Amrutsari Chole : जेवणात काहीतरी झणझणीत खायचंय? मग पंजाबी स्टाईलमध्ये बनवा ‘अमृतसरी छोले’, घरातील सर्वांनाच आवडेल चव

Recipe : मसालेदार अमृतसरी छोले चपाती, भाकरी, कुलचे, भात अशा सर्वांसोबतच चवीला फार अप्रतिम लागतात. पंजाबची ही फेमस भाजी तुम्ही घरीही सहज तयार करु शकता. चला रेसिपी नोट करुन घेऊयात.

(फोटो सौजन्य: Youtube)

Follow Us:

Follow Us:

• अमृतसरी छोल्यांची ख्याती देशभर प्रसिद्ध आहे.
• हे मसालेदार छोले तुम्ही घरीही तयार करु शकता.
• चला याची रेसिपी जाणून घेऊया.

Recipe : लहान मुलं हट्ट करतायेत? मग विकत नाही, घरीच बनवा देसी स्टाईल ‘व्हेज बर्गर’

साहित्य

• २ कप काबुली चणे (रात्रभर भिजवलेले)
• २ कांदे बारीक चिरलेले
• २ टोमॅटोची प्युरी
• १ टेबलस्पून आलं-लसूण पेस्ट
• २ हिरव्या मिरच्या चिरलेल्या
• १ टीस्पून जिरे
• १ तमालपत्र
• १ दालचिनीचा तुकडा
• २ लवंगा
• १ काळी वेलची
• १ टीस्पून धणेपूड
• १ टीस्पून जिरेपूड
• १ टीस्पून लाल तिखट
• ½ टीस्पून हळद
• १ टीस्पून गरम मसाला
• १ टीस्पून अमचूर पावडर
• १ टीस्पून कसुरी मेथी
• २ टीस्पून छोले मसाला
• २ टी-बॅग किंवा १ टेबलस्पून चहा पावडर (कापडात बांधलेली)
• मीठ चवीनुसार
• ३ टेबलस्पून तेल
• कोथिंबीर सजावटीसाठी

कृती

• भिजवलेले चणे कुकरमध्ये मीठ आणि चहाची टी-बॅग किंवा चहा पावडरचे गाठोडे घालून मऊ होईपर्यंत शिजवा. शिजल्यावर चहा काढून टाका.
• कढईत तेल गरम करून त्यात जिरे, तमालपत्र, दालचिनी, लवंगा आणि काळी वेलची घालून काही सेकंद परता.
• आता चिरलेला कांदा घालून सोनेरी रंग येईपर्यंत परता. त्यानंतर आलं-लसूण पेस्ट आणि हिरव्या मिरच्या घालून कच्चा वास जाईपर्यंत शिजवा.
• टोमॅटो प्युरी घालून चांगली परता. त्यात हळद, लाल तिखट, धणेपूड, जिरेपूड, छोले मसाला, गरम मसाला आणि अमचूर पावडर घालून तेल सुटेपर्यंत शिजवा.
• शिजवलेले चणे आणि आवश्यकतेनुसार त्यांचे पाणी घालून सर्व मिश्रण एकजीव करा. मंद आचेवर १०–१५ मिनिटे उकळू द्या, त्यामुळे मसाले चांगले मुरतात.
• कसुरी मेथी हाताने चुरून घाला. चवीनुसार मीठ तपासा आणि आणखी २–३ मिनिटे शिजवा.
• बारीक चिरलेल्या कोथिंबिरीने सजवून गरमागरम अमृतसरी छोले भटुरे, कुलचे, पुरी किंवा फुलक्यासोबत सर्व्ह करा.

Web Title: Craving something spicy and flavorful then make punjabi style amrutsari chole

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com