उरलेल्या चपात्या फेकू नका, शिळ्या चपात्यांपासून अवघ्या 5 मिनिटांतच बनवा ‘कुरकुरीत चिवडा’

Chapati Chivda Recipe : शिळ्या चपात्या अनेकदा घरात फेकून दिल्या जातात. पण तुम्हाला माहिती आहे का? यापासून तुम्ही कुरकुरीत आणि चविष्ट असा झटपट चिवडा तयार करू शकता.

(फोटो सौजन्य – Youtube)

Follow Us:

Follow Us:

• अनेकदा जास्तीच्या चपात्या उरतात, ज्यांना आपण फेकून देतो.
• या उरलेल्या चपात्यांना फेकून त्या वाया घालण्याऐवजी तुम्ही यापासून चविष्ट पदार्थ बनवू शकता
• शिळ्या चपात्यांचा चिवडा कसा बनवायचा याची सोपी रेसिपी नोट करा

चपातीचा चिवडा ही अशीच एक सोपी, झटपट आणि आरोग्यदायी रेसिपी आहे. कमी साहित्य, कमी वेळ आणि तरीही जबरदस्त चव हे या रेसिपीचे खास वैशिष्ट्य आहे. सकाळच्या चहासोबत, संध्याकाळच्या नाश्त्यासाठी किंवा प्रवासात खाण्यासाठी हा चिवडा अगदी परफेक्ट ठरतो. लहान मुलांपासून मोठ्यांपर्यंत सगळ्यांनाच आवडेल असा हा कुरकुरीत चिवडा आहे.

Winter Recipe : हिवाळ्यात गाजराचा हलवा बनवलात की नाही? जाणून घ्या सोपी रेसिपी

या रेसिपीत तुम्ही तुमच्या आवडीनुसार शेंगदाणे, कढीपत्ता, हिरवी मिरची किंवा थोडे गोडसरपणासाठी साखरही घालू शकता. विशेष म्हणजे हा चिवडा जास्त तेलकट नसतो, त्यामुळे तो पचायला हलका आणि आरोग्यासाठीही चांगला ठरतो. चला तर मग, शिळ्या चपात्यांचा स्वादिष्ट चिवडा बनवण्यासाठी लागणारे साहित्य आणि कृती जाणून घेऊया.

साहित्य

• शिळ्या चपात्या – 3 ते 4
• तेल – 2 टेबलस्पून
• शेंगदाणे – अर्धी वाटी
• कढीपत्ता – 8 ते 10 पाने
• हिरव्या मिरच्या – 1 ते 2 (बारीक चिरलेल्या)
• हळद – अर्धा टीस्पून
• लाल तिखट – चवीनुसार
• मीठ – चवीनुसार
• साखर – चिमूटभर (ऑप्शनल)

कृती

• यासाठी सर्वप्रथम शिळ्या चपात्या लहान चौकोनी किंवा लांबट तुकड्यांमध्ये कापून घ्या.
• कढईत तेल गरम करून त्यात शेंगदाणे घाला आणि कुरकुरीत होईपर्यंत तळून घ्या.
• त्यात हिरव्या मिरच्या आणि कढीपत्ता घालून थोडे परतून घ्या.
• आता हळद, लाल तिखट आणि मीठ घालून गॅस मंद ठेवा.
• कापलेल्या चपातीचे तुकडे घालून नीट हलवा, जेणेकरून मसाला सगळीकडे लागेल.
• मंद आचेवर 5 ते 7 मिनिटे चिवडा कुरकुरीत होईपर्यंत परतत राहा.
• शेवटी चिमूटभर साखर घालून हलक्या हाताने मिसळा आणि गॅस बंद करा.
• गरमागरम आणि खमंग चपातीचा चिवडा तयार आहे. हा चिवडा थंड झाल्यावर हवाबंद डब्यात ठेवल्यास 2 ते
• 3 दिवस टिकतो. चहा किंवा कॉफीसोबत याची चव नक्कीच दुप्पट होते.

Web Title: How to make tasty chivda from leftover chapati recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com