Shrikhand Recipe: गुढीपाडव्याला घरीच बनवा थंडगार अन् चविष्ट श्रीखंड; नोट करा सोपी रेसिपी

Shrikhand Recipe: हिंदू नववर्षाचा आरंभ म्हणजे गुढीपाडवा. सणाची सुरुवात करा गोडाने, घरी बनवा गोड थंडगार श्रीखंड. तुम्ही सोप्या पद्धतीने घरीच बाजारासारखा चविष्ट श्रीखंड तयार करू शकता आणि तेही कमी वेळेत.

(फोटो सौजन्य: Pinterest)

Follow Us:

Follow Us:

गुढीपाडवाचा सण आता अवघ्या काही दिवसांवर आला आहे. महाराष्ट्रात हा सण मोठ्या थाटामाटात साजरा केला जातो. हा नववर्षाची सुरुवात करणारा वसंतोत्सव आहे. हिंदू कॅलेंडरनुसार, गुढीपाडवा हा चैत्र महिन्याच्या पहिल्या दिवशी साजरा केला जातो, जो वसंत ऋतूच्या आगमनाचे संकेत देतो, तसेच, महाराष्ट्रीयन आणि कोकणी हिंदूंसाठी नवीन वर्षाची सुरुवात देखील करतो. या सणानिमित्त घरी अनेक चवदार पदार्थांची मेजवानी ठेवली जाते.

या सणानिमित्त आज आम्ही तुमच्यासोबत एक चविष्ट रेसिपी शेअर करत आहोत. ही रेसिपी म्हणजे श्रीखंड. सणानिमित्त तुम्ही घरी श्रीखंड पुरीचा बेत आखू शकता आणि घरीच हा चविष्ट पदार्थ तयार करू शकता. श्रीखंड हे चवीला थंडगार आणि गोड असतं. अधिकतर वेळी हे श्रीखंड आपण बाजारातून विकत आणतो मात्र तुम्ही हा पदार्थ घरीदेखील तयार करू शकता. श्रीखंड फार सोप्या पद्धतीने घरीच तयार केले जाऊ शकते. चला यासाठी लागणारे साहित्य आणि कृती जाणून घेऊया.

बटाट्याऐवजी, यावेळी बेसन-रव्यापासून बनवा कुरकुरीत टिक्की, लगेच नोट करा रेसिपी

साहित्य

• दही
• अर्धा किलो दह्याचा चक्का
• वेलची पावडर
• किसलेले जायफळ
• 150 ग्रॅम पिठी साखर
• केशर
• बदाम
• पिस्ता
• चारोळी
• काजू

कडक उन्हाळ्यात ताक ठरेल शरीरासाठी संजीवनी! पोटाला थंडावा देण्यासाठी घरी बनवा सोप्या पद्धतीमध्ये मसालेदार ताक

कृती

• सर्वप्रथम दही एका कापडात बांधा आणि दह्यातील सर्व अतिरिक्त पाणी काढून टाका
• साधारण रात्री दही कापडात घट्ट बांधा आणि सकाळी उघडा
• स्वच्छ आणि सुती कापडामध्ये हे दही बांधल्यास चक्का अजिबात आंबट होत नाही हे लक्षात ठेवा
• आता एका भांड्यात हा चक्क काढा आणि त्यात पिठीसाखर घालून मिक्स करा
• पिठी साखर व्यवस्थित विरघळेपर्यंत फेटून घ्या
• आता यात वेलची पावडर, जायफळ पावडर आणि केशर घालून फेटून घ्या
• आता यात चिरलेले बदाम, पिस्ता, चारोळी, काजू घाला आणि मिक्स करा
• अशाप्रकारे तुमचे श्रीखंड तयार होईल, तयार श्रीखंड फ्रिजमध्ये सेट होण्यासाठी ठेवा
• शेवटी तयार थंडगार श्रीखंड एका वाटीत टाका आणि गरमा गरम पुऱ्यांसह खाण्यासाठी सर्व्ह कर

Web Title: Gudhi padwa 2025 make tasty market style shrikhand at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com