विकेंडची मजा द्विगुणित करा, घरी बनवा टेस्टी Pahado Wali Maggi; चव चाखताच मन खुश होईल

पहाड़ों वाल्या मॅगीचं नाव तर तुम्ही अनेकदा ऐकलं असेल. आता ही मॅगी खाण्यासाठी तुम्हाला कुठेही जाण्याची गरज नाही तुम्ही घरीच चवदार अशी पहाड़ों वाली मॅगी तयार करू शकता. याची चव तुमच्या सर्व क्रेविंग्सना संतुष्ट करेल.

(फोटो सौजन्य – Pinterest)

Follow Us:

Follow Us:

मॅगी हा अनेकांच्या आवडीचा पदार्थ आहे. विशेष करून लहान मुलांना तर याची चव फारच आवडते. वर्षानुवर्षे चर्चेत असलेली मॅगी आजही लोकांच्या मनात तितकीच रुतून बसली आहे. पाऊस असो, थंडी असो कोणत्याही ऋतूत लोकांची याची चव तितकीच आवडते आणि लोक मनमुरादपणे तिचा आनंदही लुटतात. आता २ मिनिटांची मॅगी जरी झटपट बनत असली तरी अनेक वेगवेगळ्या प्रकारे तिला बनवतात आणि मॅगीचा आनंद लुटतात.

दिवसाची सुरुवात करा स्पेशल पदार्थांने! सकाळच्या नाश्त्यात बनवा थंडगार काकडीचे बनवा चटपटीत सँडविच, नोट करून घ्या रेसिपी

यातीलच एक लोकप्रिय मॅगी म्हणजे ‘पहाड़ों वाली मॅगी’. तुम्ही अनेकदा याचे नाव ऐकले असेल. आता मुळातच ही मॅगी काय आहे तर… अधिकतर डोंगराळ भागात हवामान फार थंड असते ज्यामुळे गरमा गरम पदार्थ आणखीन चवदार लागतात. अनेक डोंगराळ भागात लोक मॅगी फार आवडीने खातात. असे म्हणतात की, डोंगरांच्या थंड वातावरणात मॅगीची चव आणखीनच बहारदार लागते. आज आपण पहाड़ों वालीच चवदार मॅगी घरी कशी बनवायची ते जाणून घेणार आहोत. याने नक्कीच तुम्हाला तुम्ही कोणत्या तरी पर्वतीय भागात फिरायला गेल्याचा फील येईल. चला तर मग जाणून घेऊया यासाठी लागणारे साहित्य आणि कृती.

उन्हाळ्यात लहान मुलांसाठी घरी बनवा थंडगार गुलाब कुल्फी, अवघ्या काही मिनिटांतच होईल तयार

साहित्य

• मॅगी – ४ पॅकेट
• पाणी – ३.५ ते ४ कप
• बटर – २ टेबलस्पून
• कांदा – १ मध्यम आकार (बारीक चिरलेला)
• टोमॅटो – १ (बारीक चिरलेला)
• शिमला मिरची – १ लहान (बारीक चिरलेला)
• हिरवी मिरची – १ (बारीक चिरलेली)
• आले – १ टीस्पून (किसलेले)
• मीठ – चवीनुसार
• काळी मिरी – १/४ टीस्पून
• मॅगी मॅजिक मसाला- 1 पॅकेट
• ताजी कोथिंबीर
• चीज – किसलेले

कृती

• यासाठी सर्वप्रथम एका पॅनमध्ये बटर घालून ते गरम करा. त्यात आले आणि हिरवी मिरची घाला आणि हलके परतून घ्या
• आता कांदा, टोमॅटो, सिमला मिरची घाला आणि भाज्या थोड्या मऊ होईपर्यंत २ ते ३ मिनिटे परतून घ्या
• आता मीठ, काळी मिरी आणि मॅगी मॅजिक मसाला घाला आणि मिक्स करा
• यानंतर, आवश्यकतेनुसार पाणी घाला आणि ते उकळू द्या
• पाणी उकळू लागले की त्यात मॅगी आणि त्यासोबत येणारा मसाला घाला आणि चांगले मिसळा
• यांनतर मॅगीला काहीवेळ चांगले शिजवा
• शेवटी मॅगीवर किसलेले चीज आणि कोथिंबीर घाला आणि गॅस बंद करा
• तुमची गरमा गरम पहाड़ों वाली मॅगी तयार आहे, एका प्लेटमध्ये मॅगीला खाण्यासाठी सर्व्ह करा आणि याचा आनंद लुटा

Web Title: Make delicious pahado wali maggi at home it will satisfy all your cravings recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com