‘या’ खास सर्जरीमुळे Colon Cancer वर विजय मिळवता येणार ! रुग्णांना मिळणार प्रभावी उपचार

कॅन्सरचे अनेक प्रकार आहेत, त्यापैकीच एक म्हणजे कोलन कॅन्सर. आनंदाची बातमी म्हणजे या कॅन्सरवर रुग्णांना आता प्रभावी उपचार मिळणार आहे.

‘या’ खास सर्जरीमुळे Colon Cancer वर विजय मिळवता येणार !

Follow Us:

Follow Us:

आज कॅन्सर हा जगातील मोठा आणि वेगाने पसरणारा आजार बनला आहे. खरंतर हा आजार फक्त एका व्यक्तीचे नाही तर संपूर्ण कुटुंबाचे आयुष्य उध्वस्त करत असतो. त्यामुळेच तर कॅन्सर असणाऱ्या रुग्णांनी वेळीस योग्य उपचार घेणे महत्वाचे आहे. कॅन्सरचे विविध प्रकार आहेत. ज्यातील काही नावं तर अनेकांना ठाऊकच नसतील.

एका गुप्त पण धोकादायक आजाराविषयी आज आपण जाणून घेणार आहोत. हा आजार म्हणजे कोलन कॅन्सर. हा जागतिक स्तरावर आढळणारा सर्वसामान्य कॅन्सरपैकी एक आहे. पण चांगली बातमी अशी आहे की आधुनिक रोबोटिक सर्जरी उपचार आणि पुनर्प्राप्ती प्रक्रियेत क्रांती घडवत आहे! डॉ. जिग्नेश गांधी, सिनियर कन्सल्टंट – गॅस्ट्रोइंटेस्टाइनल आणि रोबोटिक सर्जरी, ग्लेनीग्लेस हॉस्पिटल, परळ यांनी याबाबत अधिक माहिती दिली आहे.

सर्पदंशावर उपचार: उन्हाळ्याच्या दिवसांमध्ये सर्पदंश झाल्यानंतर काय करावे आणि काय करू नये? जाणून घ्या सविस्तर माहिती

रोबोटिक सर्जरी म्हणजे काय?

रोबोटिक सर्जरी ही एक आधुनिक, अत्याधुनिक आणि मिनिमली इन्व्हेसिव्ह तंत्रज्ञानाची प्रक्रिया आहे, ज्यामुळे शस्त्रक्रिया अधिक अचूक आणि नियंत्रित होते. याचा अर्थ लहान छेद, कमी वेदना आणि जलद बरे होणे – विशेषतः कोलन कॅन्सरवरील उपचारांसाठी.

कोलन कॅन्सरसाठी रोबोटिक सर्जरी का फायदेशीर आहे?

• छोटे छेद, कमी वेदना – या सर्जरीमध्ये मोठ्या चिरांऐवजी छोटे छेद घेतले जातात, त्यामुळे वेदनारहित आणि जलद बरे होण्याची संधी मिळते.
• अचूकता आणि सुरक्षितता – रोबोटिक प्रणाली कॅन्सरग्रस्त पेशी अधिक अचूकतेने काढण्यास मदत करते आणि निरोगी ऊतकांचे संरक्षण करते.
• झपाट्याने पुनर्प्राप्ती – रुग्ण लवकर बरे होतो आणि सामान्य जीवनात जलद परतू शकतो.
• कमी रक्तस्राव आणि गुंतागुंत कमी – प्रगत रोबोटिक तंत्रज्ञानामुळे शस्त्रक्रियेचे धोके कमी होतात.
• उत्तम परिणाम – संशोधनानुसार, रोबोटिक सर्जरीमुळे कॅन्सर काढून टाकण्याचे प्रमाण वाढते आणि पुनरावृत्तीची शक्यता कमी होते.

रोबोटिक सर्जरी कशी कार्य करते?

सर्जन हाय-टेक कन्सोलद्वारे रोबोटिक हातांचे नियंत्रण घेतो, ज्यामुळे मानवी हातापेक्षा जास्त अचूक हालचाली शक्य होतात. हे अधिक सुरक्षित आणि प्रभावी सर्जरीसाठी मदत करते, अगदी जटिल कोलन कॅन्सर प्रकरणांमध्येही.

बदलत्या हवामानामुळे घसा खवखवतोय? आवाजात सतत बदल होतो? ‘हे’ घरगुती उपाय करून तात्काळ मिळवा आराम

कोणत्या रुग्णांसाठी रोबोटिक सर्जरी उपयुक्त आहे?

जर आपण किंवा आपले कोणी जवळचे कोलन कॅन्सरने ग्रस्त असेल, तर रोबोटिक सर्जरी हा अत्याधुनिक आणि प्रभावी पर्याय आहे, जो उत्तम उपचार आणि सहज पुनर्प्राप्ती सुनिश्चित करतो. मुंबईतील परळ येथे ग्लेनीग्लेस हॉस्पिटल रोबोटिक कॅन्सर उपचारात आघाडीवर आहोत, ज्यामुळे शस्त्रक्रिया सुरक्षित, वेगवान आणि अधिक प्रभावी होते. एक रोबोटिक सर्जन म्हणून, सर्वोत्तम तंत्रज्ञानाच्या मदतीने उत्कृष्ट उपचार प्रदान करणे हाच या हॉस्पिटलचा उद्देश आहे. कोलन कॅन्सर आणि रोबोटिक सर्जरीच्या शक्तीविषयी जागरूकता निर्माण करूया. लवकर निदान आणि आधुनिक उपचार जीव वाचवतात!

Web Title: Robotic surgery provides effective treatment for colon cancer at gleneagles hospitals

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com