Top Marathi News Today Live : अमेरिकेचे राष्ट्राध्यक्ष डोनाल्ड ट्रम्प यांनी पुन्हा दिली इराणला धमकी

24 Jun 2026 10:00 AM (IST)

पिंपरी-चिंचवडमध्ये अतिक्रमण कारवाई जोरात; अडीच महिन्यांत 820 ठिकाणं अतिक्रमणमुक्त

पिंपरी-चिंचवड महानगरपालिकेने शहरातील अनधिकृत बांधकामे आणि अतिक्रमणांविरुद्ध आक्रमक पवित्रा घेतला आहे. महापालिका आयुक्त डॉ. विजय सूर्यवंशी यांच्या मार्गदर्शनाखाली राबविण्यात आलेल्या विशेष मोहिमेत १ एप्रिल ते २२ जून या अडीच महिन्यांच्या कालावधीत शहरात एकूण ८२० ठिकाणी धडक कारवाई करण्यात आली आहे. या मोहिमेद्वारे तब्बल १ लाख ४ हजार २७० चौरस मीटर क्षेत्र अतिक्रमणमुक्त करण्यात प्रशासनाला यश आले आहे.

24 Jun 2026 09:50 AM (IST)

राज्यातील 17 IPS अधिकाऱ्यांच्या बदल्या; रविंद्र सिंघल आता ACB प्रमुख

महाराष्ट्र गृह मंत्रालयाने १७ वरिष्ठ आयपीएस अधिकाऱ्यांच्या बदल्या केल्या आहेत. त्यापैकी सर्वात महत्त्वाचे म्हणजे विश्वास नांगरे पाटील यांच्याकडे मुख्यमंत्री शहर असलेल्या नागपूरची जबाबदारी देण्यात आली आहे. नागपूरचे माजी पोलिस आयुक्त डॉ. रवींद्र कुमार सिंघल यांची राज्याच्या लाचलुचपत प्रतिबंधक विभागाचे प्रमुख म्हणून नियुक्ती करण्यात आली आहे.

24 Jun 2026 09:40 AM (IST)

लग्नाचा प्रस्ताव नाकारल्याने सुनेचे लज्जास्पद कृत्य; होणाऱ्या सासूचे माॅर्फ्ड फोटो केले व्हायरल

लग्नाचा प्रस्ताव नाकारल्यामुळे इतकं कायच होऊ शकतं. पण अलिकडेच अशी घटना समोर आली आहे ज्यामुळे महिलेला यामुळे मोठ्या लाजेला समोरे जाण्याची वेळ आली. माहितीनुसार, घटना शिवडी परिसरात घडली असून लग्नाला नकार दिल्याने मुलीने थेट होणाऱ्या सासूचे अश्लिल फोटोज लिक शेअर केल्याची माहिती आहे. डिजिटल तंत्रज्ञानाचा वापर करुन मुलीने सासूच्या फोटोंमध्ये काही फेरबदल केले आणि त्यांना अश्लिल रुप देत सोशल मिडियावर हे फोटोज आणि काही आक्षेपार्ह संदेश शेअर केले.

24 Jun 2026 09:30 AM (IST)

मुंबईत टीएव्हीआर प्रक्रियांमध्ये २५% वाढ

मुंबईत ट्रान्सकॅथेटर एओटिक व्हॉल्व्ह रिप्लेसमेंट (टीएव्हीआर) आणि इतर मिनिमली इनवेसिव्ह कार्डियाक प्रक्रियांमध्ये मागील वर्षाच्या तुलनेत २५% वाढ झाली आहे. या वाढीमुळे भारतातील सर्वात विकसित आणि तंत्रज्ञान-आधारित। कार्डियाक केअर इकोसिस्टमपैकी एक म्हणून मुंबईचे स्थान अधिक मजबूत झाले आहे.

टीएव्हीआर ही गंभीर एओर्टिक स्टेनोसिसवर उपचार करण्यासाठी वापरली जाणारी एक आधुनिक प्रक्रिया आहे. ही स्थिती प्रामुख्याने ६० वर्षांपेक्षा जास्त वयाच्या लोकांमध्ये आढळते. यामुळे हृदयाचा एओर्टिक व्हॉल्व्ह अरुंद होतो, ज्यामुळे शरीराला होणारा रक्तपुरवठा मर्यादित होतो. श्वास घेण्यास त्रास होणे, थकवा, छातीत दुखणे आणि चक्कर येणे ही याची लक्षणे आहेत.

24 Jun 2026 09:20 AM (IST)

नागपुरात ‘हिट अँड रन’; अपघातात दोघांचा मृत्यू

‘हिट अँड रन’च्या प्रकरणांमध्ये सातत्याने वाढ होताना दिसत आहे. त्यातच नागपुरात दोन वेगवेगळ्या घटनांमध्ये दोघांचा मृत्यू झाल्याचे समोर आले आहे. वाठोडा आणि कळमणा या दोन पोलिस ठाण्यांच्या हद्दीत ‘हिट अँड रन’च्या दोन वेगवेगळ्या घटना घडल्या. या भीषण अपघातांमध्ये तरुणासह सफाई कामगाराचा मृत्यू झाला. दोन्ही प्रकरणांतील आरोपी अपघातानंतर वाहनचालक घटनास्थळावरून पसार झाले.