सकाळच्या नाश्त्यात घरच्या घरी बनवा मटार चाट, लहान मुलांसह मोठेही खातील आवडीने

थंडीच्या दिवसांमध्ये बाजारात हिरवे मटार मोठ्या प्रमाणावर उपलब्ध असतात. मटार भाजी, मटार पुरी, पनीर मटार नेहमी नेहमी याचं भाज्या खाऊन कंटाळा आल्यानंतर तुम्ही मटार चाट बनवू शकता. जाणून घेऊया मटार चाट बनवण्याची सोपी रेसिपी.

सकाळच्या नाश्त्यात घरच्या घरी बनवा मटार चाट

Follow Us:

Follow Us:

भारतामध्ये चाट हा पदार्थ खूप जास्त फेमस आहे. भारतामधील वेगवेगळ्या भागांमध्ये फळांपासून, भाज्यांपासून, कडधान्यांपासून इतर वेगवेगळ्या पदार्थांपासून चाट बनवले जाते. चाट खाल्यानंतर पोटही लगेच भरते आणि आरोग्याला सुद्धा अनेक फायदे होतात. सकाळच्या नाश्त्यात नेहमी नेहमी शिरा, उपमा खाऊन कंटाळा आल्यानंतर काहीं काही नवीन खायची इच्छा होते, तेव्हा तुम्ही मटार चाट बनवू शकता. मटार चाट बनवण्यासाठी जास्त वेळ लागत नाही. कमीत कमी साहित्यामध्ये चाट हा पदार्थ तयार होतो. हिवाळा ऋतूला सुरुवात झाल्यानंतर बाजारात मटार, गाजर इत्यादी अनेक हंगामी भाज्या मोठ्या प्रमाणावर उपलब्ध असतात. या भाज्यांचा वापर करून तुम्ही या पद्धतीचे चाट किंवा इतर पदार्थ बनवून खाऊ शकता. चला तर जाणून घेऊया मटार चाट बनवण्याची सोपी रेसिपी.(फोटो सौजन्य – iStock)

नुसतेच गाजर खाऊन कंटाळा आला आहे? मग घरच्या घरी बनवा ‘गाजर कलाकंद’, वाचा सोपी रेसिपी

साहित्य:

• मटार
• कांदा
• टोमॅटो
• काकडी
• लिंबाचा रस
• चाट मसाला
• लाल तिखट
• पुदिना
• कोथिंबीर
• गरम मसाला
• तेल

नाश्त्यामध्ये बनवा लहान मुलांच्या आवडीचे Creamy Veg Sandwich, नोट करून घ्या सोपा पदार्थ

कृती:

• मटार चाट बनवण्यासाठी सर्वप्रथम, मटार साफ करून त्यातील वाटाणे बाजूला आणून ठेवा. त्यानंतर वाटणे कुकरमध्ये किंवा टोपात पाणी घालून उकडण्यासाठी ठेवा.
• त्यानंतर उकडलेले मटार थंड करून मोठ्या बाऊलमध्ये कांदा, टोमॅटो, बारिक चिरून घेतलेली काकडी इत्यादी पदार्थ टाकून मिक्स करा.
• मिक्स करून झाल्यानंतर त्यात लाल तिखट, हळद, गरम मसाला, चाट मसाला टाकून मिक्स करा.
• नंतर त्यात पुदिन्याची पाने, कोथिंबीर टाकून मिक्स करा. त्यानंतर सगळ्यात शेवटी तयार केलेल्या चाटमध्ये लिंबाचा रस टाकून मिक्स करा.
• तयार आहे सोप्या पद्धतीमध्ये बनवलेले मटार चाट. हा पदार्थ वजन कमी करण्यासाठी सुद्धा खाऊ शकता.

Web Title: How to make green peas chaat at home morning breakfast recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com