PM मोदींचा सल्ला! नाश्त्यात करा ‘या’ हेल्दी पदार्थाचा समावेश, जाणून घ्या रेसिपी

सकाळचा नाश्ता आपल्या आरोग्यासाठी फार फायद्याचा मानला जातो. तूम्हीही हेल्दी नाश्त्याच्या शोधात असाल तर आजच देशाचे पंतप्रधान नरेंद्र मोदींनी शेअर केलेली ही नाश्त्याची रेसिपी एकदा नक्की फॉलो करा. अवघ्या कमी वेळेत तयार होणारी ही रेसिपी चवीला अप्रतिम लागते.

Follow Us:

Follow Us:

सकाळचा नाश्ता आपल्या निरोगी आरोग्यासाठी फार महत्त्वपूर्ण जबाबदारी बजावत असतो. सकाळचा नाश्ता कधीही चुकवू नये, हा आपल्याला दिवसभर एनर्जी देण्यास मदत करत असतो. बाहेरच्या अन्नपदार्थांमुळे अनेकांनी आपल्या हेल्थ खराब करून घेतली आहे. आपल्या देशाचे पंतप्रधान नरेंद्र मोदी जसे या वयातही फिट आहेत, त्यामागचे सर्वात मोठे कारण म्हणजे त्यांचा उत्कृष्ट आहार.

तुम्हालाही जर फिट राहायचे असेल आणि लठ्ठपणाच्या समस्येपासून दूर राहायचे असेल तर मोदींची ही रेसिपी एकदा नक्की ट्राय करा. मोदींनी या आधीही आपल्या आहाराबाबत अनेकदा भाष्य केले आहे. यावेळी त्यांनी नाश्त्याची एक रेसिपी सर्वांसोबत शेअर केली आहे. आम्ही ज्या रेसिपीविषयी बोलत आहोत त्या रेसिपीचे नाव आहे नाचणी डोसा. हा डोसा चवीबरोबरच आरोग्यासाठीही फार फायद्याचा ठरतो. जाणून घ्या यासाठी लागणारे साहित्य आणि कृती.

साहित्य

• मूग डाळ – भिजवलेली
• नाचणीचे पीठ – भिजवलेले
• तांदळाचे पीठ
• चवीनुसार मीठ
• आवश्यकतेनुसार यीस्ट
• तेल किंवा बटर

कृती

• नाचणीचा डोसा तयार करण्यासाठी सर्वप्रथम नाचणी आणि मूग डाळ रात्रीच वेगवेगळी भिजत ठेवा
• यानंतर सकाळी ही नाचणी आणि मूग डाळ वेगवेगळी मिक्सरमध्ये बारीक करून घ्या
• आता हे दोन्ही मिश्रण एका वाडग्यात काढून घ्या
• यांनतर यात तांदळाचे पीठ, मीठ आणि यीस्ट घाला आणि सर्व साहित्य नीट एकजीव करून घ्या
• नंतर यात गरजेपुरते पाणी घालून डोसाप्रमाणे याचे बॅटर तयार करा
• आता यावर झाकण ठेवून अर्धा तास हे मिश्रण बाजूला ठेवून द्या
• अर्ध्या तासानंतर तुम्ही याचे डोसे तयार करू शकता
• यासाठी गॅसवर एक पॅन ठेवा
• पॅन गरम झाला की यात तेल किंवा बटर टाका
• आता तयार पीठ पॅनवर टाकून याचा डोसा तयार करा
• काही मिनिटांनी हा डोसा पलटा आणि पुन्हा याची दुसरी बाजू काही मिनिटे नीट शिजवून घ्या
• दोन्ही बाजूंनी डोसा छान शिजला की याला एक प्लेटीत काढून घ्या
• अशाप्रकारे बाकीचे सर्व डोसे तयार करून घ्या
• तयार डोसे नारळाच्या चटणीसोबत किंवा सांबारासोबत खाण्यासाठी सर्व्ह करा

Web Title: Know which healthy food prime minister narendra modi suggests

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com