Top Marathi News Today Live : पंतप्रधान नरेंद्र मोदी आज मध्यप्रदेशात साजरा करणार 75 वा वाढदिवस

17 Sep 2025 01:25 PM (IST)

उठा चला…आपण जिंकलो? राज ठाकरेंचे व्यंगचित्रातून भारत-पाक सामन्यावर टीकास्त्र

सध्या आशिया चषक स्पर्धा सुरु असून क्रिकेटप्रेमी मोठ्या उत्साहाने सामने बघत आहेत. मात्र आशिया कपमध्ये भारत विरुद्ध पाकिस्तान झालेल्या सामन्यामुळे भारतात मोठा वाद निर्माण झाला. पहलगाम हल्ल्यामध्ये निष्पाप 26 जणांनी जीव गमावल्यामुळे पाकिस्तानविरोधात आक्रमक भूमिका घेण्याची अपेक्षा व्यक्त केली जात होती. दुबईमध्ये झालेला हा सामना रद्द करण्यात यावी अशी जोरदार मागणी करण्यात आली. मात्र तरीही हा सामना झाला. यामध्ये भारतीय संघ विजयी झाला असला तरी राजकारण्यांनी नाराजी व्यक्त केली. यानंतर आता मनसे नेते राज ठाकरे यांनी देखील भारत-पाक या क्रिकेट सामन्यावरुन शहा पिता-पुत्रांना टोला लगावणारे व्यंगचित्र काढले आहे.

17 Sep 2025 01:15 PM (IST)

‘पंतप्रधान माझे आदेश मोडूच शकत नाहीत’; PM मोदींच्या वाढदिवशी काँग्रेसच्या ‘या’ व्हिडिओमुळे मोठे राजकीय वादळ

पंतप्रधान नरेंद्र मोदींचा ७५ वा वाढदिवस देशभरात उत्साहात साजरा होत असतानाच, राजकारणात एक नवीन वादळ उठले आहे. सोशल मीडियावर #MyModiStory हॅशटॅगखाली शुभेच्छांचा, संस्मरणीय अनुभवांचा आणि अभिनंदनाचा वर्षाव सुरू असताना, काँग्रेस पक्षाने या दिवसाचाच वापर करून एक वेगळा राजकीय वार केला. त्यांनी प्रसिद्ध केलेल्या एका एआय व्हिडिओमुळे देशातील राजकीय वातावरण अचानक तापले आहे.

17 Sep 2025 01:04 PM (IST)

आगामी निवडणुका आघाडी म्हणून लढवणार का? शरद पवारांचं मोठं विधान

पुण्यातील प्रश्न सोडविण्यासाठी विकासाचा दृष्टीकाेण असलेले नगरसेवक आपल्याला निवडून आणावे लागतील, त्यादृष्टीने महापािलका निवडणुकीच्या तयारीला लागा, असा सल्ला ज्येष्ठ नेते शरद पवार यांनी राष्ट्रवादी काॅंग्रेस पक्षाच्या कार्यकर्त्यांना दिला. त्याचवेळी महाविकास आघाडीत एकत्रितपणे निवडणूक लढविण्याचा निर्णय हा कार्यकर्त्यांना विश्वासात घेऊनच केला जाईल, असेही त्यांनी नमूद केले.राष्ट्रवादी काँग्रेस पार्टी शरदचंद्र पवार पक्षाचे राष्ट्रीय अध्यक्ष शरद पवारांच्या उपस्थितीत पक्षाच्या पुणे शहर कार्यकारिणीची विक्रमी ५० वी बैठक व कार्यकर्ता मेळावा संपन्न झाला.

17 Sep 2025 12:50 PM (IST)

समुद्रकिनारी फिरायला गेलेल्या विद्यार्थिनीवर सामूहिक बलात्कार

ओडिसातील पुरी जिल्ह्यात एक धक्कदायक घटना घडल्याचे समोर आले आहे. ब्रह्मगिरी पोलीस ठाण्याच्या हद्दीतील प्रसिद्ध पर्यटन स्थळ असलेल्या बलिहारीचंडी समुद्रकिनाऱ्यावर एका तरुणीवर सामूहिक बलात्कार झाल्याचं समोर आलं आहे. पोलिसांनी दोन आरोपींना अटक केली आहे तर एकाची चौकशी सुरु आहे.

17 Sep 2025 12:40 PM (IST)

प्रेमाच्या नावाखाली फसवणूक करणाऱ्या डोंबिवलीतील शिक्षक अटकेत

डोंबिवलीतून एक धक्कादायक आणि संतापजनक प्रकार समोर आला आहे. एका शिक्षकाने आधी एका शिक्षिकेला फसवले त्यानंतर त्यांना मुलं झालं नंतर तिला सोडून दिले. त्यानंतर त्याने दुसऱ्या तरुणीसोबत लग्न केलं मात्र ते लग्न टिकले नाही ती माहेरी परत गेली. नंतर पुन्हा एका मुलीला प्रेमाच्या जाळ्यात ओढले आणि तिलाही फसविले. या शिक्षकाच्या धक्कादायक प्रकाराने डोंबिवली हादरली आहे.

17 Sep 2025 12:30 PM (IST)

साताऱ्यात भरदिवसा गोळीबार! जुन्या खुनाचा घेतला बदला

सातारा जिल्ह्यातून एक हादरवणारी घटना समोर आली आहे. साताऱ्यातील शिरवलमध्ये एकावर गोळीबार झाल्याची घटना समोर आली आहे. दोन हल्लेखोर दुचाकीवर आले आणि हल्लेखोरांकडून भर रस्त्यावर गोळीबार करण्यात आला. हा गोळीबार भर दिवसा करण्यात आल्याने परिसरात भीतीचे वातावरण आहे. ही सर्व घटना सीसीटीव्हीमध्ये कैद झाली आहे.

17 Sep 2025 12:12 PM (IST)

लातूर हादरलं! गॅससाठी खर्चले कॉलेज फीचे पैसे, रागाच्या भरात मुलानेच वडिलांची हत्या

लातूर जिल्ह्यातील चाकूर तालुक्यातील हिंपळनेर गावातून एक धक्कादायक घटना समोर आली आहे. कॉलेजच्या फिससाठी असलेले पैसे सिलेंडरसाठी वापरले म्हणून मुलानेच वडिलांची निघून हत्या केल्याचे समोर आले आहे. सततचा पाऊस असल्याने चुलीत जाळायला लाकूड मिळालं नाही. म्हणून गॅस सिलेंडरची पैसे खर्च केले. कॉलेजची फी सिलेंडरसाठी खर्चले म्हणून मुलानेच बापाची निर्घृणपणे हत्या केली.

17 Sep 2025 12:02 PM (IST)

मीनाताई ठाकरेंच्या पुतळ्यावर लाल रंग फेकण्याचा प्रयत्न

दिवंगत मीनाताई ठाकरे यांच्या  पुतळ्यावर लाल रंग टाकण्याचा प्रयत्न करण्यात आला आहे. काल रात्री हा प्रयत्न करण्यात आला असून पोलिसांकडून सीसीटीव्ही फुटेज तपासले जात आहे.

17 Sep 2025 11:55 AM (IST)

मराठ्यांना अजून मुक्ती मिळणं बाकी - मनोज जरांगे पाटील

मराठवाडा मुक्ती दिनानिमित्त मराठा नेते मनोज जरांगे पाटील यांनी मराठवाड्यातील जनतेला शुभेच्छा दिल्या. जरांगे पाटील म्हणाले की, मराठवाड्याला जरी मुक्ती मिळाली असली तरी मराठ्यांना अजून मुक्ती मिळणं बाकी आहे. आज ज्यांना कुणबी प्रमाणपत्र वाटप होणार आहे, त्यांनी प्रमाणपत्र घेऊन अंतरवाली सराटी येथे यावे. प्रमाणपत्राची खात्री करूनच सरकारचा पुढील निर्णय कळेल असेही ते म्हणाले. 84 च्या जीआरचा आधार कसा घेतला आणि जर मराठ्यांचे आरक्षण काढणार असाल तर तुमचे आरक्षण कसे दिले, असा प्रश्न मनोज जरांगे पाटील उपस्थित केला.

17 Sep 2025 11:45 AM (IST)

जालन्यात पंकजा मुंडे गेल्या नुकसानग्रस्त शेतकऱ्यांच्या बांध्यावर

राज्यभरामध्ये परतीचा तुफान पाऊस झाल्यानंतर शेतकऱ्यांचे मोठे नुकसान झाले आहे. पूर्णत्वाला येत असलेले पीक आडवे झाल्याने शेतकरी हवालदिल झाला आहे. यानंतर भाजप नेत्या व मंत्री पंकजा मुंडे यांनी शेतकऱ्यांच्या बांधावर जात शेतीची पाहणी केली आहे. यावेळी त्यांनी बळीराजाला दिलासा देण्याचा प्रयत्न केला.

17 Sep 2025 11:35 AM (IST)

मुंबईतील मोनोरेल सेवा शनिवारपासून बंद

चेंबूर ते जेकब सर्कलदरम्यान सुरु असलेली मोनोरेल सेवा आता बंद होणार आहे. येत्या शनिवारपासून म्हणजे 20 सप्टेंबरपासून मोनोरेल अनिश्चित काळासाठी बंद होणार आहे. सतत होत असलेल्या तांत्रिक बिघाडामुळे हा निर्णय घेण्यात आला आहे.

17 Sep 2025 11:25 AM (IST)

मुख्यमंत्र्यांच्या भाषणादरम्यान आरक्षणावरुन घोषणाबाजी

मराठवाडा मुक्तीसंग्राम दिनाच्या आजच्या कार्यक्रमात गोंधळ घालण्याचा प्रयत्न झाला. मुख्यमंत्री देवेंद्र फडणवीस यांचं भाषण सुरु असताना काही जणांना घोषणाबाजी केली. पोलिसांनी घोषणाबाजी करुन गोंधळ घालणाऱ्यांना ताब्यात घेतलं आहे. हैदराबाद गॅझेट रद्द करावं, ओबीसींवर अन्याय होत असल्याची घोषणबाजी काही जणांनी केली

17 Sep 2025 11:15 AM (IST)

पहलगाम हल्ल्याच्या व्यंगचित्रातून राज ठाकरेंचा टोला

राज ठाकरे हे राजकारणीसह व्यंगचित्रकार म्हणून नावाजले जातात. बाळासाहेब ठाकरे यांच्यानंतर राज ठाकरेंचे व्यंगचित्र हे चपराक लगावणारे असते. पहलमाग हल्ल्यानंतर देखील भारत पाकिस्तान सामना झाल्यामुळे राज ठाकरेंनी हे व्यंगचित्र साकारले आहे.

17 Sep 2025 11:05 AM (IST)

देवेंद्र फडणवीसांकडून 'द बॉस' म्हणत पंतप्रधान मोदींना शुभेच्छा

मुख्यमंत्री देवेंद्र फडणवीस यांनी सोशल मीडिया पोस्ट करुन देशाचे पंतप्रधान आणि भाजप नेते नरेंद्र मोदी यांना वाढदिवसाच्या शुभेच्छा दिल्या आहेत. फडणवीस यांनी लिहिले आहे की, राष्ट्रविकासाला शिरोधार्य मानून स्वतःला राष्ट्रकार्यात झोकून देणारे, राष्ट्रविकासाची नवी परिभाषा मांडणारे, द बॉस, वैश्विक नेतृत्व, आमचे नेते व प्रेरणास्थान पंतप्रधान नरेंद्र मोदीजी यांना अखंड महाराष्ट्रातर्फे वाढदिवसाच्या कोटी कोटी शुभेच्छा! अशा शुभेच्छा पंतप्रधान मोदींनी दिल्या आहेत.

17 Sep 2025 11:00 AM (IST)

Dinvishesh : पंतप्रधान मोदींचा वाढदिवस; जाणून घ्या 17 सप्टेंबरचा इतिहास

गुजरातमधील वडनगर येथे एका सामान्य कुटुंबात जन्मलेल्या या मुलाने एकेकाळी रेल्वे स्टेशनवर वडिलांसोबत चहा विक्री देखील त्यांनी केली. त्यानंतर आता जगातील प्रभावी नेते आणि भारताचे पंतप्रधान म्हणून नरेंद्र मोदी हे अनेकांसाठी प्रेरणास्थान आहेत. आज पंतप्रधान नरेंद्र मोदी यांचा अमृत महोत्सवी अर्थात 75 वा वाढदिवस साजरा केला जात असून जगभरातून त्यांच्यावर शुभेच्छांचा वर्षाव होतो आहे.

17 सप्टेंबर रोजी देशाच्या आणि जगाच्या इतिहासामध्ये घडलेल्या महत्त्वपूर्ण घटना

• 1630 : बुस्टन शहराची स्थापना झाली.
• 1914 : अँड्र्यू फिशर तिसऱ्यांदा ऑस्ट्रेलियाचे पंतप्रधान झाले.
• 1948 : हैदराबाद संस्थान भारतात विलीन झाले.
• 1957 : मलेशिया संयुक्त राष्ट्रात सामील झाला.
• 1965 : चाविंडाची लढाई भारत आणि पाकिस्तान यांच्यात झाली
• 1974 : बांगलादेश, ग्रेनाडा आणि गिनी-बिसाऊ संयुक्त राष्ट्रांमध्ये सामील झाले.
• 1976 : नासाने स्पेस शटल एंटरप्राइझचे अनावरण केले.
• 1983 : व्हेनेसा विल्यम्स पहिली कृष्णवर्णीय मिस अमेरिका बनली.
• 1988 : 24व्या ऑलिम्पिक खेळांना दक्षिण कोरियाच्या सेऊलमध्ये सुरुवात झाली.
• 1991 : संगणक कार्यरत प्रणाली(OS) लिनक्स कर्नलची पहिली आवृत्ती (0.01) इंटरनेटवर प्रसिद्ध झाली.
• 2001 : 11 सप्टेंबरच्या दहशतवादी हल्ल्यानंतर न्यूयॉर्क स्टॉक एक्सचेंज पुन्हा सुरू झाले.

17 Sep 2025 10:57 AM (IST)

शिक्षिकेची दिशाभूल, दुसरीसोबत लग्न, तिसरीपासून मूल; डोंबिवलीत शिक्षक अटकेत

डोंबिवलीतून एक धक्कादायक आणि संतापजनक प्रकार समोर आला आहे. एका शिक्षकाने आधी एका शिक्षिकेला फसवले त्यानंतर त्यांना मुलं झालं नंतर तिला सोडून दिले. त्यानंतर त्याने दुसऱ्या तरुणीसोबत लग्न केलं मात्र ते लग्न टिकले नाही ती माहेरी परत गेली. नंतर पुन्हा एका मुलीला प्रेमाच्या जाळ्यात ओढले आणि तिलाही फसविले. या शिक्षकाच्या धक्कादायक प्रकाराने डोंबिवली हादरली आहे. पोलिसांनाही या शिक्षकाला अटक केली आहे. राहुल तिवारी असे या शिक्षकाचे नाव आहे. तो उल्लासनगर येथील एका प्रतिष्ठित शाळेत कार्यरत आहे. त्याच्या या कृत्यामुळे परिसरात एकच खळबळ उडाली आहे.

17 Sep 2025 10:50 AM (IST)

अश्विन महिन्यातील शिवरात्र कधी आहे?

पंचांगानुसार, आश्विन कृष्ण चतुर्दशी तिथीची सुरुवात शुक्रवार, 19 सप्टेंबर रोजी रात्री 11.36 वाजता सुरु होणार आहे. या तिथीची समाप्ती शनिवार, 20 सप्टेंबर रोजी रात्री 12.16 वाजता होणार आहे. त्यामुळे उद्यतिथीनुसार शिवरात्री शुक्रवार, 19 सप्टेंबर रोजी आहे. 19 सप्टेंबर रोजी अश्विन शिवरात्रीचा निशिता पूजा मुहूर्त सकाळी 11.51 ते 12.38 पर्यंत आहे. मंत्रांच्या यशासाठी निशिता मुहूर्त सर्वोत्तम मानला जातो. आश्विन शिवरात्री ब्रह्म मुहूर्त पहाटे 4.34 ते 5.21 पर्यंत असेल. तसेच शुभ मुहूर्त आणि अभिजित मुहूर्त सकाळी 11.50 ते दुपारी 12.39 पर्यंत असेल.

17 Sep 2025 10:45 AM (IST)

‘दशावतार’ला मंगळवारच्या ९९ तिकिटांचा चांगलाच लाभ

‘दशावतार’ या चित्रपटाला प्रेक्षकांचा चांगला प्रतिसाद मिळत आहे. रिलीजच्या पहिल्या दिवसापासूनच हा चित्रपट सिनेमागृहात धुमाकूळ घालत आहे. ‘दशावतार’ची बॉक्स ऑफिस वरील कमाई दिवसेंदिसव वाढतच आहे. चित्रपटाने अवघ्या ३ दिवसांत ५ कोटी रुपयांची कमाई केली आहे. आणि मराठी चित्रपटसृष्टीत या चित्रपटाने नवा रेकॉर्ड बनवला आहे.

17 Sep 2025 10:40 AM (IST)

रशियाच्या हल्ल्याने युक्रेनमध्ये विध्वंस; संतप्त झेलेन्स्कीने केली ‘मोठी’ घोषणा

झेलेन्स्कींचा सूर आता केवळ आपल्या देशापुरता मर्यादित नाही. ते स्पष्ट सांगतात की, “आज जर युक्रेन हरला, तर उद्या रशियाचे क्षेपणास्त्र युरोपच्या इतर देशांच्या आकाशात उडतील.” त्यामुळेच ते सातत्याने युरोपियन नेत्यांना आवाहन करत आहेत की एकत्र येऊन संरक्षणात्मक भिंत उभी करावी.

17 Sep 2025 10:33 AM (IST)

भटक्या कुत्र्यांच्या भीतीने गाय छतावर जाऊन बसली

कुत्र्यांच्या भीतीने तुम्ही कधी गाय घराच्या छतावर चढताना पाहिली आहे का? नसेल तर आता तुम्हाला हे पाहता येणार आहे. तेलंगणातील आदिलाबाद जिल्ह्यातील बोराज मंडलच्या निराला गावात ही धक्कादायक घटना घडून आली आहे, ज्याचा व्हिडिओ आता सोशल मीडियावर मोठ्या प्रमाणात व्हायरल होत आहे. व्हिडिओमध्ये एक गाय घाबरून आपला जीव वाचवण्यासाठी घराच्या छतावर जाऊन चढली. आता याबाबत असं सांगितलं जात आहे की, भटक्या कुत्र्यांच्या एका कळपाने गायीचा पाठलाग सुरु केला ज्यामुळे पळत पळत कुत्र्यांपासून स्वतःला वाचवण्यासाठी ती थेट एका घराच्या छतावर चढली.

17 Sep 2025 10:05 AM (IST)

साताऱ्यात भरदिवसा गोळीबार!

सातारा: सातारा जिल्ह्यातून एक हादरवणारी घटना समोर आली आहे. साताऱ्यातील शिरवलमध्ये एकावर गोळीबार झाल्याची घटना समोर आली आहे. दोन हल्लेखोर दुचाकीवर आले आणि हल्लेखोरांकडून भर रस्त्यावर गोळीबार करण्यात आला. हा गोळीबार भर दिवस करण्यात आल्याने परिसरात भीतीचे वातावरण आहे. ही सर्व घटना सीसीटीव्हीमध्ये कैद झाली आहे.

17 Sep 2025 10:00 AM (IST)

नागार्जुनने पंतप्रधान मोदींना दिल्या वाढदिवसाच्या शुभेच्छा

ज्येष्ठ अभिनेते नागार्जुन अक्किनेनी यांनी मंगळवारी पंतप्रधान नरेंद्र मोदी यांना त्यांच्या ७५ व्या वाढदिवसाच्या शुभेच्छा दिल्या आहेत. त्यांनी एक्स वर पंतप्रधान मोदींसोबतचा एक भावनिक व्हिडिओ आणि फोटो शेअर केला. नागार्जुन यांनी २०१४ मध्ये गांधीनगर येथे पंतप्रधान मोदींसोबतच्या त्यांच्या पहिल्या भेटीची आठवण देखीलस शेअर केली आहे. या पोस्टमध्ये नागार्जुन यांनी पंतप्रधान मोदींबद्दल त्यांचे मनापासून कौतुक व्यक्त केले आणि त्यांच्या नेतृत्वाचे कौतुक केले.

17 Sep 2025 09:55 AM (IST)

मोदींच्या वाढदिवसानिमित्त दिल्लीला विकासाची मोठी भेट

पंतप्रधान नरेंद्र मोदी यांच्या ७५ व्या वाढदिवसानिमित्त संपूर्ण देशभरात विविध उपक्रम राबवले जात आहेत. त्यात राजधानी दिल्लीमध्ये या दिवसाचे वेगळेच महत्त्व आहे. कारण, दिल्ली सरकारने “सेवा पंधरवडा” कार्यक्रमाची घोषणा केली आहे. या विशेष उपक्रमांतर्गत तब्बल ७५ नवीन योजना राबवल्या जाणार असून, त्याचा थेट फायदा नागरिकांना होणार आहे. याच अनुषंगाने, केंद्रीय गृहमंत्री अमित शहा बुधवारी दिल्लीतील त्यागराज स्टेडियममध्ये १५ मोठ्या विकास प्रकल्पांचे उद्घाटन करणार आहेत.

17 Sep 2025 09:50 AM (IST)

तुमच्या शहरात काय आहेत आजच्या सोन्याचांदीच्या किंमती?

भारतात आज 17 सप्टेंबर रोजी 24 कॅरेट सोन्याच्या प्रति ग्रॅमचा दर 11,194 रुपये, 22 कॅरेट सोन्याच्या प्रति ग्रॅमचा दर 10,261 रुपये आणि 18 कॅरेट सोन्याच्या प्रति ग्रॅमचा दर 8,396 रुपये आहे.  भारतात आज 22 कॅरेट सोन्याच्या प्रति 10 ग्रॅमचा दर 1,02,610 रुपये, 24 कॅरेट सोन्याच्या प्रति 10 ग्रॅमचा दर 1,11,940 रुपये आणि 18 कॅरेट सोन्याच्या प्रति 10 ग्रॅमचा दर 83,960 रुपये आहे.  भारतात आज चांदीचा भाव प्रति ग्रॅम 134.10 रुपये आणि प्रति किलोग्रॅम 1,34,100 रुपये आहे.

17 Sep 2025 09:46 AM (IST)

आज खरेदी करा हे 8 स्टॉक्स, बाजार तज्ज्ञांनी दिला सल्ला!

आज खरेदी करायच्या स्टॉकबाबत, बाजारातील तज्ञ चॉइस ब्रोकिंगचे कार्यकारी संचालक सुमित बगडिया, आनंद राठी येथील तांत्रिक संशोधनाचे वरिष्ठ व्यवस्थापक गणेश डोंगरे आणि प्रभुदास लिलाधर येथील तांत्रिक संशोधनाचे वरिष्ठ व्यवस्थापक शिजू कुथुपलक्कल यांनी आठ इंट्राडे स्टॉकची शिफारस केली आहे. ज्यामध्ये इंडिया निप्पॉन इलेक्ट्रिकल्स लिमिटेड, पॉन्डी ऑक्साइड्स अँड केमिकल्स लिमिटेड, रॅलिस इंडिया लिमिटेड, हिंदुस्तान झिंक लिमिटेड, इंडियन रेल्वे केटरिंग अँड टुरिझम कॉर्पोरेशन लिमिटेड (IRCTC), हिंदुस्तान ऑइल एक्सप्लोरेशन कंपनी लिमिटेड, टिळकनगर इंडस्ट्रीज लिमिटेड आणि एरोफ्लेक्स इंडस्ट्रीज लिमिटेड यांचा समावेश आहे.

17 Sep 2025 09:40 AM (IST)

हॉलिवूडचा ‘गोल्डन बॉय’ रॉबर्ट रेडफोर्ड यांचे निधन

हॉलिवूडचे ज्येष्ठ अभिनेते आणि ऑस्कर विजेते दिग्दर्शक रॉबर्ट रेडफोर्ड यांचे वयाच्या ८९ व्या वर्षी निधन झाले आहे. आपल्या अभिनय आणि दिग्दर्शन कौशल्याने जगावर अमिट छाप सोडणारे रेडफोर्ड यांचे युटामधील सनडान्स येथील त्यांच्या निवासस्थानी निधन झाले, जिथे त्यांनी त्यांचे शेवटचे दिवस कुटुंब आणि प्रियजनांच्या सान्निध्यात घालवले. वृत्तानुसार, रॉबर्ट यांचे झोपेत निधन झाले असल्याचे समजले आहे.

17 Sep 2025 09:20 AM (IST)

'खुनाचा बदला खुनाने' घेण्याचा प्रयत्न फसला; शिरवळमध्ये भरदिवसा गोळीबार, दुचाकीवरून दोघे आले अन्...

शिरवळ : गेल्या काही दिवसांपासून गुन्हेगारीच्या घटनांमध्ये वाढ होताना दिसत आहे. त्यातच मंगळवारी सायंकाळच्या सुमारास शिरवळमध्ये धक्कादायक घटना घडली. भरदिवसा झालेल्या गोळीबाराच्या घटनेने परिसरात मोठी खळबळ उडाली आहे. दुचाकीवरून आलेल्या दोन हल्लेखोरांनी रियाज उर्फ मन्या इकबाल शेख (वय ४०) याच्यावर भर रस्त्यावर गोळीबार केला. या गोळीबारात रियाज शेख हा किरकोळ जखमी झाला असून, हल्लेखोर फरार झाले आहेत. संपूर्ण घटना सीसीटीव्हीमध्ये कैद झाली आहे.

17 Sep 2025 09:08 AM (IST)

गॅससाठी कॉलेज फीचे पैसे खर्च केल्याने मुलानेच वडिलांची केली हत्या

लातूर जिल्ह्यातील चाकूर तालुक्यातील हिंपळनेर गावातून एक धक्कादायक घटना समोर आली आहे. कॉलेजच्या फिससाठी असलेले पैसे सिलेंडरसाठी वापरले म्हणून मुलानेच वडिलांची निघून हत्या केल्याचे समोर आले आहे. सततचा पाऊस असल्याने चुलीत जाळायला लाकूड मिळालं नाही. म्हणून गॅस सिलेंडरची पैसे खर्च केले. कॉलेजची फी सिलेंडरसाठी खर्चले म्हणून मुलानेच बापाची निर्घृणपणे हत्या केली.