चैत्र गौरीसाठी पारंपरिक पद्धतीने बनवा कच्च्या कैरीचे थंडगार पन्ह, नोट करून घ्या रेसिपी

लहान मुलांपासून ते अगदी मोठ्यांपर्यंत सगळ्यांचं कैरीपासून बनवलेले पदार्थ खायला खूप आवडतात. कैरीचे नाव घेतल्यानंतर अनेकांच्या तोंडाला पाणी सुटते. त्यामुळे आज म्ही तुम्हला कैरीचे पन्ह बनवण्याची रेसिपी सांगणार आहोत.

चैत्र गौरीसाठी पारंपरिक पद्धतीने बनवा कच्च्या कैरीचे थंडगार पन्ह

Follow Us:

Follow Us:

गुढी पाडव्यानंतर चैत्र महिन्याला सुरुवात होते. या महिन्यात अनेक घरांमध्ये गौरी पूजन केले जाते. गौरीची स्थापना करून अनेक वेगवेगळ्या गोड पदार्थांचा नैवेद्य दाखवला जातो. नवीन वर्षाची सुरुवात चैत्र महिन्यात होते. चैत्रमासात असलेल्या गौराईचा थाटाचं वेगळा असतो. गौराईच्या गळ्यात सुंदर सुंदर दागिने घालून छान तयारी केली जाते. याशिवाय देवीला वेगवेगळ्या फळांची आरास केली जाते. चैत्र गौराईचे आगमन झाल्यानंतर अनेक घरांमध्ये हळदी कुंकू ठेवले जाते. महिनाभर विविध नियमांचे पालन करत चैत्र गौराईची पूजा केली जाते. चैत्रामध्ये आंब्याला मोहर येतो. त्यामुळे या दिवसांमध्ये गौराईला वेगवेगळ्या फळांचा नैवेद्य दाखवला जातो. त्यामुळे चैत्र गौरौईच्या हळदीकुंकूमध्ये महिलांना देण्यासाठी आज आम्ही तुम्हाला थंडगार पन्ह बनवण्याची सोपी रेसिपी सांगणार आहोत. चला तर जाणून घेऊया कच्च्या कैरीचे पन्ह बनवण्याची सोपी रेसिपी.(फोटो सौजन्य – iStock)

वाढलेले वजन कमी करण्यासाठी नियमित करा ‘या’ चहाचे सेवन, पोटावरील चरबी होईल झपाट्याने कमी

साहित्य:

• कच्ची कैरी
• साखर
• काळ मीठ
• वेलची पावडर

Amritsari Pindi Chole Recipe: खास प्रसंगी घरी बनवा अमृतसरी पिंडी छोले, शाही चव चाखून घरातील सर्वच होतील खुश

कृती:

• कच्च्या कैरीचे पन्ह बनवण्यासाठी सर्वप्रथम, कच्ची कैरी स्वच्छ धुवून घ्या. त्यानंतर साल काढून बारीक बारीक तुकडे करा.
• कुकरच्या भांड्यात कैरी शिजवून थंड करून नंतर व्यवस्थित मॅश करा.
• त्यानंतर मोठ्या भांड्यात कैरीचा गर काढून व्यवस्थित मॅश करा. मॅश करून झाल्यानंतर त्यात पिठीसाखर किंवा गूळ टाकून मिक्स करा.
• नंतर त्यात काळं मीठ आणि वेलची पावडर टाकून मिक्स करून घ्या.
• काचेच्या भांड्यात बर्फाचे तुकडे टाकून वरून कैरीचे पन्ह टाकून नंतर आवश्यकतेनुसार त्यात पाणी घालून मिक्स करा.
• तयार आहे सोप्या पद्धतीमध्ये बनवलेले कैरीचे पन्ह. हा पदार्थ उन्हाळ्याच्या दिवसांमध्ये अतिशय उत्तम ठरेल.

Web Title: How to make raw mango panhe at home summer heat summer special drinks

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com