Solapur Crime News: सोलापूर पोलिसांची मोठी कारवाई; बेकायदा वास्तव्य करणाऱ्या 10 बांगलादेशींना अटक

सोलापूर:  सोलापूर अक्कलकोट रोडवरील एमआयडीसी परिसरात वेगवेगळ्या कारखान्यांत काम करणाऱ्या १० बांगलादेशी घुसखोर नागरिकांना बुधवारी रात्री पोलिस व एटीएसच्या पथकाने संयुक्तिक कारवाई करत पकडले. दहा जणांची रात्री उशिरापर्यंत एमआयडीसी पोलिस ठाण्यात चौकशी सुरू होती. दोन महिन्यांपासून पाळतः एमआयडीसी परिसरात मागील सहा महिन्यांपासून बांगलादेशी नागरिक राहत असल्याची माहिती पोलिसांना मिळाली. त्यानुसार पाळत ठेवून खात्री करण्यात येत होती.

बांगलादेशी नागरिकांना पकडण्यासाठी दोन महिन्यांपासून त्याच्यावर पाळत होते. घुसखोरी करून बांगलादेशी सोलापुरात राहत असल्याने कारवाई करण्यात आले ही पहिलीच कारवाई आहे. जिल्ह्यात बार्शीत अशा प्रकारची कारवाई डिसेंबर महिन्यात करण्यात आली. ताब्यात घेतलेल्या बांगलादेशींकडे आधारकार्ड, पासपोर्ट, व्हिसा व इतर कागदपत्रे बनावट आहेत का? त्याच्या मोबाइलसह इतर माहिती पोलिसांकडून काढण्यात येत आहे.

बनावट कागदपत्रांच्या आधारे हे बांगलादेशी एमआयडीसीत एकत्र राहत होते. पण काम मात्र वेगवेगळ्या ठिकाणी करत होते. त्यापैकी काही जण टेलरिंग काम करत होते. सर्व जण कोणाच्या जागेत राहत होते, ते बांगलादेशी असतील तर पोलिसांना ते कळवले नाही, याबाबत पोलिस चौकशी करणार आहेत. याप्रकरणी परकीय नागरी कायदान्वये गुन्हा दाखल करण्यात आला.

भारतात बेकायदेशीरपणे राहणाऱ्या चार बांगलादेशींना ठोकल्या बेड्या

शिवाजीनगर पोलिसांच्या दहशतवादविरोधी पथकाला (एटीसी) मोठे यश मिळाले आहे. बनावट कागदपत्रांवर भारतात बेकायदेशीरपणे वास्तव्य करणाऱ्या चार बांगलादेशींना एटीसीने अटक केली आहे. पोलिस उपनिरीक्षक आणि एटीसी प्रमुख विक्रांत शिंदे यांनी हुसेन मोफिजुल शेख (वय २२), लिटन मोफिजुल शेख (वय २४), अन्सार अली सरदार (वय ४४), सुलेमान रहीम शेख (वय ३४) अशी चार स्थलांतरितांची ओळख पटवली.

भारतात बेकायदेशीरपणे राहणाऱ्या चार बांगलादेशींना ठोकल्या बेड्या; एटीएसची कारवाई
ओळख लपवून मुंबईच्या विविध भागात मजूर म्हणून काम करत होता, असे उपनिरीक्षक विक्रांत शिंदे यांनी सांगितले. गोवंडीतील लोटस जंक्शन येथील जलेबी दुकानासमोर चार बांगलादेशी नागरिक येत असल्याची गुप्त माहिती आम्हाला मिळाली होती. त्या आधारे, एटीसी सेलचे हवालदार निकम, शिंदे आणि पाटील यांनी सापळा रचला होता. वरिष्ठ पोलिस निरीक्षक बापूराव देशमुख यांनी म्हटले की, ‘आतापर्यंत आम्ही 80 हून अधिक लोकांची पडताळणी केली आहे. आम्हाला संशय आहे की ते बांगलादेशी आहेत आणि भारतात बेकायदेशीरपणे राहत आहेत. त्यांच्या माध्यमातून पोलिस येथे आणखी किती लोक लपले आहेत आणि त्यांना बेकायदेशीरपणे भारतात कोण आणत आहे हे शोधण्याचा प्रयत्न करत आहेत’.