‘इंडियाज गॉट लेटेंट’ अडकला कायद्याच्या कचाट्यात; समय रैनाच्या प्रसिद्ध शोमधील स्पर्धकाविरुद्ध एफआयआर दाखल!

विनोदी कलाकार समय रैनाचा 'इंडियाज गॉट लेटेंट' हा शो आता वादात सापडला आहे. शोच्या स्पर्धकाविरुद्ध एफआयआर दाखल करण्यात आला आहे. या बातमीने सोशल मीडियावर खळबळ उडाली आहे.

(फोटो सौजन्य - इंस्टाग्राम)

Follow Us:

Follow Us:

विनोदी कलाकार समय रैना अनेकदा त्याच्या विधानांमुळे चर्चेत राहतो, त्याच्या ‘इंडिया गॉट लेटेंट’ शोमध्ये अरुणाचल प्रदेशातील एका स्पर्धकाने केलेल्या वादग्रस्त टिप्पणीमुळे खळबळ उडाली आहे. आता या प्रकरणात एफआयआर देखील दाखल करण्यात आला आहे, ज्यामुळे शो आणि त्यातील स्पर्धकांवर टीका होत आहे. आता हा शो वादाच्या भोवऱ्यात अडकला आहे. काय आहे संपूर्ण प्रकरण हे आपण आता जाणून घेणार आहोत.

Hera Pheri 3: ‘माझ्याशिवाय स्टारकास्ट पूर्ण होणार नाही’, तब्बूने प्रियदर्शनच्या ‘हेरा फेरी ३’ चित्रपटासाठी दाखवला उत्साह!

समय रैनाच्या शोमधील स्पर्धकाविरुद्ध एफआयआर दाखल
अरुणाचल प्रदेशातील रहिवासी जेसी नवामने अलीकडेच समय रैनाच्या शोमध्ये भाग घेतला. त्याच्या सादरीकरणादरम्यान, जेसीने विनोदाने त्याच्या राज्यातील लोकांबद्दल काही अपमानास्पद टिप्पण्या केल्या. जेव्हा समय रैनाने त्याला विचारले की त्याने कधी कुत्र्याचे मांस खाल्ले आहे का, तेव्हा जेसी नवामने उत्तर दिले की त्याने ते कधीही खाल्ले नाही, पण अरुणाचल प्रदेशातील लोक ते खातात. यानंतर तो असेही म्हणाला, ‘माझे मित्र ते खातात, ते कधीकधी त्यांचे पाळीव प्राणी देखील खातात.’ असे त्याने या शोमध्ये म्हटले आहे. आणि आता याच कारणामुळे हा शो वादात अडकला आहे.

बलराजला वाटले जेसी मस्करी करत आहे.
त्या वेळी शोमध्ये जेसीची टिप्पणी विनोद म्हणून पाहिली जात होती पण नंतर ती बरीच वादग्रस्त ठरली. शोमधील आणखी एक पॅनेल सदस्य बलराज सिंग घई म्हणाले की, हा फक्त एक विनोद होता आणि जेसी हे सर्व सांगून मजा करत होता. पण जेसी नवाम यांनी त्यांच्या टिप्पण्या खऱ्या असल्याचा आणि त्यांनी जे सांगितले ते पूर्णपणे खरे असल्याचा दावा केला आहे.

जेसीविरुद्ध एफआयआर दाखल
हा भाग यूट्यूबवर प्रसारित झाल्यानंतर, आता अरुणाचल प्रदेशातील रहिवासी अरमान राम वेली बखा यांनी याबद्दल एफआयआर दाखल केला आहे. एफआयआरची नोट सोशल मीडियावर व्हायरल होत आहे, ज्यामध्ये अरमानने तक्रार केली आहे की जेसी नवामने अरुणाचल प्रदेशातील स्थानिक लोकांबद्दल अपमानास्पद टिप्पणी केली आहे. एफआयआरमध्ये असेही म्हटले आहे की, ‘मी तुम्हाला नम्रपणे विनंती करतो की या प्रकरणात त्वरित कारवाई करा जेणेकरून भविष्यात जेसी नवामने जे केले ते दुसरे कोणीही करणार नाही.’ असे लिहून त्यांनी ही एफआयआर दाखल केली आहे.

‘आमच्यासाठी पण शिवाजी महाराज दैवतच… जो महाराष्ट्रात’, विकी कौशलचं प्रांजळ मत, मराठीतील साधेपणा होतोय व्हायरल

एफआयआर कधी दाखल करण्यात आला?
हाच एफआयआर ३१ जानेवारी २०२५ रोजी नोंदवण्यात आला होता आणि तो इटानगर पोलिस स्टेशनच्या अधिकाऱ्याने लिहिला होता. या आश्वासनाची सोशल मीडियावर मोठ्या प्रमाणात चर्चा होत आहे आणि आतापर्यंत ‘इंडियाज गॉट लेटेंट’च्या कोणत्याही टीम सदस्यांकडून यावर कोणताही प्रतिसाद मिळालेला नाही आहे. ही बातमी आता सोशल मीडियावर चर्चेत आहे.

Web Title: Controversial comments on samay raina indias got latent spark fir filed against contestant

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com