तोच तोच पास्ता खाऊन कंटाळलात? मग आता 10 मिनिटांत बनवा ‘क्रिस्पी पास्ता’; संध्याकाळच्या नाश्त्यासाठी परफेक्ट पर्याय

Crispy Pasta : पास्ता तर आपण बऱ्याचदा खाल्ला असेल पण तुम्ही कधी कुरकुरीत चवीचा क्रिस्पी पास्ता खाल्ला आहे का? स्टार्टर्ससाठीचा हा पदार्थ अवघ्या काही मिनिटांतच तयार होतो आणि चवीलाही लाजवाब लागतो.

(फोटो सौजन्य: Youtube)

Follow Us:

Follow Us:

• नेहमीचा पास्ता नाही तर यावेळी बनवा तळलेला कुरकुरीत पास्ता.
• पास्ता लव्हर्सना ही रेसिपी नक्कीच आवडेलं.
• संध्याकाळच्या नाश्त्यासाठी किंवा स्टार्टर्ससाठी हा पदार्थ एकदम परफेक्ट आहे.

लाडवांची झंझट सोडा यंदाच्या मकर संक्रांतीला घरी बनवा कुरकुरीत आणि खमंग ‘तिळाची पापडी’

  साहित्य

• 1 कप पास्ता (पेने/फ्युसीली/मॅकरोनी)
• पाणी (पास्ता उकडण्यासाठी)
• 2 टेबलस्पून कॉर्नफ्लोअर
• 2 टेबलस्पून मैदा
• 1 टीस्पून लाल तिखट
• ½ टीस्पून काळी मिरी पावडर
• ½ टीस्पून चाट मसाला
• मीठ चवीनुसार
• 1 टीस्पून ऑरिगेनो / मिक्स हर्ब्स
• तेल (तळण्यासाठी किंवा शॅलो फ्रायसाठी)

 कृती

• सर्वप्रथम एका भांड्यात पाणी उकळवा, त्यात थोडे मीठ आणि पास्ता घालून 80% शिजेपर्यंत उकडून घ्या. नंतर गाळून थंड पाण्याने धुवा.
• एका बाऊलमध्ये कॉर्नफ्लोअर, मैदा, लाल तिखट, मिरी पावडर, चाट मसाला, ऑरिगेनो आणि मीठ एकत्र करा.
• उकडलेला पास्ता या मिश्रणात घालून हलक्या हाताने नीट कोट करा.
• कढईत तेल गरम करून पास्ता सोनेरी व कुरकुरीत होईपर्यंत तळा. (हवे असल्यास एअर फ्रायरमध्ये 180°C वर 12–15 मिनिटे भाजू शकता.)
• तळलेला पास्ता टिश्यू पेपरवर काढा, जेणेकरून जास्त तेल निघून जाईल.
• वरून थोडा चाट मसाला किंवा चीज पावडर भुरभुरवा.
• गरमागरम क्रिस्पी पास्ता टोमॅटो केचप किंवा मायोनेझसोबत सर्व्ह करा.
• पास्ता जास्त शिजवू नका, नाहीतर तळताना तुटू शकतो.
• अधिक हेल्दी पर्यायासाठी एअर फ्रायर किंवा ओव्हन वापरा.

Web Title: How to make crispy pasta easy party snack recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com