पावसाळ्यातील केस कोरडे आणि निस्तेज होतात? मग जास्वंदीच्या फुलांपासून घरीच तयार करा हेअर मास्क, केस होतील मऊ

केस कोरडे आणि निस्तेज झाल्यानंतर वारंवार तुटू लागतात. अशावेळी तुम्ही जास्वंदीच्या फुलांचा हेअर मास्क बनवून केसांवर लावू शकता. यामुळे तुमचे केस अतिशय सुंदर आणि चमकदार दिसू लागतील. तसेच केसांची गुणवत्ता सुधारेल.

पावसाळ्यातील केस कोरडे आणि निस्तेज होतात? मग जास्वंदीच्या फुलांपासून घरीच तयार करा हेअर मास्क

Follow Us:

Follow Us:

राज्यासह संपूर्ण देशभरात मुसळधार पावसाला सुरुवात झाली आहे. पाऊस पडण्यास सुरुवात झाल्यानंतर सगळीकडे वातावरणात थंडावा निर्माण होतो. मात्र या दिवसांमध्ये त्वचा आणि केसांसंबधित अनेक समस्या उद्भवू लागतात. त्वचा अतिशय तेलकट आणि चिकट होऊन जाते, तर केस पूर्णपणे कोरडे आणि निस्तेज होतात. केसांची काळजी घेण्यासाठी महिला बाजारात उपलब्ध असलेले वेगवेगळे शॅम्पू, हेअर मास्क, हेअरन केअर प्रॉडक्ट इत्यादी अनेक गोष्टींचा वापर करतात. मात्र तरीसुद्धा केसांची खराब झालेली गुणवत्ता सुधारत नाही. केसांची खराब झालेली गुणवत्ता सुधारण्यासाठी कोणत्याही केमिकलयुक्त प्रॉडक्टचा वापर करण्याऐवजी घरगुती पदार्थांचा वापर करून केसांची खराब झालेली गुणवत्ता सुधारावी.(फोटो सौजन्य – pinterest)

लग्नात केस सुंदर दिसण्यासाठी दीपिका पदुकोणने वापरला होता ‘हा’ घरगुती पदार्थांपासून बनवलेला स्प्रे, केसांना मिळेल भरपूर पोषण

वातावरणात सतत होणाऱ्या बदलांमुळे केस अतिशय कोरडे आणि निस्तेज होऊन जातात. अचानक केस तुटणे, सतत केस गळणे, केसांमध्ये कोंडा होणे इत्यादी अनेक गंभीर समस्या उद्भवण्याची शक्यता असते. केस कोरडे झाल्यानंतर केसांमध्ये अधिक गुंता वाढू लागतो, ज्यामुळे केस विचरतांना वारंवार तुटू लागतात. म्हणूनच आज आम्ही तुम्हाला केसांमधील कोरडेपणा कमी करण्यासाठी जास्वंदीच्या फुलांचा हेअर मास्क तयार करण्याची सोपी कृती सांगणार आहोत. या पद्धतीने तयार केलेला हेअर मास्क केसांसाठी अतिशय प्रभावी ठरेल.

हेअर मास्क तयार करण्याची रेसिपी:

साहित्य:

• जास्वंदीची फुले
• जास्वदींची पाने
• कोरफड जेल
• बदाम किंवा नारळाचे तेल
• दही

कृती:

• जास्वंदीचा हेअरमास्क तयार करण्यासाठी, जास्वंदीची पाने आणि फुले पाण्याने स्वच्छ धुवून घ्या.
• मिक्सरच्या भांड्यात जास्वंदीची पाने आणि फुले बारीक वाटून पेस्ट तयार करा. तयार केलेली पेस्ट वाटीमध्ये काढून घ्या.
• त्यानंतर त्यात कोरफड जेल आणि नारळाचे तेल टाकून व्यवस्थित मिक्स करून घ्या.
• सगळ्यात शेवटी तयार केलेल्या मिश्रणात दही टाकून पुन्हा एकदा मिक्स करा. तयार करून घेतलेला जास्वदींचा हेअरमास्क केसांच्या
• मुळांपासून ते अगदी टोकांपर्यंत लावून ठेवा. त्यानंतर पाण्याने केस स्वच्छ धुवून घ्या.

Hair Care Tips : केसांसाठी नैसर्गिक टॉनिक; एक चमचा बडिशेपचा ‘असा’ करा वापर

पावसाळ्यात हेअर मास्क वापरण्याचे फायदे:

जास्वंदीची पाने आणि फुले केसांसाठी अतिशय महत्वाची आहेत. यामुळे केसांना योग्य पोषण मिळते. त्यामुळे जास्वंदीच्या पानांचा आणि फुलांचा वापर केसांच्या वाढीसाठी करावा. कोरफड जेल केस आतून स्वच्छ करण्यासाठी मदत करतात. यामुळे तुमचे केस मॉइश्चराइज होऊ मऊ आणि चमकदार दिसू लागतील. खोबऱ्याच्या तेलात असलेल्या गुणधर्मांमुळे केसांची वाढ निरोगी होते. केसांमधील कोंडा कमी करण्यासाठी दह्याचा वापर करावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

Web Title: Does monsoon hair get dry and dull then prepare a hair mask from hibiscus flowers at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com