(फोटो सौजन्य- इन्स्टाग्राम)
अनुष्का शर्माचा ‘चकदा एक्सप्रेस’या चित्रपटाचे शूटिंग २०२२ मध्ये पूर्ण झाले होते आणि २०२३ मध्ये प्रदर्शित होणार होतो, पण ते रखडला. तेव्हापासून ‘चकदा एक्सप्रेस’ प्रदर्शित झालेले नाही आणि चाहते अनुष्का शर्माला पडद्यावर पाहण्याची वाट पाहत आहेत. अनुष्का २०१८ मध्ये शेवटची ‘झिरो’ मध्ये दिसली होती. त्यानंतर, ती ‘चकदा एक्सप्रेस’ चे शूटिंग करत होती, जी २०२३ मध्ये प्रदर्शित होणार होता. पण ती वर्षानुवर्षे रखडली आता, अनुष्का शर्मा ७ वर्षांनी कमबॅक करणार असल्याची बातमी आहे. खरंतर, ‘चकदा एक्सप्रेस’ चे निर्माते आता हा चित्रपट प्रदर्शित करण्यास इच्छूक आहेत.
मिड-डे नुसार, भारतीय महिला क्रिकेट संघाच्या विजयानंतर, ‘चकदा एक्सप्रेस’च्या निर्मात्यांनी सांगितले की, “आम्ही नेटफ्लिक्स इंडियाच्या उच्च अधिकाऱ्यांना वैयक्तिकरित्या पत्र लिहिले आहे की ते या वादाच्या पलीकडे जाऊन चित्रपट प्रदर्शित करू शकतात का ते पहा. झुलन गोस्वामीसारख्या दिग्गज व्यक्तीवरील बायोपिक चाहत्यांपर्यंत पोहोचण्यास पात्र आहे.” त्यांच्या चित्रपटाच्या प्रदर्शनाबाबत अधिकृत सूचना देखील मागितली आहे.
“चकदा एक्सप्रेस” वर्षानुवर्षे रखडल्याचे कारण देखील स्पष्ट करण्यात आले आहे. अहवालानुसार, नेटफ्लिक्सच्या अधिकाऱ्यांना हा चित्रपट बनवताना आवडला नाही.नेटफ्लिक्सच्या प्रमुखांना चित्रपटाची निर्मिती आवडली नाही म्हणून हा चित्रपट वर्षानुवर्षे रखडला आहे. सूत्रांनी सांगितले की प्रॉडक्शन हाऊसचे बजेट संपले होते.नेटफ्लिक्सच्या अधिकाऱ्यांना या प्रकल्पाबद्दल नापसंती दर्शविल्याने समस्या आणखी वाढली, परंतु तरीही हा एक उत्तम चित्रपट आहे.
चित्रपट निर्मात्यांनी सांगितले आहे की सध्या “चकदा एक्सप्रेस” चे हक्क नेटफ्लिक्सकडे आहेत आणि या महिन्यात टीम अंतिम निर्णय घेईल की कोणते बदल करायचे आणि त्यानंतर तो प्रदर्शित होईल. चित्रपटाच्या कथेबद्दल बोलायचे झाले तर, “चकदा एक्सप्रेस” हा क्रिकेटपटू झुलन गोस्वामीच्या जीवनावर आधारित बायोपिक आहे.
