विकतचा कशाला? घरीच बनवा मऊ, जाळीदार बेसनाचा ‘ढोकळा’, रेसिपी आहे फार सोपी

Dhokla Recipe : मऊ, स्पॉंजी ढोकळा हा एक लोकप्रिय नाश्त्याचा प्रकार आहे. आपण बऱ्याचदा हा ढोकळा विकत आणून खातो पण तुम्हाला माहिती आहे का? तुम्ही घरीच चविष्ट असा मार्केट स्टाईल ढोकळा अवघ्या काही मिनिटांतच तयार करू शकता.

(फोटो सौजन्य: Pinterest)

Follow Us:

Follow Us:

• ढोकळा हा भारतीय नाश्त्याचा एक लोकप्रिय प्रकार.
• हा गुजरातचा पारंपारिक पदार्थ आहे.
• सकाळच्या नाश्त्यासाठी तुम्ही झटपट घरीच फ्रेश ढोकळा तयार करू शकता.

ना अंड, ना ओव्हन… घरी बनवा हॉटेल स्टाईल टेस्टी ‘चोको लावा केक’, शेफ रणवीर बरारने शेअर केली रेसिपी

ढोकळा बेसनापासून बनवला जातो, त्यामुळे त्यात प्रथिने भरपूर प्रमाणात असतात. योग्य प्रमाणात आंबवण किंवा इनो/ईनो फ्रूट सॉल्ट वापरल्यामुळे ढोकळा मऊ, स्पॉन्जी आणि फुललेला होतो. वरून दिलेला मोहरी–हिरवी मिरचीचा फोड आणि गोड–आंबट चटणी यामुळे त्याची चव अजूनच वाढते. विशेष म्हणजे, ढोकळा बनवायला फारसा वेळ लागत नाही आणि अगदी नवशिक्यालाही तो सहज जमू शकतो. चला तर मग, घरच्या घरी परफेक्ट, फुललेला ढोकळा कसा बनवायचा याची सोपी रेसिपी जाणून घेऊया.

साहित्य :

• बेसन – 1 कप
• रवा – 2 टेबलस्पून (ऑप्शनल)
• दही – ½ कप
• पाणी – आवश्यकतेनुसार
• मीठ – चवीनुसार
• साखर – 1 टीस्पून
• हळद – चिमूटभर
• लिंबाचा रस – 1 टेबलस्पून
• इनो/ईनो फ्रूट सॉल्ट – 1 टीस्पून
• कोथिंबीर – बारीक चिरलेली
• किसलेले खोबरे – ऑप्शनल

• तेल – 2 टेबलस्पून
• मोहरी – 1 टीस्पून
• हिरवी मिरची – 2 (उभी चिरलेली)
• कढीपत्ता – 8–10 पाने
• तीळ – 1 टीस्पून
• पाणी – ½ कप
• साखर – 1 टीस्पून

कृती

• सर्वप्रथम एका भांड्यात बेसन, रवा, दही, मीठ, साखर आणि हळद एकत्र करून गुठळ्या न राहील असे मिक्स करा. आवश्यकतेनुसार पाणी घालून मध्यम घट्ट पीठ तयार करा.
• हे मिश्रण 10–15 मिनिटे झाकून ठेवा.
• वाफवण्याचे भांडे किंवा कुकरमध्ये पाणी उकळायला ठेवा आणि ढोकळ्याचा साचा तेलाने ग्रीस करा.
• पीठात लिंबाचा रस आणि शेवटी इनो घालून हलक्या हाताने मिक्स करा.
• लगेच हे मिश्रण साच्यात ओता आणि वाफेवर 12–15 मिनिटे शिजवा.
• टूथपिक घालून पाहा; स्वच्छ बाहेर आला तर ढोकळा तयार आहे.
• थंड झाल्यावर चौकोनी तुकडे कापा.
• आता कढईत तेल गरम करून मोहरी, तीळ, हिरवी मिरची आणि कढीपत्ता घाला.
• त्यात पाणी आणि साखर घालून उकळी आणा व हा फोड ढोकळ्यावर ओता.
• गरमागरम ढोकळा हिरवी चटणी, चिंचेची चटणी आणि वरून कोथिंबीर–खोबऱ्याने सजवून सर्व्ह करा.

Web Title: Know how to make dhokla at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com