थंडीत नाश्त्याला झटपट बनवा Mix Vegetable Kabab, लहान मुलेही आवडीने खातील

पौष्टिक पदार्थाने करा सकाळच्या नाश्त्याची सुरुवात, लहान मुलेही आवडीने खातील भाज्या! फक्त घरी बनवा हा टेस्टी नाश्ता. ही रेसिपी फार कमी वेळेत तयार होते शिवाय यासाठी अधिक साहित्याचीही आवश्यकता भासत नाही.

थंडीत नाश्त्याला झटपट बनवा Mix Vegetable Kabab, लहान मुलेही आवडीने खातील

Follow Us:

Follow Us:

सध्या हिवाळ्याचा ऋतू सुरु आहे, या ऋतूत बाजारात अनेक प्रकारच्या भाज्या विक्रीसाठी येत असतात. भाज्या आपल्या आरोग्यासाठी फार फायद्याच्या ठरतात ज्यामुळे यांचे आवर्जून सेवन करायला हवे. त्यातही थंडीत भाज्यांच्या किमती फार कमी होतात ज्यामुळे कमी कमी पैशांत तुम्ही तुमच्या आरोग्याची काळजी घेऊ शकता. भाज्या म्हटलं की, घरातील लहान मुले बहुतेकदा नाक मुरडत असतात. तुमचीही मुले भाज्या खाण्यास नको नको करत असतील तर आजची ही रेसिपी एकदा नक्की ट्राय करून पहा.

आज आम्ही तुम्हाला व्हेजिटेबल कबाबची एक सोपी आणि टेस्टी रेसिपी सांगत आहोत. हा एक नाश्ताचा प्रकार आहे जो तुम्ही घरी सहज बनवू शकता आणि लहानांपासून मोठ्यांपर्यंत सर्वांनाच आवडतो. हे केवळ स्वादिष्टच नाही तर भरपूर पोषक देखील आहे. त्यात तुम्ही तुमच्या आवडीनुसार वेगवेगळ्या प्रकारच्या भाज्या टाकू शकता. चला जाणून घेऊयात यासाठी लागणारे साहित्य आणि कृती.

नेपाळी स्टाईलमध्ये घरी बनवा चटाकेदर तिळाची चटणी, 10 मिनिटांतच तयार होते रेसिपी; आरोग्यासाठीही फायदेशीर

साहित्य

• बटाटे (उकडलेले आणि मॅश केलेले) – 2 मध्यम आकाराचे
• गाजर (किसलेले) – 1 मध्यम आकाराचे
• मटार (उकडलेले) – 1/2 कप
• कांदा (बारीक चिरलेला) – 1
• हिरवी मिरची (बारीक चिरलेली) – 1-2
• आले-लसूण पेस्ट – 1 टीस्पून
• कोथिंबीरची पाने (बारीक चिरलेली) – 1/2 कप
• कसुरी मेथी – 1/2 टीस्पून
• गरम मसाला – 1/2टीस्पून
• लाल मिरची पावडर – 1/4 टीस्पून
• धनिया पावडर – 1 टीस्पून
• हल्दी पावडर – 1/4 टीस्पून
• मीठ – चवीनुसार
• ब्रेडचे तुकडे – 1 कप
• तेल – तळण्यासाठी

Recipe: या विकेंडला घरी ट्राय करा ढाबा स्टाईल ‘तंदूरी पराठा’, कधीही विसरणार नाही याची चव

कृती

• मिक्स व्हेजिटेबल कबाब बनवण्यासाठी सर्वप्रथम बटाटे कुकरमध्ये उकडून घ्या
• यानंतर हे उकडलेले बटाटे व्यवस्थित मॅश करा
• आता गाजर किसून घ्या आणि मटार उकडून घ्या
• कांदा आणि हिरवी मिरची बारीक चिरून घ्या. कोथिंबीरही बारीक चिरून घ्यावी
• एका मोठ्या भांड्यात मॅश केलेले बटाटे, किसलेले गाजर, उकडलेले मटार, बारीक चिरलेले कांदे आणि हिरवी मिरची, आले-लसूण पेस्ट, कोथिंबीर, कसुरी मेथी, गरम मसाला, लाल मिरची पावडर, धने पावडर, हळद आणि अधिक मीठ घाला चांगले मिसळा
• मिश्रणाचे छोटे गोळे बनवा आणि हे गोळे ब्रेड क्रंबमध्ये कोट करा
• आता गॅसवर एक कढई ठेवून यात तेल गरम करून घ्या
• तेल गरम झाले की मध्यम आचेवर हे कबाब सोनेरी होईपर्यंत तळून घ्या
• अशाप्रकारे तुमचे स्वादिष्ट मिक्स व्हेजिटेबल कबाब तयार होतील
• टोमॅटो सॉस किंवा हिरव्या चटणीसोबत गरमागरम हे कबाब खाण्यासाठी सर्व्ह करा

Web Title: Make tasty mix vegetable kabab at home very quick and healthy recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com