महिनाभर नियमित करा केशरच्या पाण्याचे सेवन, आरोग्यासह त्वचेला सुद्धा होतील चमत्कारीत फायदे

आयुर्वेदिक गुणधर्मांनी समृद्ध असलेले केशर आरोग्यासाठी अतिशय महत्वाचे आहे. केशरच्या पाण्यात अनेक गुणधर्म आढळून येतात. महिनाभर केशरचे पाणी प्यायल्यामुळे आरोग्याला काय फायदे होतात, जाणून घेऊया सविस्तर.

महिनाभर नियमित करा केशरच्या पाण्याचे सेवन

Follow Us:

Follow Us:

किमतीने महाग असलेले केशर आरोग्यासाठी अतिशय महत्वाचे आहे. केशरचा वापर जेवणातील गोड पदार्थ किंवा दूध मिक्स करून पिण्यासाठी केला जातो. यामध्ये असलेले गुणधर्म आरोग्य, त्वचा आणि केसांसाठी प्रभावी आहे. पूर्वीच्या काळापासून केशरचा वापर औषधी गुणधर्मांसाठी केला जात आहे. भारतासह जगभरातील अनेक देशांमध्ये केशरचे उत्पादन घेतले जाते. याशिवाय जम्मू आणि काश्मीरच्या खोऱ्यात मोठ्या प्रमाणावर केशरची शेती केली जाते. याशिवाय केशरला विज्ञानामध्ये क्रोकस सॅटिव्हस असे देखील म्हणतात. केशरची किंमत इतर मसाल्यांच्या तुलनेत अतिशय महाग आहे. तरीसुद्धा अनेक लोक केशरचा दैनंदिन आहारात वापर करतात.(फोटो सौजन्य – iStock)

मधुमेह, कॅन्सरग्रस्तांना सरकारचा धक्का! सरकारी नियंत्रणातील औषधांची होणार दरवाढ? नेमकं कारण काय..

औषधी गुणधर्मांनी समृद्ध असलेले केशर अजूनही औषध म्हणून अनेक घरांमध्ये वापरतात. याशिवाय त्वचा खराब झाल्यानंतर किंवा त्वचेची गुणवत्ता सुधारण्यासाठी केशरच्या पाण्याचे सेवन करावे. हे पाणी त्वचा आतून स्वच्छ आणि निरोगी ठेवण्यासाठी मदत करते. रात्री झोपताना तुम्ही दुधात केशर टाकून पिऊ शकता. आज आम्ही तुम्हाला महिनाभर नियमित केशरचे पाणी प्यायल्यामुळे शरीराला नेमके काय फायदे होतात, याबद्दल सविस्तर माहिती सांगणार आहोत. चला तर जाणून घेऊया.

केशरच्या पाण्याचे सेवन केल्यामुळे आरोग्याला होणारे फायदे:

शरीराची रोगप्रतिकारशक्ती सुधारते:

साथीच्या आजारांमुळे किंवा बदलत्या वातावरणामुळे शरीराची कमी झालेली रोगप्रतिकारशक्ती सुधरण्यासाठी केशरचे नियमित पाणी प्यावे. यासाठी अर्धा ग्लास पाण्यात दोन काड्या केशर टाकून १ तास तसेच ठेवा. त्यानंतर केशर त्यात मिक्स झाल्यावर पाण्याचे सेवन करा. हे पाणी महिनाभर नियमित प्यायल्यास शरीराची पचनक्रिया सुधारेल आणि शरीराला अनेक फायदे होतील. केशरमध्ये असलेले अँटीऑक्सिडंट्स शरीराची वाढतात. यामुळे सर्दी खोकला आणि इतर आजारांपासून शरीराचा बचाव होतो.

त्वचा सुंदर होते:

सुंदर आणि चमकदार त्वचेसाठी केशरच्या पाण्याचे सेवन करावे. या पाण्याच्या सेवनामुळे त्वचेचा रंग बदलतो, त्वचेवरील पिंपल्स आणि मुरुमांचे डाग निघून जातात. याशिवाय यामध्ये अँटीऑक्सिडंट्स आणि अँटी-इंफ्लेमेटरी गुणधर्म आढळून येतात, जे त्वचेची गुणवत्ता सुधारतात. डागविरहित त्वचेसाठी केशरच्या पाण्याचे सेवन करावे.

हार्ट अटॅक आणि वाढत्या कोलेस्ट्रॉलपासून सुटका मिळवण्यासाठी नियमित करा ‘या’ पाण्याचे सेवन, स्ट्रोकची चिंता होईल कायमची दूर

पचनक्रिया निरोगी राहते:

पचनसंबंधित समस्या असलेल्या लोकांनी केशरच्या पाण्याचे सेवन करावे. यामध्ये असलेले गुणधर्म शरीर स्वच्छ करतात आणि शरीरात साचून राहिलेले विषारी घटक बाहेर काढून टाकतात. बद्धकोष्ठता, गॅस आणि अपचनाच्या समस्येपासून आराम मिळवण्यासाठी केशरचे पाणी प्यावे. पोटात वाढलेली जळजळ आणि पित्ताची समस्या दूर करण्यासाठी केशरचे पाणी प्यावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

Web Title: Consume saffron water regularly for a month it will have miraculous benefits for your health as well as your skin

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com