नवीन पाणी योजना पूर्ण, तरी शहरभर पाणी वितरण अर्धवट (Photo C redit - X)
अंतर्गत पाईपलाईनचे जाळे अपूर्ण असल्याने ‘नो नेटवर्क झोन’ मधील नागरिकांना जारच्या पाण्यावरच अवलंबून राहावे लागणार आहे. केंद्राच्या अमृत २ योजनेअंतर्गत महाराष्ट्र जीवन प्राधिकरणमार्फत (MJP) हा प्रकल्प जीव्हीपीआर (GVPR) कंपनीकडे आहे. २५०० मिमी व्यासाची, ३९ किमी लांबीची मुख्य जलवाहिनी जायकवाडी ते नक्षत्रवाडीपर्यंत टाकण्यात आली आहे. यावर १२ ठिकाणी जोडणीचे काम बाकी आहे.
एकूण २ हजार किमी पाईपलाईन टाकायची आहे, त्यापैकी सुमारे ११०० किमी काम पूर्ण झाल्याचा दावा आहे. मात्र, कोणत्या वसाहतींचे काम पूर्ण झाले, याची स्पष्ट माहिती एमजेपी किंवा महापालिकेकडे उपलब्ध नाही. ९०० मिमी व्यासाच्या पाईपलाईनचे दूध डेअरी चौक ते एसएफएस शाळेपर्यंतचे काम सध्या ठप्प आहे.
