Recipe : सकाळच्या नाश्त्याला बनवा गाडीवर मिळते तशी ‘अंडा भुर्जी’, चवीसोबत आरोग्यासाठीही ठरते फायदेशीर

Egg Bhurji Recipe : अंड्यामध्ये भरपूर प्रमाणात प्रथिने,जीवनसत्त्वे आणि खनिजे असतात ज्यामुळे सकाळच्या नाश्त्यासाठी हा एक उत्तम पर्याय ठरतो. स्ट्रीटवर मिळते तशी मसालेदार अंडा भुर्जी तुम्ही घरीदेखील अगदी सहज तयार करु शकता.

(फोटो सौजन्य: Pinterest)

Follow Us:

Follow Us:

• सकाळच्या नाश्त्यासाठी अंडा भुर्जी एक लोकप्रिय पदार्थ ठरतो.
• तूपात भाजलेला पाव आणि त्याच्यासोबत भुर्जी.. हे काॅम्बीनेशनच न्यारं.
• तुम्ही अगदी स्ट्रीट स्टाईल अंडा भुर्जी घरीदेखील बनवू शकता.

Monsoon Special Recipe: पावासाळ्यात एकदा तरी घरी नक्की बनवा कुरकरीत आणि स्वादिष्ट ‘मिरची भजी’

साहित्य

• 4 अंडी
• 2 मध्यम कांदे (बारीक चिरलेले)
• 2 टोमॅटो (बारीक चिरलेले)
• 2 हिरव्या मिरच्या (बारीक चिरलेल्या)
• 1 टीस्पून आलं-लसूण पेस्ट
• 2 टेबलस्पून बटर
• 1 टेबलस्पून तेल
• ½ टीस्पून हळद
• 1 टीस्पून लाल तिखट
• ½ टीस्पून धने-जिरे पूड
• ½ टीस्पून गरम मसाला
• ¼ टीस्पून पावभाजी मसाला (ऑप्शनल)
• चवीनुसार मीठ
• बारीक चिरलेली कोथिंबीर
• लिंबाचा रस

कृती

• एका तव्यावर तेल आणि बटर गरम करा. त्यात बारीक चिरलेले कांदे घालून सोनेरी होईपर्यंत परता.
• आलं-लसूण पेस्ट आणि हिरव्या मिरच्या घालून एक मिनिट परता. त्यानंतर टोमॅटो घालून ते मऊ होईपर्यंत शिजवा.
• हळद, लाल तिखट, धने-जिरे पूड, गरम मसाला, पावभाजी मसाला आणि मीठ घालून मसाला नीट परता.
• एका भांड्यात अंडी फोडून हलके फेटा आणि तयार मसाल्यावर ओता.
• मध्यम आचेवर सतत हलवत अंडी मसाल्यात मिसळा. अंडी जास्त कोरडी होणार नाहीत याची काळजी घ्या.
• भुर्जी जवळपास तयार झाल्यावर थोडे बटर, कोथिंबीर आणि लिंबाचा रस घालून हलक्या हाताने मिसळा.
• गरमागरम स्ट्रीट स्टाईल अंडा भुर्जी बटर लावलेल्या पाव, ब्रेड, चपाती किंवा पराठ्यासोबत सर्व्ह करा. वरून थोडी कोथिंबीर आणि बटर घातल्यास चव आणखी खुलते.

Web Title: Make street style egg bhurji at home morning breakfast recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com