मंगळवार, 20 ऑक्टोबर 2026
थंडीत केसांमध्ये खूप जास्त कोंडा झाला आहे? मग 'या' पद्धतीने करा कोरफडचा वापर
हिवाळ्यात भासणार नाही महागड्या स्किन केअर प्रॉडक्टची गरज, ‘या’ पद्धतीने चेहऱ्यावर लावा कोरफड जेल
पूर्वीच्या काळापासून संपूर्ण आरोग्यासंबंधित समस्यांपासून आराम मिळवण्यासाठी कोरफडचा वापर केला जात आहे. कोरफड वापरल्यामुळे केस अतिशय मऊ आणि मुलायम होतात. याशिवाय केस आणि त्वचेच्या बऱ्याच समस्यांपासून सुटका मिळते. मोठ्या टोपात पाणी गरम करून त्यात कढीपत्त्याची पाने आणि तांदूळ घालून पाणी उकळण्यासाठी ठेवा. पाण्याला उकळी आल्यानंतर त्यात कोरफड घालून व्यवस्थित मिक्स करून घ्या. ५ मिनिटं पाणी व्यवस्थित उकळवून घ्या. त्यानंतर गॅस बंद करून तयार केलेले पाणी गाळून घ्या. हेअर मास्क थंड झाल्यानंतर केसांच्या मुळांपासून ते अगदी टोकांपर्यंत लावून केस हलक्या हाताने मसाज करा. त्यानंतर केस ४० मिनिट तसेच ठेवा.
हेअर मास्क काहीवेळ ठेवल्यानंतर कोमट पाण्याने केस स्वच्छ धुवून घ्या. केस धुवण्यासाठी गरम पाण्याचा वापर करू नये. तसेच केस धुवताना पाण्यात शॅम्पू मिक्स करून केसांवर लावा, आणि पाण्याने शॅम्पू पूर्णपणे धुवा. आठवड्यातून दोनदा कोरफड हेअर मास्क केसांवर लावल्यास केसांच्या बऱ्याच समस्यांपासून सुटका मिळेल आणि केस अतिशय चमकदार दिसतील. थंडीच्या दिवसांमध्ये केस स्वच्छ करण्यासाठी अतिशय माईल्ड शाम्पूचा वापर करावा.
कोरफड केसांसाठी एक नैसर्गिक कंडिशनरप्रमाणे काम करते. यामुळे केस अतिशय मऊ आणि चमकदार होतात. कोरफडीमध्ये असलेल्या जीवनसत्त्वे आणि खनिजांमुळे केसांच्या मुळांना भरपूर पोषण मिळते. वारंवार केस गळत असतील तर कोरफड जेलचा वापर करावा. कोरफड जेल टाळूवरील पीएच पातळी संतुलित ठेवते आणि हायड्रेट ठेवते. त्यामुळे आठवड्यातून दोनदा केसांना कोरफड जेल लावावे.
