नागपूरची फेमस ‘सांबरवडी’ खाल्ली आहे का? नाही तर मग या पारंपरिक पदार्थाची घरीच तयार करा मेजवानी

Sambar Vadi Recipe : आतमध्ये मसालेदार सारण आणि बाहेरील कुरकुरीत-खुसखुशीत आवरण असलेली सांबरवडी नागपूरची शान आहे! हा एक प्रकारचा देसी स्प्रिंग रोल आहे ज्यात पारंपरिक चव दडलेली असते.

(फोटो सौजन्य: Youtube)

Follow Us:

Follow Us:

• सांबरवडी ही नागपूरची फेमस आणि पारंपारिक डिश आहे
• याची चव मसाल्यांनी भरपूर आणि कुरकुरीत लागते
• फास्ट फूडच्या जगात या पारंपारिक पदार्थाची चव तुम्हाला सुख देऊन जाईल

विकेंड स्पेशल! यंदा घरी ट्राय करा मंगलोरियन स्टाईल ‘प्राॅन्स घी रोस्ट’; मसालेदार आणि सुगंधित चव मनाला करेल खुश

साहित्य

भरावासाठी साहित्य:

• किसलेले नारळ – एक वाटी
• किसलेले कांदे – एक वाटी
• बारीक चिरलेली कोथिंबीर – अर्धी वाटी
• खोबरं आणि शेंगदाणे कुट – दोन टेबलस्पून
• आलं–लसूण पेस्ट – एक चमचा
• तिखट – एक चमचा
• धने-जिरे पूड – एक चमचा
• गरम मसाला – अर्धा चमचा
• मीठ – चवीनुसार
• थोडासा लिंबूरस किंवा आमचूर

• बेसन – दोन वाट्या
• तांदळाचं पीठ – अर्धी वाटी
• मीठ – चवीनुसार
• थोडं हळद आणि अजवाइन
• पाणी – गरजेनुसार
• तळण्यासाठी तेल

कृती

• यासाठी सर्वप्रथम एका पॅनमध्ये थोडं तेल गरम करून त्यात कांदे परतून घ्यावेत. कांदे सोनेरी झाले की त्यात आलं–लसूण पेस्ट, तिखट, धने-जिरे पूड, गरम मसाला आणि मीठ टाकून नीट परतावं.
• नंतर त्यात किसलेलं नारळ, खोबरं-शेंगदाणे कुट, कोथिंबीर आणि थोडा लिंबूरस घालून मिश्रण तयार करावं. हे मिश्रण थंड झाल्यावर बाजूला ठेवावं.
• दुसऱ्या भांड्यात बेसन, तांदळाचं पीठ, मीठ, हळद आणि अजवाइन घालून पाणी टाकत घट्ट पिठाचं मिश्रण तयार करावं.
• आता या पिठाचे लहान गोळे करून त्यात एकेक चमचा भराव भरून वडीसारख्या आकारात तयार कराव्यात.
• कढईत तेल गरम करून या वड्या मध्यम आचेवर सोनेरी आणि कुरकुरीत होईपर्यंत तळून घ्याव्यात.
• गरमागरम सांबरवडी पुदिन्याच्या चटणी, चिंचेच्या चटणी किंवा टोमॅटो सॉसबरोबर सर्व्ह करा. बाहेरून
• गरमागरम सांबरवडी पुदिन्याच्या चटणी, चिंचेच्या चटणी किंवा टोमॅटो सॉसबरोबर सर्व्ह करा. खुसखुशीत आणि आतून मसालेदार असा तिचा स्वाद एकदा खाल्ल्यावर पुन्हा पुन्हा आठवेल.

Web Title: Have you tried nagpur famous sambar vadi know the recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com