‘हे’ दिग्गज खेळाडू खेळले आहेत रतन टाटा यांच्या टीममधून; अनेक क्रिकेटर्सला केलेयं सहकार्य; या यादीतील नावांवर एक नजर

Ratan Tata Death News : ज्येष्ठ उद्योगपती रतन टाटा यांनी बुधवारी रात्री 'या' जगाचा निरोप घेतला. रतन टाटा यांचे वयाच्या ८६ व्या वर्षी निधन झाले. टाटा समूहाच्या अनेक कंपन्यांनी बड्या क्रिकेटपटूंना पाठिंबा दिला. टाटा समूहाने अनेक दिग्गज क्रिकेटर्सला साहाय्य करीत करिअरसाठी सहकार्य केले आहे. आज आपण या लिस्टमधील नावांवर नजर टाकणार आहोत.

Follow Us:

Follow Us:

Ratan Tata Death : देशातील प्रसिद्ध उद्योगपती रतन टाटा यांनी बुधवारी रात्री उशिरा वयाच्या ८६ व्या वर्षी अखेरचा श्वास घेतला. भारतीय उद्योगविश्वातील हे अनमोल रत्न हरपले. त्यांच्या निधनामुळे संपूर्ण देशात शोककळा पसरली आहे. त्याचबरोबर क्रिकेट जगतालाही मोठा धक्का बसला आहे. क्रिकेटचा भगवान सचिन तेंडुलकरपासून टीम इंडियाचे सध्याचे मुख्य प्रशिक्षक गौतम गंभीरपर्यंत अनेक दिग्गज खेळाडूंनी रतन टाटा यांच्या निधनावर शोक व्यक्त केला. रतन टाटा यांनी देशाच्या तसेच भारतीय क्रिकेटच्या विकासात महत्त्वाचे योगदान दिले आहे. अनेक दिग्गज खेळाडू त्यांच्या संघासाठी क्रिकेट खेळले, जे नंतर दीर्घकाळ देशासाठी खेळले.

टाटा समूहाकडून भारतीय क्रिकेपटूंना पाठिंबा

रतन टाटा यांच्या काळात टाटा समूहाच्या अनेक कंपन्यांनी अनेक भारतीय क्रिकेटपटूंना पाठिंबा दिला. यामध्ये अनेक क्रिकेटपटूंचा समावेश होता, ज्यांनी देशाला विश्वचषक जिंकून दिला. टाटा समूहाच्या अनेक कंपन्यांनी क्रिकेटपटूंना आर्थिक मदत करण्यासाठी त्यांना नोकऱ्या दिल्या. त्यामुळे क्रिकेटलाच करिअर म्हणून निवडून देशासाठी खेळू शकणारे अनेक क्रिकेटपटू होते.

मोहिंदर अमरनाथसुद्धा होते टाटा समूहाचे सदस्य

टाटा समूहाने भारताचे दिग्गज खेळाडू आणि 1983 च्या विश्वविजेत्या संघाचा एक भाग असलेल्या मोहिंदर अमरनाथ यांना खूप पाठिंबा दिला. मोहिंदर अमरनाथ यांना टाटा समूहाच्या एअर इंडियाने मोठा पाठिंबा दिला. मेहंदरला एअर इंडियाकडून पगार मिळत असे. याशिवाय फारुख इंजिनियर टाटा मोटर्ससाठी क्रिकेट खेळायचे.

या दिग्गज खेळाडूंना टाटा समूहाने केलेय सहकार्य

टाटा समूहाने संजय मांजरेकर, रॉबिन उथप्पा, जवागल श्रीनाथ, युवराज सिंग, हरभजन सिंग आणि मोहम्मद कैफ या स्टार खेळाडूंनाही पाठिंबा दिला. हे सर्व खेळाडू टाटा इकोसिस्टमचा भाग होते. टाटा स्टीलने टीम इंडियाचे विद्यमान मुख्य निवडकर्ता अजित आगरकर यांनाही खूप मदत केली. आगरकर 2007 च्या T20 चॅम्पियन संघाचा भाग होता. सध्या खेळत असलेल्या शार्दुल ठाकूरला टाटा समूहानेही खूप पाठिंबा दिला आहे. टाटा पॉवरने शार्दुलला खूप पाठिंबा दिला आहे.

Web Title: Ratan tata death these legendary players used to play cricket for ratan tatas team there are many such names in list that will surprise you

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com