गुरुवार, 29 ऑक्टोबर 2026
Top Marathi News Today Live : महापालिकेनंतर दोन्ही राष्ट्रवादी एकत्र येऊ असे अजितदादा म्हणाले होते; शशिकांत शिंदेंचं विधान
Marathi Breaking News Updates : राज्याचे उपमुख्यमंत्री अजित पवार यांचे बुधवारी विमान दुर्घटनेत दुर्दैवी मृत्यू झाल्याने संपूर्ण महाराष्ट्र हादरला आहे. पवार कुटुंबावर दुःखाचा डोंगर कोसळला. असे असतानाच, अजित पवारांच्या जाण्यामुळे राष्ट्रवादी काँग्रेस अजित पवार गटासमोर नेतृत्वाची मोठी पोकळी निर्माण झाली आहे. त्यामुळे येत्या काळात या गटाची दिशा, निर्णयप्रक्रिया आणि राजकीय रणनीती काय असेल, याकडे राजकीय वर्तुळाचे लक्ष लागले आहे.
राष्ट्रवादी पक्षफुटीनंतर शरद पवार आणि अजित पवार असे दोन गट पडले होते. निवडणूक आयोगाने दिवंगत अजित पवार यांच्या पक्षाला राष्ट्रवादी काँग्रेस पक्ष आणि घड्याळ हे निवडणूक चिन्ह देऊ केले होते. मात्र, अजित पवार यांच्या निधनानंतर आता दोन्ही राष्ट्रवादी एकत्र येणार का? याकडे सर्वांचे लक्ष लागले आहे. दोन्ही राष्ट्रवादी एकत्र येण्यासाठी आमची वाटचाल असेल, असे सूचक वक्तव्य राष्ट्रवादी काँग्रेस शरदचंद्र पवार पक्षाचे प्रदेशाध्यक्ष शशिकांत शिंदे यांनी बारामती येथे केले.
30 Jan 2026 06:35 PM (IST)
Budget 2026 News In Marathi : यंदाच्या अर्थसंकल्पापूर्वी भारताच्या संरक्षण बजेटबाबत पुन्हा एकदा गंभीर चर्चा सुरू झाल्या आहेत. चीनची सतत वाढती लष्करी ताकद आणि पूर्व आशियातील वेगाने बदलणारी परिस्थिती देशांना त्यांच्या रणनीतींवर पुनर्विचार करण्यास भाग पाडत आहे. अशा परिस्थितीत, भारताचे संरक्षण बजेट केवळ सरकारी आकडेवारी नाही तर संपूर्ण आशियाई प्रदेशातील लष्करी संतुलन आणि सामरिक शक्तीवर देखील परिणाम करते.
30 Jan 2026 06:30 PM (IST)
कर्जत/संतोष पेरणे : भारतीय जनता पार्टीच्या माणगाव तर्फे वरेडी जिल्हा परिषद गटाच्या अधिकृत उमेदवार राधिका ठाकरे यांची मुख्य लढाई शिवसेना शिंदे गटाच्या उमेदवार आणि राष्ट्रवादी काँग्रेस पक्षाच्या उमेदवार यांच्याशी होणार आहे. त्यामुळे भारतीय जनता पक्षाने आपले कमळ फुलवण्यासाठी प्रचाराची जोरादार मोहीम हाती घेतली आहे. माणगाव तर्फे वरेडी जिल्हा परिषद गटातील प्रत्यक्ष गावात आणि वाडी वस्तीत जाऊन प्रचारावर भर देण्यात येत असून चिंचवली आणि इतर ग्रामपंचायतीमध्ये प्रचाराला स्थानिकांचा मोठा प्रतिसाद मिळाला.
30 Jan 2026 06:25 PM (IST)
कराड: सह्याद्री व्याघ्र राखीवमध्ये वाघांची नैसर्गिक संख्या पुन्हा स्थिर करण्याच्या दृष्टीने सुरू असलेल्या ‘वाघ पुनर्स्थापना प्रकल्पा’ला मोठे यश मिळाले असून, ‘सेनापती’ हा नर वाघ आणि ताडोबा येथून स्थलांतरित करण्यात आलेली ‘चंदा’ ही वाघीण एकत्रितपणे वावरत असल्याचे स्पष्ट झाले आहे. चांदोली वन्यजीव विभागातील आंबा वनपरिक्षेत्रात हा वावर कॅमेरा ट्रॅप आणि प्रत्यक्ष निरीक्षणातून नोंदविण्यात आला आहे.
30 Jan 2026 06:20 PM (IST)
Prem Baisa Death : जयपूर : आध्यात्मिक ज्ञानाने हजारो अनुयायांची मने जिंकणारी साध्वी प्रेम बैसा यांचे गूढ निधन झाले. त्यांच्या मृत्यूवर अनेक प्रश्न उपस्थित केले जात आहेत. असे काही प्रश्न समोर आले आहेत ज्यांची उत्तरे सध्या राजस्थान पोलिसांकडे नाहीत. बुधवारी संध्याकाळी त्यांना त्यांच्या वडिलांनी रुग्णालयात आणले तेव्हा डॉक्टरांनी त्यांचा मृत झाल्याचे घोषित केले. लोकप्रियतेच्या शिखरावर असलेल्या कथावाचक प्रेम बैसा यांच्या निधनामुळे मोठा वाद निर्माण झाला आहे. तसेच अनेक प्रश्न निर्माण झाले आहेत. (Rajasthan Crime)
30 Jan 2026 06:15 PM (IST)
Ben Sears has been included in the New Zealand squad : टी२० विश्वचषक २०२६ स्पर्धेला ७ फेब्रुवारीपासून सुरुवात होणार आहे. ही स्पर्धा भारत आणि श्रीलंका संयुक्त आयोजक देश आहेत. स्पर्धा सुरू होण्यास आठ दिवस शिल्लक असताना, सर्व संघांनी त्यांची तयारी जवळजवळ पूर्ण केली आहे. अशातच, न्यूझीलंडने टी२० विश्वचषकासाठी आणखी एक खेळाडू बेन सियर्सला आपल्या संघात स्थान देण्यात आले आहे.
30 Jan 2026 06:04 PM (IST)
कराड: शहरातील मुजावर कॉलनी परिसरात वाघाचा वावर असल्याचा खोटी व्हिडिओ कृत्रिम बुद्धिमत्ता (एअाय) तंत्रज्ञानाच्या साहाय्याने तयार करण्यात आल्याचा प्रकार उघडकीस आल्याने खळबळ उडाली आहे. ही अफवा सोशल मीडियावर, विशेषतः व्हॉट्सअ‍ॅपद्वारे मोठ्या प्रमाणावर पसरवून नागरिकांमध्ये भीतीचे वातावरण निर्माण करण्याचा प्रयत्न करण्यात आला होता.
30 Jan 2026 05:24 PM (IST)
राज्याचे माजी उपमुख्यमंत्री अजित पवार (Ajit Pawar) यांच्या निधनाने महाराष्ट्र पोरका झाला आहे. बुधवारी झालेल्या भीषण विमान अपघातापूर्वी नेमकं काय घडलं होतं? अजितदादांचा प्रवासाचा प्लॅन काय होता? याबद्दल गेल्या २७ वर्षांपासून त्यांचे सावलीसारखे सोबती असलेले ड्रायव्हर श्यामराव मनवे यांनी अत्यंत भावनिक खुलासा केला आहे.
30 Jan 2026 05:11 PM (IST)
काँग्रेस पक्ष संघटन मजबूत करण्याच्या अनुषंगाने काँग्रेसचा विचार, इतिहासाची माहिती असणारे, लोकशाही व संविधानवादी लोकांना एक व्यासपीठ देण्याचा प्रयत्न काँग्रेस पक्षाने सुरु केला आहे. राज्यातील सर्व स्तरातील लोकांना यात सहभागी करुन घेण्याचा प्रयत्न असून त्यासाठी प्रतिभा शोध अभियान सुरु करण्यात आले आहे. या अभियानात जास्तीत जास्त लोकांनी सहभागी व्हावे, असे आवाहन दिल्लीचे माजी आमदार व या अभियानाचे महाराष्ट्र प्रभारी हरी शंकर गुप्ता यांनी केले आहे.
30 Jan 2026 04:50 PM (IST)
उल्हासनगर महापालिका महापौर पदासाठी शिवसेना शिंदे गटाकडून अश्वीनी कमलेश निकम यांनी दाखल केला उमेदवारी अर्ज उपमहापौर पदासाठी भाजपकडून अमर लूंड यांनी केला उमेदवारी अर्ज दाखल केंद्रात एनडीएचे नरेंद्र मोदी यांच्या नेतृत्वातील सरकार राज्यात महायुतीचे सरकार उल्हासनगरात महायुतीचे सरकार बसले पाहिजे ही प्रत्येक कार्यकर्त्यांची इच्छा होती आम्ही निवडणूका स्वबळावर लढलो तरी उल्हासनगर महापालिकेत आकडे बघितले तर विरोध करायला विरोधक सुद्धा शिल्लक नाही अशी राजकीय परिस्थिती उल्हासनगरात आहे
30 Jan 2026 04:40 PM (IST)
राज्याचे उपमुख्यमंत्री आणि राष्ट्रवादीचे नेते अजित पवार यांचा बुधवारी सकाळी विमान अपघात दुर्दैवी मृत्यू झाला..त्यामुळे संपूर्ण महाराष्ट्र शोकसागरात बुडालायं.. कोल्हापूर जिल्ह्यात देखील अजित पवारांच्या मृत्यूनंतर सर्व क्षेत्रातून मोठी हळहळ व्यक्त होत आहे..अजितदादांच्या कोल्हापूरातील महाविद्यालयीन मित्राला देखील याचा मोठा धक्का बसलायं.. कोल्हापूरात अजित पवार 1977 ते 1981 या काळात महाविद्यालयीन शिक्षणासाठी राहिले होते..त्यांचे कोल्हापूरातील मित्र मधुकर चव्हाण यांनी त्यांच्या आठवणी जागविल्या..अजित पवार अंत्यत शिस्त , स्वच्छता प्रिय होते..त्यांना सकाळी उठून पहिल्यांदा मराठी बातम्या ऐकायचा छंद होता..गाड्यांवरुंन फिरणं, मित्रांसोबत जेवणं ,चित्रपट बघणं यासह आपल्या मित्रांना गणपती बघण्यासाठी पुण्याला स्वतः गाडीचं सारस्थ करत घेवून गेल्याचं चव्हाण यांनी सांगितलं.. आणि अजितदादांच्या आठवणी ताज्या केल्या..शिवाय कोल्हापूरात विद्यार्थी दशेतील पत्रावळीवर जेवताणाचाही अजित पवारांचा फोटो आता व्हायरल होत आहे. .
30 Jan 2026 04:35 PM (IST)
मिरा-भाईंदर महापालिकेत महापौर-उपमहापौर निवडणुकीत भाजपाची नावे जाहीर करण्यात आली आहेत. नरेंद्र मेहता च्या वहिनी डिंपल मेहता यांना दुसऱ्यांदा महापौर बनवण्यात येणार आहे तर उपमहापौर म्हणून ध्रुवकिशोर पाटील यांचं नाव फायनल झालं आहे. मिरा-भाईंदर महानगरपालिकेत एकूण ९५ जागांपैकी भाजपाने ७८ जागा जिंकत एकहाती सत्ता स्थापन केली आहे. तर काँग्रेसने १३ आणि शिवसेना (शिंदे गटाने) ३ जागा जिंकल्या आहेत. काँग्रेस व शिवसेना (शिंदे गट) यांनी एकत्र येत मिरा-भाईंदर विकास आघाडीची स्थापना केली आहे.
30 Jan 2026 04:25 PM (IST)
राष्ट्रीय महामार्गावरील नांदगाव पेठ येथे आयआरबी इन्फ्रास्ट्रक्चर कंपनीने उभारलेल्या उड्डाण पुलाखालील बोगद्याच्या स्लॅबला तडे जाऊन त्याचा काही भाग कोसळल्याने खळबळ उडाली आहे. ही घटना गुरुवारी (दि. २९) सकाळी १० वाजताच्या सुमारास उघडकीस आली. सुदैवाने त्यावेळी बोगद्यातून वाहतूक सुरू नसल्याने मोठी जीवितहानी टळली; मात्र भविष्यातील धोका अत्यंत गंभीर असल्याचे स्पष्ट झाले आहे.
30 Jan 2026 04:20 PM (IST)
ठाणे जिल्ह्यातील मुंबई – नाशिक महामार्ग, सोनाळे गावच्या हद्दीत एच.पी पेट्रोल पंपाजवळ (ता. भिवंडी) परराज्यातील मद्याची वाहतूक करणाऱ्या वाहनावर 27 जानेवारी रोजी कारवाई करण्यात आली. या कारवाईत गोवा राज्यात निर्मित महाराष्ट्र राज्यात विक्रीस बंदी असलेल्या रॉयल ब्ल्यु माल्ट व्हिस्की ब्रॅण्ड मद्याचे 1400 बॉक्स अर्थात 180 मि.ली क्षमतेच्या 67 हजार 200 बाटल्या दारूबंदी कायद्यातंर्गत जप्त करण्यात आल्या. तसेच आयशर कंपनीच्या एमएच 04 एलवाय 4133 क्रमांक असलेल्या सहाचाकी वाहनासह, एक मोबाईल फोन असा एकूण 1 कोटी 72 लाख 94 हजार रूपये किंमतीचा मुद्देमाल जप्त करण्यात आला.
30 Jan 2026 04:10 PM (IST)
शालेय मुलींबाबत सर्वोच्च न्यायालयाने एक महत्त्वाचा निर्णय दिला आहे. सर्वोच्च न्यायालयाने सर्व राज्यांना शाळांमध्ये मोफत सॅनिटरी पॅड पुरवण्याचे आदेश दिले आहे. न्यायालयाने म्हटले आहे की मासिक पाळीच्या आरोग्याचा अधिकार हा संविधानाने हमी दिलेल्या जीवनाच्या मूलभूत अधिकाराचा एक भाग आहे.
30 Jan 2026 03:40 PM (IST)
IndiGo flight bomb threat News in Marathi: गेल्या काही दिवसांपासून विमानांना बॉम्ब आणि अपहरणाच्या धमक्या वारंवार मिळत आहेत. शुक्रवारी (29 जानेवारी) कुवेतहून दिल्लीला जाणाऱ्या इंडिगोच्या विमानात बॉम्ब आणि अपहरणाची धमकी मिळाल्याने खबरदारीचा उपाय म्हणून अहमदाबाद विमानतळावर विमानाचे आपत्कालीन लँडिंग करण्यात आले.
30 Jan 2026 03:20 PM (IST)
ईश्वरपूर : चारच दिवसांपूर्वी अजितदादांसोबत बसून संवाद झाला होता. कार्यकर्त्यांची काळजी, त्यांच्या अडचणी, भविष्यातील दिशा यावर चर्चा केली होती. आणि आज ते आपल्यात नाहीत, असे सांगताना राष्ट्रवादी काँग्रेस पार्टीचे सांगली जिल्हाध्यक्ष निशिकांत भोसले पाटील यांना शब्द पूर्ण करता आले नाहीत. गांधी चौक, उरुण–ईश्वरपूर येथे आयोजित सर्वपक्षीय श्रद्धांजली सभेत अजितदादांच्या आठवणींनी त्यांना अक्षरशः अश्रू अनावर झाले. उपस्थितांची मनेही या क्षणी गहिवरून गेली.
30 Jan 2026 03:11 PM (IST)
Niamey airport terrorist attack video : पश्चिम आफ्रिकेतील नायजर देश (Niger air base) सध्या जिहादी दहशतवादाच्या आगीत होरपळत आहे. राजधानी नियामी येथील अत्यंत सुरक्षित मानल्या जाणाऱ्या ‘डिओरी हमानी’ (Diori Hamani) आंतरराष्ट्रीय विमानतळाजवळील हवाई दलाच्या तळावर बुधवारी मध्यरात्री सशस्त्र दहशतवाद्यांनी भीषण हल्ला चढवला. या हल्ल्याने संपूर्ण परिसर हादरून गेला असून, गोळीबार आणि स्फोटांचे भयानक व्हिडिओ आता समोर आले आहेत.
30 Jan 2026 03:10 PM (IST)
दुर्गापूर: मासाळा तुकूम हे गाव दुर्गापूरपासून अवध्या ५ ते ६ कीमी अंतरावर असून तिनही बाजूने खाणींने वेढले आहे. या भागातील गावांचे पुनर्वसन झाले मात्र मसाळाचे अद्यापही पुनर्वसन झाले नाही. उलट येथे पाण्याची भीषण समस्या निर्माण झालेली आहे. या गावात टाकीचे बांधकाम करण्यात आले. मात्र अद्यापही पाणी येत नसल्याने नागरिकांकडून संताप व्यक्त केल्या जात आहे.
मासाळा तुकूम हे गाव दुर्गापूरनजीक कोळसा खदानींच्या कुशीत वसलेले आहे. या गावाच्या शेजारी लागून असलेल्या सिनाडा, मसाडा, नवेगांव या गावांचे वे. को. ली. द्वारे पुनर्वसन झाले. मात्र मसाळा तुकूमला अजूनही पुनर्वसनाची प्रतीक्षा आहे. अशातच गावकऱ्यांसमोर पिण्याच्या पाण्याचे संकट उभे ठाकलेले आहे. मागील ३ वर्षांपासून जल-जीवन प्राधिकरणाअंतर्गत गावत सुमारे १५ हजार लिटर क्षमतेची पाणी टाकी उभारण्यात आली आहे. मात्र मागील तीन वर्षापासून या टाकीत पाणी पोहचलेले नाही. त्यामुळे नागरिकांना पिण्याच्या पाण्याची प्रतीक्षाच करावी लागत आहे.
30 Jan 2026 03:05 PM (IST)
प्रजासत्ताक दिनाच्या पार्श्वभूमीवर क्लासिक लीजेंड्स या कंपनीने ‘नोमॅड्स’ या एकत्रित रायडिंग कलेक्टिव्हच्या माध्यमातून जावा, येझदी आणि बीएसए मोटरसायकल ब्रँड्सच्या रायडर्सना देशभर एकत्र आणले. मोटरसायकलिंगप्रमाणेच भारतही विविधतेतून निर्माण होणाऱ्या एकतेचे प्रतीक आहे, या सामायिक विश्वासातून प्रेरित होऊन हा उपक्रम राबवण्यात आला.‘नोमॅड्स फॉर युनिटी इन डायव्हर्सिटी’ या संकल्पनेनुसार जम्मू ते तमिळनाडू, गुजरात ते मणिपूर अशा विविध भौगोलिक आणि सांस्कृतिक प्रदेशांमध्ये एकाच वेळी रायड्स आयोजित करण्यात आल्या. या राईड्समधून भारताच्या विशाल भूगोलाचे दर्शन घडले, तसेच मोटरसायकलिंगवरील समान प्रेमाने रायडर्स एकत्र आले.
30 Jan 2026 03:02 PM (IST)
डबल डेटिंग म्हणजे काय? डबल डेटिंग म्हणजे एकाच वेळी एकापेक्षा जास्त जणांसोबत भावनिक नात्यात किंवा शारीरिक नात्यात किंवा फक्त नात्यात राहणे असे असते. डबल डेटिंग करण्याचे अनेक कारणे असतात पण असे केल्याने त्या व्यक्तीच्या चरित्रावरही प्रश्नचिन्हही उभा राहू शकतो. लग्नाच्या अगोदर असू द्या किंवा लग्नाच्या नंतर, दहा जणांसोबत नातं ठेवण्यापेक्षा एकाशीच नातं ठेवणे म्हणजे खरं प्रेम आणि खरं नातं! नाही तर त्या नात्याला काहीच अर्थ उरत नाही.
30 Jan 2026 02:55 PM (IST)
शाहरुख खान सध्या त्याच्या “किंग” चित्रपटामुळे चर्चेत आहे. सिद्धार्थ आनंद दिग्दर्शित, त्याने यापूर्वी “पठाण”, “बँग बँग”, “वॉर” आणि “फायटर” सारखे ब्लॉकबस्टर चित्रपट दिग्दर्शित केले आहेत. हा चित्रपट या नाताळात प्रदर्शित होणार आहे. २०२३ नंतर शाहरुख खान पहिल्यांदाच चित्रपट प्रदर्शित करत आहे. आणि चाहते त्यासाठी उत्सुक आहेत. तो त्याची मुलगी सुहाना खानसोबत दीपिका पदुकोण, अभिषेक बच्चन आणि राणी मुखर्जी सारख्या कलाकारांसह स्क्रीन शेअर करताना दिसणार आहे. त्याचे अ‍ॅक्शन सीन पाहण्यासाठी चाहते खूप उत्सुक आहेत.
30 Jan 2026 02:40 PM (IST)
अमेरिकेचे राष्ट्राध्यक्ष डोनाल्ड ट्रम्प (Donald Trump) हे आपल्या बिनधास्त आणि अनेकदा वादग्रस्त वक्तव्यांसाठी ओळखले जातात. मात्र, आता त्यांनी थेट आपल्याच कॅबिनेट मंत्र्यांच्या पत्नीबाबत केलेल्या एका विधानाने खळबळ माजली आहे. ओव्हल ऑफिसमध्ये एका अधिकृत कार्यक्रमादरम्यान ट्रम्प यांनी अमेरिकेचे गृहमंत्री (Interior Secretary) डग बर्गम यांच्या पत्नी कॅथरीन बर्गम यांच्याशी चक्क फ्लर्टिंग केल्याचे समोर आले आहे.
30 Jan 2026 02:35 PM (IST)
राणी मुखर्जीचा क्राइम थ्रिलर चित्रपट "मर्दानी ३" अखेर ३० जानेवारी रोजी थिएटरमध्ये प्रदर्शित झाला आणि सुरुवातीच्या पुनरावलोकनांवरून असे दिसून आले की हा एक शक्तिशाली आणि आवर्जून पाहावा असा चित्रपट आहे जो प्रेक्षकांना शेवटपर्यंत खिळवून ठेवेल. शुक्रवारी सकाळी, अनेक सोशल मीडिया वापरकर्त्यांनी त्यांच्या फेसबुक आणि ट्विटर हँडलवर राणी मुखर्जीच्या चित्रपटाचे पुनरावलोकन केले. चाहते बॉलीवूडची महिला पोलिस अधिकारी शिवानी शिवाजी रॉयच्या भूमिकेत राणीच्या अभिनयाचे कौतुक करत आहेत आणि चित्रपटाच्या दुसऱ्या भागाचे खूप कौतुक करत आहेत.
30 Jan 2026 02:35 PM (IST)
हिंदी चित्रपटसृष्टीतील अनेक अभिनेत्रींना त्यांच्या वैयक्तिक आयुष्यात अनेक अडचणींचा सामना करावा लागला आहे, परंतु जेव्हा त्यांना त्यांच्याबद्दल बोलण्याची संधी मिळाली तेव्हा त्यांनी मोकळेपणाने बोलून दाखवले आणि वर्षानुवर्षे त्यांच्या हृदयात दडलेले दुःख त्यांनी शेअर केले आहे. ४७ वर्षीय ही बॉलिवूड अभिनेत्री राणी मुखर्जीने देखील अलिकडेच तिच्या वैयक्तिक आयुष्याबद्दल एक खुलासा केला आहे.
30 Jan 2026 02:30 PM (IST)
पुणे : महाराष्ट्राच्या राजकारणाला हादरवून टाकणाऱ्या घटनेत ज्येष्ठ नेते अजित पवार यांचे काल अपघाती निधन झाले. जिल्हा परिषद निवडणुकांच्या पार्श्वभूमीवर बारामतीत प्रचारसभेसाठी जात असताना हा दुर्दैवी अपघात झाला आहे. त्यांच्या निधनाने केवळ एका प्रभावी नेत्याचेच नव्हे, तर महाराष्ट्राच्या सत्ताकारणातील एक निर्णायक पर्व अचानक थांबल्याची भावना सर्वत्र व्यक्त होत आहे.
30 Jan 2026 02:25 PM (IST)
जगाच्या राजकारणात सध्या एका भीषण युद्धाची ठिणगी पडताना दिसत आहे. अमेरिका (America) आणि इराणमधील (Iran) संबंध आता अशा वळणावर आले आहेत, जिथून परतणे अशक्य वाटते. अमेरिकेचे राष्ट्राध्यक्ष डोनाल्ड ट्रम्प यांनी इराणसमोर अशा काही अटी ठेवल्या आहेत, ज्या स्वीकारणे म्हणजे इराणसाठी स्वतःच्या नाशावर स्वाक्षरी करण्यासारखे आहे. दुसरीकडे, अमेरिकेने आपल्या अवाढव्य नौदलाच्या ताफ्याने इराणची सर्व बाजूने नाकेबंदी केली आहे.
30 Jan 2026 02:20 PM (IST)
Realme ने भारतीय बाजारात पुन्हा एकदा धमाका केला आहे. कंपनी इतर स्मार्टफोन कंपन्यांची झोप उडवण्यासाठी सज्ज झाला आहे. Realme P4 Power 5G या नावाने नवीन स्मार्टफोन लाँच केला आहे. कंपनीने लाँच केलेल्या या लेटेस्ट स्मार्टफोनमध्ये 10,001mAh सिलिकॉन कार्बन ‘टाइटन बॅटरी’ दिली आहे. कंपनीने दावा केला आहे की, डिव्हाईस एकदा चार्ज केल्यानंतर सुमारे 39 दिवसांचा स्टँडबाय टाइम देऊ शकते. हे हँडसेट देशातील ई-कॉमर्स प्लॅटफॉर्म फ्लिपकार्टद्वारे खरेदीसाठी उपलब्ध आहे. हा फोन तीन रंगात खरेदीसाठी उपलब्ध आहे. फोनमध्ये ट्रांसव्यू डिझाईन दिले आहे. फोनमध्ये LED फ्लॅशसह डुअल रियर कॅमेरा सेटअप देण्यात आला आहे.
30 Jan 2026 02:15 PM (IST)
कृत्रिम बुद्धिमत्ता अर्थात AI ची भूक दिवसेंदिवस वाढत आहे. पृथ्वीवर एआय चालवण्यासाठी लागणारी वीज आणि सर्व्हर थंड ठेवण्यासाठी लागणारे पाणी आता दुर्मिळ होत चालले आहे. याच समस्येवर उपाय म्हणून जगातील सर्वात श्रीमंत व्यक्ती आणि स्पेसएक्सचे (SpaceX) सर्वेसर्वा एलोन मस्क यांनी एक क्रांतिकारी संकल्पना मांडली आहे. मस्क आता त्यांचे एआय डेटा सेंटर्स पृथ्वीवर नाही, तर थेट अंतराळात नेण्याच्या तयारीत आहेत. मात्र, या शर्यतीत मस्क एकटे नाहीत; चीननेही मस्कच्या या ‘स्पेस साम्राज्याला’ आव्हान देण्याची तयारी पूर्ण केली आहे.
30 Jan 2026 02:10 PM (IST)
भारत विरुद्ध न्यूझीलंड यांच्यामध्ये मालिकेचा शेवटचा सामना 31 जानेवारी रोजी खेळवला जाणार आहे. हा सामना दोन्ही संघासाठी महत्वाचा असणार आहे, टी20 विश्वचषकाआधी ही शेवटची मालिका दोन्ही संघाची असणार आहे. न्यूझीलंडविरुद्धच्या पाचव्या टी-२० आंतरराष्ट्रीय सामन्यापूर्वी भारतीय क्रिकेट संघ त्रिवेंद्रममध्ये पोहोचला तेव्हा सूर्यकुमार यादवने संजू सॅमसनबद्दल एक विनोदी टिप्पणी केली. सॅमसनचा फॉर्म चर्चेचा विषय बनला आहे, कारण त्याने गेल्या चार सामन्यांमध्ये फक्त ४० धावा केल्या आहेत. तथापि, त्याचा एक व्हिडिओ आता सोशल मीडियावर व्हायरल होत आहे.
30 Jan 2026 02:00 PM (IST)
जगातील सर्वात शक्तिशाली नेत्यांपैकी एक मानले जाणारे चीनचे (China) राष्ट्राध्यक्ष शी जिनपिंग (Xi Jinping) सध्या स्वतःच्याच सैन्याकडून मिळालेल्या आव्हानामुळे संकटात सापडल्याची चर्चा आहे. गेल्या काही दिवसांपासून चीनची राजधानी बीजिंगमध्ये जे काही घडत आहे, ते ‘नॉर्मल’ नक्कीच नाही. भारतीय गुप्तचर यंत्रणा आणि जागतिक माध्यमांकडून मिळालेल्या माहितीनुसार, चीनमध्ये एका मोठ्या लष्करी सत्तापालटाचा (Coup Attempt) प्रयत्न झाला असून, त्यामध्ये शी जिनपिंग यांच्या खासगी सुरक्षा रक्षकांचा मृत्यू झाल्याचे धक्कादायक वृत्त समोर येत आहे.
30 Jan 2026 01:59 PM (IST)
“द केरळ स्टोरी २” हा विपुल अमृतलाल शाह यांच्या निर्मिती संस्थेचा आगामी चित्रपट आहे, ज्यांच्या चित्रपटांमध्ये “आँखें”, “नमस्ते लंडन”, “सिंग इज किंग”, “फोर्स”, “कमांडो: अ वन मॅन आर्मी” आणि “हॉलिडे: अ सोल्जर इज नेव्हर ऑफ ड्यूटी” सारखे चित्रपट समाविष्ट आहेत. तो अशा चित्रपट निर्मात्यांपैकी एक आहे ज्यांच्या चित्रपटांचा भारतीय चित्रपटसृष्टीवर खोलवर प्रभाव पडला आहे. “द केरळ स्टोरी” द्वारे तो पुन्हा एकदा त्याची निर्भयता सिद्ध करतो, एक शैली जी त्याच्या संपूर्ण कामात सातत्याने दिसून येत आहे.
30 Jan 2026 01:55 PM (IST)
म्हाडाच्या मुंबई मंडळाकडून आणि कोकण मंडळाकडून लवकरच ७ हजार घरांची सोडत काढण्यात येणार आहे. एकंदरीत हक्काच्या घराचे स्वप्न पाहणाऱ्यांचे हे स्वप्न लवकरच पूर्ण होणार आहे. मिळालेल्या माहितीनुसार, मार्च २०२६ मध्ये म्हाडाच्या मुंबई मंडळाकडून ३००० घरांची लॉटरी काढली जाणार आहे. त्याचबरोबर ठाणे, नवी मुंबईसह विरार परिसरातही कोकण मंडळाकडून तब्बल ४ हजार घरांची सोडत निघणार आहे. म्हणजेच मुंबईसह उपनगरात म्हाडाच्या ७ हजार घरांची सोडत निघणार आहे. यामुळे सर्वसामान्यांना हक्काचं घर घेण्याची ही सुवर्णसंधी असणार आहे.
30 Jan 2026 01:50 PM (IST)
संयुक्त राष्ट्रांचे (UN) सरचिटणीस अँटोनियो गुटेरेस यांनी त्यांच्या कार्यकाळाच्या १० व्या आणि शेवटच्या वर्षाच्या सुरुवातीला जगातील बड्या महासत्तांना आरसा दाखवला आहे. एका विशेष पत्रकार परिषदेत बोलताना त्यांनी अमेरिकेचे राष्ट्राध्यक्ष डोनाल्ड ट्रम्प यांचे ‘अमेरिका फर्स्ट’ (America) धोरण आणि चीनचा वाढता जागतिक प्रभाव यावर थेट भाष्य केले. “जगातील समस्या कोणत्याही एका देशाचे निर्णय लादून किंवा जगाला दोन गटांत विभागून सुटणार नाहीत,” अशा कडक शब्दांत त्यांनी महासत्तांना फटकारले आहे.
30 Jan 2026 01:40 PM (IST)
टी20 विश्वचषकाआधी भारतीय संघाचा न्यूझीलंडविरुद्ध सुरू असलेल्या मालिकेचा शेवटचा सामना शिल्लक आहे. या सामन्यानंतर एक सामना सरवा सामना खेळवला जाणार आहे. हा सामना दोन्ही संघासाठी महत्वाचा असणार आहे. भारताच्या संघाने मालिका आधीच जिंकली आहे. पण चौथ्या सामन्यामध्ये न्यूझीलंडची चांगली गोलंदाजी आणि फलंदाजी पाहायला मिळाली. २०२६ च्या टी-२० विश्वचषकापूर्वी, टीम इंडियासाठी एक आनंदाची बातमी आहे. या स्पर्धेपूर्वी काही खेळाडूंची फिटनेस ही एक मोठी चिंता होती.
30 Jan 2026 01:30 PM (IST)
कवाली गायिका अंजली भारती या वादाच्या भोवऱ्यामध्ये अडकल्या आहेत. त्यांनी मुख्यमंत्री देवेंद्र फडणवीस यांच्या पत्नी अमृता फडणवीस (Amruta Fadnavis) यांच्यावर वादग्रस्त वक्तव्य केले. अंजली भारती यांचा व्हिडिओ सोशल मीडियावर तुफान व्हायरल झाला. कवालीकार अंजली भारती यांनी भंडाऱ्याच्या फुलमोगरायेथे 14 जानेवारीला झालेल्या भीम मेळावा दरम्यान अमृता फडणवीस यांच्याबाबत वादग्रस्त वक्तव्य केले. यामुळे भाजप नेते (BJP Politics) आणि कार्यकर्त्यांनी आक्रमक भूमिका घेतली. अगदी त्यांच्याविरोधात तक्रार देखील दाखल करण्यात आली. यानंतर अंजली भारती यांना उपरती आली असून त्यांनी व्हिडिओ शेअर करत माफी मागितली आहे.
30 Jan 2026 01:20 PM (IST)
दक्षिण आशियातील राजकारणात सध्या मोठी उलथापालथ पाहायला मिळत आहे. गेल्या काही दशकांपासून एकमेकांपासून दुरावलेले पाकिस्तान (Pakistan) आणि बांगलादेश (Bangladesh) आता पुन्हा एकदा जवळ येताना दिसत आहेत. या मैत्रीचा सर्वात मोठा पुरावा म्हणजे तब्बल १४ वर्षांनंतर दोन्ही देशांमधील थेट विमान सेवा पुन्हा सुरू झाली आहे. गुरुवारी रात्री उशिरा ‘विमान बांगलादेश एअरलाईन्स’चे पहिले विमान कराचीमध्ये उतरताच पाकिस्तानने त्याचे शाही स्वागत केले. या ऐतिहासिक घटनेमुळे भारताच्या शेजारील देशांच्या समीकरणात मोठे बदल होण्याची शक्यता वर्तवली जात आहे.
30 Jan 2026 01:10 PM (IST)
पुणे जिल्हा परिषदेच्या निवडणुकीच्या प्रचाराने वेग घेतलेला असतानाच उपमुख्यमंत्री अजित पवार यांच्या विमान अपघातातील दुर्दैवी निधनाने संपूर्ण जिल्ह्याचे राजकीय वातावरण अचानक बदलले आहे. आरोप-प्रत्यारोप, टीका-प्रतिकार यांचा गदारोळ थांबला असून, गेल्या दोन दिवसांत जिल्हा जणू स्तब्ध झाल्याचे चित्र आहे. निवडणुकीच्या अगदी तोंडावर घडलेल्या या घटनेमुळे प्रचाराची दिशा आणि मतदारांची मानसिकता दोन्ही बदलण्याची शक्यता राजकीय वर्तुळात व्यक्त केली जात आहे.
30 Jan 2026 01:05 PM (IST)
उपमुख्यमंत्री अजित पवार यांना श्रद्धांजली अर्पण करण्यासाठी नागपुरात राष्ट्रवादीचे दोन्ही गट एकत्र आले आहेत. राष्ट्रवादीच्या कार्यालयात श्रद्धांजली सभेचं आयोजन केलं होतं. त्यावेळी दोन्ही गट एकत्र आले होते.
30 Jan 2026 12:53 PM (IST)
अजित पवारांच्या निधनानंतर राज्याचा आगामी अर्थसंकल्प हे मुख्यमंत्री देवेंद्र फडणवीस हे मांडण्याची शक्यता आहे. अर्थ खाते हे राष्ट्रवादी काँग्रेसकडेच राहण्याची शक्यता आहे. 23 फेब्रुवारीपासून अर्थसंकल्पीय अधिवेशन सुरु होत आहे.
30 Jan 2026 12:42 PM (IST)
उपमुख्यमंत्री अजित पवार यांचे बुधवारी (ता.28) त्यांचे विमान अपघातात निधन झाले होते. त्यांच्यावर गुरुवारी (ता.29) शोकाकूल वातावरणात अंत्यसंस्कार झाले. अजितदादांच्या निधनांतर राज्य सरकारने तीन दिवसांचा दुखवटा जाहीर केला होता. दरम्यान, सरकारने अजित पवारांच्या विमानाच्या अपघाताचे सीआयडी चौकशीचे आदेश दिले आहे.
30 Jan 2026 12:32 PM (IST)
जिल्हा परिषद आणि पंचायत निवडणुकीचे मतदान ७ फेब्रुवारीला घेण्याचे जाहीर केले आहे. त्यामुळे सीटीईटी परीक्षेसाठी नोंदणी केलेल्या आणि इलेक्शन ड्यूटी (निवडणूक काम) असणाऱ्या शिक्षकांची अडचण झाली आहे. ते लक्षात घेऊन शासनाने ही परीक्षा देणाऱ्या शिक्षकांची इलेक्शन ड्यूटी रद्द करावी, अशी मागणी खासगी प्राथमिक शिक्षक सेवक समितीने केली.
30 Jan 2026 12:21 PM (IST)
राष्ट्रवादी काँग्रेस पक्षाचे नेते प्रफुल्ल पटेल, सुनील तटकरे, छगन भुजबळ हे मुख्यमंत्री देवेंद्र फडणवीस यांच्या भेटीसाठी दाखल झाले आहेत. सुनेत्रा पवार यांना उपमुख्यमंत्री करा असा प्रस्ताव मुख्यमंत्र्यांना देण्यात येणार आहे.
30 Jan 2026 12:04 PM (IST)
गेल्या काही दिवसांपासून गुन्हेगारीच्या घटनांमध्ये वाढ होताना दिसत आहे. त्यात फसवणुकीच्या घटनाही लक्षणीय आहेत. असे असताना नाशिकमध्ये आता कमी गुंतवणुकीत अल्पावधीत मोठा नफा मिळवून देण्याचे आमिष दाखवत सायबर चोरट्यांनी काही गुंतवणुकदारांची तब्बल ६५ लाख ४४ हजार ८३७ रुपयांची आर्थिक फसवणूक केली. याप्रकरणी आता पोलिसांत गुन्हा दाखल झाला आहे.
30 Jan 2026 11:54 AM (IST)
सध्या राजकीय वर्तुळातून पुन्हा एकदा निधनवार्ता समोर आली आहे. पुण्यातील आणखी एक नेता काळ्याच्या पडद्याआड झाला आहे. पुण्याचे (Pune News) माजी महापौर शांतीलाल सुरतवाला यांचे निधन झाले आहे. राष्ट्रवादी काँग्रेसचे ज्येष्ठ नेते शांतीलाल सुरतवाला यांचे आज (दि.30) पहाटे दुःखद निधन झाले. पुणे शहराने एक अनुभवी, संयमी आणि अभ्यासू लोकनेता गमावला असून राजकीय व सामाजिक वर्तुळात शोककळा पसरली आहे.
30 Jan 2026 11:44 AM (IST)
युक्रेन आणि रशियामधील भीषण युद्धाला (Russia Ukraine war) आता एक नवे वळण मिळाले आहे. अमेरिकेचे राष्ट्राध्यक्ष डोनाल्ड ट्रम्प यांनी व्हाईट हाऊसमध्ये एका मंत्रिमंडळ बैठकीदरम्यान खळबळजनक दावा केला आहे. ट्रम्प यांच्या म्हणण्यानुसार, त्यांनी रशियाचे राष्ट्राध्यक्ष व्लादिमीर पुतिन यांना युक्रेनच्या राजधानीवर, म्हणजेच कीववर आणि इतर प्रमुख शहरांवर एका आठवड्यासाठी हल्ले न करण्याची विनंती केली आहे आणि पुतिन यांनी ती विनंती मान्य केली आहे.
30 Jan 2026 11:34 AM (IST)
भोजपुरी अभिनेत्री आकांक्षा अवस्थी कायदेशीर अडचणीत सापडल्याचे दिसून येत आहे. मुंबईतील घाटकोपर परिसरात राहणाऱ्या एका व्यावसायिकाने तिच्यावर फसवणुकीचा आरोप केला आहे. ३०० कोटी रुपये देण्याच्या बहाण्याने तिने ११.५ कोटी रुपयांची फसवणूक करण्यात आल्याचा दावा त्याने केला आहे. व्यावसायिकाने पंत नगर पोलिस ठाण्यात आकांक्षा आणि तिचा पती विवेक सिन्हा यांच्याविरुद्ध फसवणुकीचा गुन्हा दाखल केला आहे.
30 Jan 2026 11:24 AM (IST)
२०२६ च्या टी-२० विश्वचषकापूर्वी, बांगलादेश क्रिकेट बोर्ड आणि आयसीसी यांच्यातील वाद हा बराच चर्चेचा विषय होता. त्यांच्यात जवळपास तीन आठवडे स्थळावरून वाद सुरू होता. बांगलादेशने त्यांचे विश्वचषक सामने भारताबाहेर हलवण्याची मागणी केली. भारत त्यांच्या गट टप्प्यातील चार सामने आयोजित करणार होता. सुरक्षेच्या कारणास्तव, बांगलादेशने त्यांचे सामने श्रीलंकेत आयोजित करण्याची मागणी केली. मुस्तफिजूर रहमानला आयपीएलमधून काढून टाकल्यानंतर हा वाद सुरू झाला. आता, बांगलादेश टी-२० विश्वचषकाचा भाग नाही.
30 Jan 2026 11:14 AM (IST)
आज ३० जानेवारी! कॅलेंडरवरची ही तारीख भारतीय इतिहासातील सर्वात दुःखद आणि तितकीच महत्त्वाची मानली जाते. आजचा दिवस संपूर्ण देश ‘हुतात्मा दिन’ (Shaheed Diwas) म्हणून साजरा करतो. आजच्याच दिवशी १९४८ मध्ये राष्ट्रपिता महात्मा गांधी यांची बिर्ला हाऊसमध्ये प्रार्थना सभेला जात असताना गोळ्या घालून हत्या करण्यात आली होती. गांधीजींच्या अहिंसेच्या प्रवासाचा हा शेवट असला, तरी त्यांच्या विचारांची ज्योत आजही अखंड तेवत आहे.
30 Jan 2026 10:58 AM (IST)
गुरुवारी रणजी ट्रॉफी सामन्यादरम्यान मुंबई क्रिकेट संघाच्या खेळाडूंनी मास्क घालून खळबळ उडवून दिली. मुंबई संघ एमसीए-बीकेसी मैदानावर दिल्लीविरुद्ध खेळत आहे. सामन्याच्या पहिल्या दिवशी, मुंबई संघाचे काही खेळाडू मैदानावर उतरताना तोंडावर मास्क घालून खेळताना दिसले. सामन्याच्या तिसऱ्या सत्रात मुंबईचे प्रमुख खेळाडू सरफराज खान, भारतीय संघाबाहेर असलेला फलंदाज, त्याचा भाऊ मुशीर खान आणि फिरकी गोलंदाज हिमांशू सिंग हे मास्क घालून खेळताना दिसले, ज्यामुळे सर्वांनाच धक्का बसला.
30 Jan 2026 10:54 AM (IST)
टेकं कंपनी वीवोने पुन्हा एकदा प्रतिस्पर्ध्यांची झोप उडवण्याची तयारी केली आहे. कंपनीने Vivo Y31d नावाने एक नवीन स्मार्टफोन लाँच केला आहे. हा स्मार्टफोन कंबोडिया आणि वियतनामसह काही निवडक ग्लोबल मार्केटमध्ये लाँच करण्यात आला आहे. कंपनीने लाँच केलेल्या या लेटेस्ट स्मार्टफोनमध्ये स्नॅपड्रॅगन 6s 4G Gen 2 चिपसेट पाहायला मिळत आहे. कंपनीने लाँच केलेल्या या स्मार्टफोनमध्ये केवळ 4G नेटवर्क सपोर्ट दिला आहे. यासोबतच कंपनीच्या या लेटेस्ट स्मार्टफोनमध्ये 50-मेगापिक्सेलचा डुअल रियर कॅमेरा सेटअप दिला आहे. डिव्हाईसमध्ये अँड्रॉईड 16 वर बेस्ड OriginOS 6 आहे. ड्यूरेबिलिटीसाठी या फोनमध्ये IP69+ रेटिंग दिला आहे.
