अस्वस्थ मनावर नियंत्रण मिळवण्यासाठी नियमित करा ‘हे’ प्राणायाम, हायपरटेंशनची समस्या होईल कायमची दूर

शरीरात वाढलेले मानसिक तणाव आरोग्यासाठी अतिशय घातक आहे. त्यामुळे नियमित अनुविलोम विलोम प्राणायाम करावे. हे प्राणायाम नियमित केल्यास शरीराला अनेक फायदे होतात. याशिवाय शरीरात सकारात्मक ऊर्जा निर्माण होतो.

अस्वस्थ मनावर नियंत्रण मिळवण्यासाठी नियमित करा 'हे' प्राणायाम

Follow Us:

Follow Us:

बिघडलेली जीवनशैली, कामाचा वाढलेला तणाव, आहारात सतत होणारे बदल, अपुरी झोप, पोषक घटकांची कमतरता इत्यादी अनेक गोष्टींचा परिणाम आरोग्यावर लगेच दिसून येतो. याशिवाय शरीरात वाढलेला मानसिक तणाव आरोग्यासाठी अतिशय घातक आहे. यामुळे शरीराला हानी पोहचण्याची शक्यता असते. मानसिक तणाव वाढल्यानंतर मन अस्वस्थ होणे, काम करण्याची इच्छा न होणे, वारंवार डोकं दुखणे, सतत चिडचिड इत्यादी अनेक समस्या उद्भवू लागतात. अशावेळी नियमित सकाळी उठल्यानंतर अनुलोम विलोम प्राणायाम करावे. सकाळी उठल्यानंतर नियमित प्राणायाम केल्यामुळे शरीरात सकारात्मक बदल दिसून येतात. श्वासावर नियंत्रण मिळवण्यासाठी अनुलोम विलोम प्राणायाम नियमित करावे. हे प्राणायाम तुम्ही कोणत्याही वेळी करू शकता.(फोटो सौजन्य – iStock)

शरीरावर जमा झालेली अतिरिक्त चरबी झपाट्याने वितळवण्यासाठी नियमित करा ‘या’ पेयांचे सेवन,चरबीचा थर होईल कमी

अनुलोम विलोम प्राणायाम म्हणजे अनुलोम म्हणजे उजवी नाकपुडी, विलोम म्हणजे डावी नाकपुडी आणि प्राणायाम म्हणजे श्वास घेणे असा याचा अर्थ होतो. हे प्राणायाम करताना उजव्या आणि डाव्या नाकपुडीतून श्वास घ्यावा, त्यानंतर हळुवार श्वास सोडावा. अनुलोम विलोम प्राणायाम नियमित केल्यास शरीराचे शुद्धीकरण होते. यामुळे शरीरात अनेक बदल दिसून येतात. नाडी शोधन प्राणायाम केल्यामुळे शरीरातील नाड्या शुद्ध होण्यास मदत होते. आज आम्ही तुम्हाला अनुलोम विलोम प्राणायाम नियमित केल्यामुळे शरीराला नेमके काय फायदे होतात, याबद्दल सविस्तर माहिती सांगणार आहोत. यामुळे शरीराच्या कार्यात बदल दिसून येतील.

का करावे अनुलोम विलोम प्राणायाम:

सकाळी उठल्यानंतर शरीरात सकारात्मक ऊर्जा वाढवण्यासाठी नियमित अनुलोम विलोम प्राणायाम करावे. शरीरात वाढलेला तणाव, बिघडलेली जीवनशैली, मानसिक तणाव इत्यादी अनेक गोष्टींचा नकारात्मक परिणाम शरीरावर लगेच दिसून येतो. त्यामुळे शारीरिक दृष्ट्या शरीर सक्रिय ठेवण्यासाठी नियमित व्यायाम, प्राणायाम, ध्यान करावे. शरीरात साचून राहिलेल्या विषारी घटकांमुळे शरीराच्या ऊर्जा वाहिन्या ब्लॉक होऊन जातात. ज्यामुळे वारंवार थकवा, आळस जाणवू लागतो. अशावेळी नियमित अनुलोम विलोम प्राणायाम केल्यास शरीरातील संपूर्ण थकवा आणि अशक्तपणा निघून जाईल. ब्लॉक झालेल्या रक्तवाहिन्या उघडण्यास मदत होईल.

अनुलोम विलोम प्राणायाम करण्याचे फायदे:

• सकाळी उठल्यानंतर नियमित अनुलोम विलोम प्राणायाम केल्यामुळे शरीरातील विषारी घाण बाहेर पडून जाते आणि रक्त शुद्ध होण्यास मदत होते.
• शरीराचे रक्तभिसरण सुधारण्यासाठी प्राणायाम करावे.
• श्वसनसंस्था मजबूत आणि निरोगी ठेवण्यासाठी प्राणायाम करणे उत्तम पर्याय आहे.

दुर्मिळ अस्थिसंसर्गाचे अखेर निदान, थॅलसेमियाच्या रुग्णाच्या हालचाली पूर्ववत होण्यास मदत

अनुलोम विलोम प्राणायाम करताना कोणती काळजी घ्यावी:

• अनुलोम विलोम किंवा कोणतेही प्राणायाम करताना ते रिकाम्या पोटी करावे. यामुळे शरीरात विषारी घटक बाहेर पडून जाण्यास मदत होते.
• अनुलोम विलोम करताना जमेल तितका वेळ श्वास रोखून धरावा.
• दम्यासारख्या गंभीर आजाराने त्रस्त असलेल्या लोकांनी अनुलोम विलोम प्राणायाम करू नये.
• हृदयरोग किंवा हृद्यासंबंधित इतर कोणत्याही समस्येने त्रस्त असलेल्या लोकांनी प्राणायाम करू नये.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

Web Title: Do this pranayama regularly to control the restless mind benefits of doing anulom vilom pranayama

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com