त्वचा सुंदर करण्यासाठी महागडे प्रॉडक्ट वापरण्याऐवजी पपईचा पानांचा ‘या’ पद्धतीने करा वापर, पिंपल्स होतील कायमचे गायब

चेहऱ्यावर आलेले काळे डाग, पिंपल्स किंवा मुरूम घालवण्यासाठी कोणत्याही प्रॉडक्टचा वापर करण्याऐवजी पपईच्या पानांचा फेसपॅक तयार करून त्वचेवर लावावा. यामुळे चेहरा अतिशय सुंदर आणि चमकदार दिसेल.

त्वचा सुंदर करण्यासाठी महागडे प्रॉडक्ट वापरण्याऐवजी पपईचा पानांचा 'या' पद्धतीने करा वापर

Follow Us:

Follow Us:

सर्वच महिलांना सुंदर आणि चमकदार त्वचा हवी असते. सुंदर त्वचेसाठी महिला सतत काहींना काही करत असतात. बाजारात उपलब्ध असलेले अनेक वेगवेगळे केमिकलयुक्त प्रॉडक्ट, फेसपॅक, फेसमास्क इत्यादी अनेक गोष्टी वापरल्या जातात. मात्र सुंदर त्वचेसाठी केमिकल प्रॉडक्टचा वापर करण्याऐवजी घरगुती पदार्थांचा वापर करावा. यासाठी पपईचा वापर करावा. पपई आरोग्यासाठी अतिशय फायदेशीर आहे. यामध्ये असलेल्या विटामिन सी आणि फायबरमुळे शरीराला अनेक फायदे होतात. पपईमध्ये असलेले विटामिन सी त्वचा निरोगी ठेवण्यासाठी मदत होते. पपईमध्ये असलेले पपेन, अँटीऑक्सिडंट्स आणि विटामिन त्वचा उजळदार करण्यासाठी मदत होते.(फोटो सौजन्य – pinterest)

पावसाळ्यातील केस कोरडे आणि निस्तेज होतात? मग जास्वंदीच्या फुलांपासून घरीच तयार करा हेअर मास्क, केस होतील मऊ

पपईसोबत पपईची पाने सुद्धा आरोग्यासाठी अतिशय महत्वाची आहे. चेहऱ्यावर आलेले डाग, डेड स्किन, काळे डाग कमी करण्यासाठी मदत करतात. त्वचेचे सौंदर्य वाढवण्यासाठी पपईच्या पानांचा वापर करावा. पपईच्या सालींपासून,पानांपर्यंत, बियांपासून सगळ्याचं गोष्टींसाठी केला जातो. यासाठी सुंदर त्वचेसाठी पपईच्या गराचा वापर केला जातो. म्हणूनच आज आम्ही तुम्हाला पपईच्या पानांचा वापर कशा पद्धतीने करावा, याबद्दल सविस्तर माहिती सांगणार आहोत. पपईची पाने आरोग्यासह त्वचेसाठी अतिशय फायदेशीर आहे.

पपईच्या पानांचा फेसपॅक बनवण्याची कृती:

पपईच्या पानांचा फेसपॅक बनवण्यासाठी सर्वप्रथम, पपईची पाने स्वच्छ पाण्याने धुवून घ्या. त्यानंतर मिक्सरच्या भांड्यात पपईची पाने घालून त्यात थोडस पाणी घालून मिक्स करा. तयार केलेल्या पेस्टमध्ये मध आणि बेसन घालून मिक्स करा. तयार केलेले मिश्रण व्यवस्थित मिक्स करून झाल्यानंतर संपूर्ण चेहऱ्यावर लावून काहीवेळ तसाच ठेवा. फेसपॅक चेहरा आणि मानेवर लावून २० ते २५ मिनिटं ठेवून घ्या. त्यानंतर पाण्याने चेहरा स्वच्छ धुवून घ्या. हा उपाय आठवड्याभर नियमित लावल्यास त्वचा अतिशय उजळदार होईल. पपईच्या पानांचा फेसपॅक त्वचा नैसर्गिकरित्या चमकदार आणि सुंदर करण्यासाठी मदत करतात.

लग्नात केस सुंदर दिसण्यासाठी दीपिका पदुकोणने वापरला होता ‘हा’ घरगुती पदार्थांपासून बनवलेला स्प्रे, केसांना मिळेल भरपूर पोषण

पपईचा पानांचे त्वचेला होणारे फायदे:

• पपईची पाने आरोग्यासाठी अतिशय फायदेशीर आहेत. यामध्ये अँटीबॅक्टेरियल गुणधर्म आहेत. मुरुमांपासून त्वचेचे रक्षण करण्यासाठी पपईच्या पानांचा वापर करावा. यामुळे त्वचा आतून स्वच्छ होते.
• पपईच्या पानांमध्ये असलेले एन्झाईम्स त्वचेवरील डेड स्किन काढून टाकण्यासाठी मदत करतात. यामुळे त्वचा अतिशय चमकदार होते. चेहऱ्यावर आलेले काळे डाग घालवण्यासाठी पपईच्या पानांचा वापर करावा.
• त्वचेची लवचिकता वाढवण्यासाठी पपईच्या पानांचा वापर करावा. वाढत्या वयात चेहऱ्यावर वाढलेल्या सुरकुत्या कमी करण्यासाठी पपईची पाने वापरावी. पपईची पाने त्वचेला थंड करतात.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

Web Title: Instead of using expensive products to beautify your skin use papaya leaves this way facepack

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com