टक्कल पडण्यापूर्वीच केसांना लावा हे घरगुती तेल, नवीन केस उगवण्यासाठी मनप्रीत कौरने शेअर केला देसी जुगाड

Hairfall Home Remedy : केसगळती एक सामान्य समस्या असली तरी यावर वेळीच उपाय केला नाहीतर टक्कल पडण्याची शक्यता असते. महागडे रासायनिक प्रोडक्ट्स नाही तर घरीच सोपा उपाय करून तुम्ही केसांच्या समस्येला दूर पळवून लावू शकता.

(फोटो सौजन्य: Instagram)

Follow Us:

Follow Us:

• केसगळतीच्या समस्येवर घरगुती उपाय.
• रासायनिक प्रोडक्ट्स केसांना डॅमेज करतात.
• घरीच नैसर्गिक घटकांचा वापर करून केलेला उपाय केसांना आतून पोषण मिळवून देतो.

वजन कमी करायचं तर रोज चमचाभर ‘या’ 20 रुपयांच्या बियांचे सेवन करा, शरीरात साचलेली हट्टी चरबी दुप्पट वेगाने वितळून जाईल

केसगळती थांबवण्यासाठी अनेकजण बाजारातील रासायनिक पदार्थांचा वापर करतात खरं पण यातील केमिकलयुक्त पदार्थ आपल्या केसांसाठी घातकही ठरू शकतात. पुरुषांना टक्कल पडण्याची फार भीती असते. वाढत चाललेली केसगळती तुम्हाला टक्कल आणू शकते पण यापासून बचाव करायचा तर वेळीच योग्य तो उपाय करणे फायद्याचे ठरते.

केसगळती एक अशी समस्या आहे जिला वेळीच दूर केले नाही तर तुमच्या टाळूवर एकही केस शिल्लक राहणार नाही. पुरुष असो वा महिला कुणालाही टक्कल आवडत नाही. केसगळती प्रभावीरित्या थांबवण्यासाठी कंटेंट क्रिएटर मनप्रीत कौरने इंस्टाग्रामवर एक उपाय शेअर केला आहे. यासाठी आपल्याला घरीच एक नैसर्गिक तेल तयार करायचे आहे. या तेलाचा नियमित वापर आपल्या केसांवर अनेक चांगले बदल घडवून आणेल आणि केसगळतीच्या समस्येपासूनही आपली सुटका करेल.

या लेखात आपण ज्या केसांच्या वाढीसाठी उपायाची चर्चा करत आहोत तो कंटेंट क्रिएटर मनप्रीत कौरने एका इंस्टाग्राम व्हिडिओमध्ये शेअर केला आहे. व्हिडिओमध्ये, ती दावा करते की तिचे जादुई तेल लावल्याने टक्कल पडलेल्या डोक्यावरही केस वाढू शकतात. हे तेल तयार करण्यासाठी तिने घरगुती घटकांचा वापर केला आहे ज्यामुळे केसांवर कोणतेही वाईट परिणाम होणार नाहीत.

साहित्य

• कांदा
• लसूण
• मेथीचे दाणे
• मोहरीचे तेल
• नायजेला बियाणे
• कढीपत्ता
• कोरफड जेल
• व्हिटॅमिन ई कॅप्सूल

तेल बनवण्याची पद्धत

• तेल बनवण्यासाठी सर्वप्रथम एका पॅनमध्ये कांदा आणि लसूण सालीसह हलके ठेचून घ्या.
• आता गॅसवर ही कढई ठेवून त्यात मोहरीचे तेल घाला, गॅसची फ्लेम ही मंद असूद्यात.
• यात तुम्हाला मेथीचे दाणे, काजू आणि कढीपत्ता देखील घालायचा आहे.
• यासहच तुम्हाला कोरफडीचे काही तुकडे पाण्यात भिजवून ठेवायचे आहे.
• पाणी पिवळे झाल्यावर कोरफडी पाण्यातून काढून कढईत टाका.
• पॅनमध्ये हे सर्व साहित्य काहीवेळ छान शिजवून घ्या आणि मग गॅस बंद करा.
• एक दिवस हे तेल कढईतच राहूद्या आणि मग ते गाळून एका बाटलीत भरा.
• बाटलीत भरताना यात व्हिटॅमिन ई कॅप्सूल देखील टाका.
• केस धुण्यापूर्वी किमान दोन तास हे तेल केसांना लावून मसाज करा.
• आठवड्यातून दोनदा तुम्ही या तेलाचा वापर करू शकता.

Web Title: Homemade hair oil for hair regrowth lifestyle news in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com