रात्रीच्या जेवणाला अशाप्रकारे बनवा मसालेदार अन् खमंग ‘भरलेलं कारलं’, चव अशी की कडू पदार्थाचेही फॅन व्हाल

Stuffed Bittergourd Recipe : कारल्यात अनेक पोषक घटक असल्याने याची चव आरोग्यासाठी फायद्याची ठरते. तुम्हाला याची भाजी खायला आवडत नसेल तर यंदा गावराण स्टाइलमध्ये भरलेली कारली बनवून खा.

(फोटो सौजन्य: Cook with Smile)

Follow Us:

Follow Us:

• कारल्यात अनेक असे पोषक घटक आढळतात जे आपल्या आरोग्यासाठी फायद्याचे ठरू शकतात.
• याच्या कडू चवीमुळे अनेकांना कारलं खायला आवडत नाही.
• पण हटके पद्धतीने बनवून तुम्ही याची चव चाखू शकता, भरलेलं कारलं चवीला फार अप्रतिम लागतं.

Lunch Box Recipe: १० मिनिटांत लहान मुलांच्या डब्यासाठी बनवा चमचमीत पालक पॅनकेक, आवडीने खातील पालक

 साहित्य

• कारली – 6 ते 8 मध्यम आकाराची
• कांदा – 2 (बारीक चिरलेले)
• शेंगदाण्याची पूड – 3 टेबलस्पून
• नारळाचा कीस (कोरडा) – 2 टेबलस्पून
• धणे-जिरे पूड – 2 टीस्पून
• लाल तिखट – 1 टीस्पून
• हळद – ½ टीस्पून
• आमचूर पावडर / चिंचेचा कोळ – चवीनुसार
• गूळ – 1 ते 2 टीस्पून
• मीठ – चवीनुसार
• तेल – 3 ते 4 टेबलस्पून
• मोहरी, हिंग – फोडणीसाठी

कृती

• सर्वप्रथम कारली धुवून पुसून घ्या. मध्ये उभी चीर देऊन बिया काढा. थोडं मीठ लावून 20–30 मिनिटं बाजूला ठेवा आणि नंतर पाण्याने धुवून पिळून घ्या, यामुळे कडूपणा कमी होतो.
• एका पॅनमध्ये थोडं तेल घालून कांदा परतून घ्या. त्यात शेंगदाण्याची पूड, नारळाचा कीस, धणे-जिरे पूड, हळद,
• लाल तिखट, आमचूर, गूळ आणि मीठ घालून नीट परतून घ्या.
• तयार मसाला थंड झाल्यावर प्रत्येक कारल्यात नीट भरून घ्या.
• मसाला बाहेर येऊ नये म्हणून दोऱ्याने हलकं बांधू शकता.
• कढईत तेल गरम करून मोहरी घाला. मोहरी फुटल्यावर हिंग घाला.
• भरलेली कारली कढईत ठेवा. झाकण ठेवून मंद आचेवर 15–20 मिनिटं शिजवा. मध्येच हलके उलटवा.
• कारली नीट मऊ आणि सोनेरी झाल्यावर गॅस बंद करा. वरून कोथिंबीर भुरभुरवा.
• भरलेली कारली गरमागरम चपाती, भाकरी किंवा वरण-भातासोबत अप्रतिम लागते.

Web Title: Village style stuffed bittergourd recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com