Winter Recipe : अनेक आजारांवर मुळा आहे गुणकारी! भाजी आवडत नसेल तर अशाप्रकारे बनवा कुरकुरीत ‘मुळ्याचे भजी’

Radish Pakora Recipe : तुम्हाला माहिती आहे का? तुमच्या नावडत्या मुळ्यापासून तुम्ही चविष्ट, कुरकुरीत आणि खमंग असे भजी तयार करू शकता. हिवाळ्याच्या वातावरणात संध्याकाळच्या नाश्त्यासाठी तुम्ही ही रेसिपी घरी ट्राय करू शकता.

(फोटो सौजन्य – Pinterest)

Follow Us:

Follow Us:

• मुळ्यामध्ये अनेक पोषक घटक आढळून येतात
• मुळ्याची भाजी खायला अनेकांना आवडत नाही
• अशावेळी तुम्ही मुळ्याचे खमंग भजी बनवून खाऊ शकता

कडाक्याच्या थंडीत जेवणासोबत खाण्यासाठी झटपट बनवा मिक्स भाज्यांचे लोणचं, आंबटगोड चवीचा पारंपरिक पदार्थ

साहित्य :

• किसलेला मुळा – 1 कप
• बेसन – 1 कप
• तांदळाचे पीठ– 2 टेबलस्पून
• बारीक चिरलेली कोथिंबीर – 2 टेबलस्पून
• हिरवी मिरची बारीक – 1
• आले किसलेले – 1 टीस्पून
• हळद – ¼ टीस्पून
• लाल तिखट – 1 टीस्पून
• ओवा– ½ टीस्पून
• मीठ – चवीनुसार
• पाणी – आवश्यकता असेल तेवढे
• तेल – तळण्यासाठी

कृती :

• यासाठी सर्वप्रथम मुळा धुवून त्याला सोलून किसा. किसल्यानंतर त्यातील पाणी थोडंसं दाबून काढा पण पूर्ण नाही.  थोडं ओलसर राहू द्या, त्यामुळे मिश्रण छान बांधून येते.
• एका मोठ्या भांड्यात बेसन, तांदुळाचे पीठ, हळद, लाल तिखट, मीठ, ओवा, आले आणि हिरवी मिरची मिसळा.
• या मसाल्याच्या बेसनात किसलेला मुळा आणि चिरलेली कोथिंबीर घाला. मुळ्यातील ओलावर बेसन बाइंड होते, त्यामुळे पाणी फार कमी लागते.
• थोडं-थोडं पाणी घालत हलकं, घट्ट आणि पकोड्यांसाठी योग्य असे मिश्रण तयार करा. खूप पातळ करू नका.
• कढईत तेल मध्यम आचेवर गरम करा. तेल चांगले तापले की भजी कुरकुरीत होतात.
• हाताने किंवा चमच्याने थोडे-थोडे मिश्रण गरम तेलात सोडा. दोन्ही बाजूंनी सोनेरी आणि कुरकुरीत होईपर्यंत तळा.
• तयार पकोडे कागदावर काढा आणि चटणी, टोमॅटो सॉस किंवा गरम चहासोबत सर्व्ह करा.

Web Title: Winter recipe how to make radish pakora at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com