायक म्हणजे तो नियमितपणे मशिदींमध्ये नमाज पठण करण्यासाठी जाणाऱ्या शिक्षित व्हाईट कॉलर तरुणांवर लक्ष ठेवत असे, याचा अर्थ, तो नमाज पठण करणाऱ्या मुस्लिमांना त्याचे सर्वांत संभाव्य लक्ष्य मानत असे. अशा प्रकारे त्याने अनेक संशयितांना दहशतवादी मॉड्यूलमध्ये तयार केले, ज्यात आदिल अहमद राधेर आणि जसीर बिलाल वाणी यांचा समावेश होता.
सूत्रांचे म्हणणे आहे की, अहमद हा लक्ष्यांना सहज किंवा मैत्रीपूर्ण पद्धतीने भेटायचा आणि त्यांच्याशी संवाद साधायचा, परंतु तो त्यांच्या जाळ्यात अडकण्याची शक्यतादेखील मोजायचा. त्यांची चाचणी घेण्यासाठी तो त्यांच्या वैचारिक खोलीत खोलवर जायचा. जरी त्याला वाटत असेल की, एखादा लक्ष्य अडकला आहे, तरी तो विश्वास निर्माण केल्यानंतरच कट्टरपंथी माहिती शेअर करायचा.
दिल्ली दहशतवादी हल्ल्यानंतर एक धक्कादायक घटना समोर आली आहे. आयआयटी कानपूरमध्ये पीएचडी करणारे दोन काश्मिरी विद्यार्थी बऱ्याच काळापासून बेपत्ता आहेत. गुप्तचर संस्था आणि पोलिसांना याची माहिती देण्यात आली आहे आणि त्यांच्या ठिकाणाचा शोध सुरू आहे. दिल्ली हल्ल्यातील आरोपी जीएसव्हीएम मेडिकल कॉलेजचे माजी कर्मचारी डॉ. शाहीन यांना आधीच अटक करण्यात आली आहे. त्यानंतर, तपास यंत्रणांनी हृदयरोग विभागातील डॉ. मोहम्मद आरिफ यांना ताब्यात घेतले आहे. तपास यंत्रणा या दोघांच्या जवळच्या लोकांचा शोध घेत आहेत. तपासादरम्यान, काश्मिरी नागरिक आणि विद्यार्थीदेखील तपासाच्या कक्षेत आले. या आधारे, शहरात शिकणाऱ्या काश्मिरी विद्याथ्यर्थ्यांची माहिती अलीकडेच मागविण्यात आली.
लाल किल्ला स्फोटासंदर्भात चौकशी फरिदाबादच्या अल-फलाह विद्यापीठाचा अल्पसंख्याक दर्जा धोक्यात आला आहे. राष्ट्रीय अल्पसंख्याक शैक्षणिक संस्था आयोगाने एका बातमीची स्वत हुन दखल घेतली आहे आणि कारणे दाखवा नोटीस बजावली आहे. राष्ट्रीय सुरक्षा आणि सुरक्षिततेबद्दल चिंता आणि अल्पसंख्याक दर्जाचा गैरवापर होत असल्याचे कारण देत एनसीएमईआयने अल-फलाह विद्यापीठाच्या रजिस्ट्रारला पत्र लिहून संस्थेचे अल्पसंख्याक प्रमाणपत्र का रद्द केले जाऊ नये? हे स्पष्ट करण्यास सांगितले आहे. एनसीएमईआयचे सदस्य प्रौ. शाहिद अख्तर यांनी सांगितले की, या प्रकरणाची सविस्तर सुनावणी ४ डिसेंबर रोजी होणार आहे.
